لە دژی هێرش و داگیرکارییەکانی دەوڵەتی تورک و چەتەکانی بۆ سەر بەنداوی تشرین لە ٨ـی کانوونی دووەمەوە گەلی باکوور و ڕۆژهەڵاتی سووریا دەستیان بە ئێشکگری کردووە، ڕۆژانە لە سەرانسەری باکوور و ڕۆژهەڵاتی سووریاوە گەل بەشداریی ئێشکگری دەبن.

بەرەبەیانی ئەمڕۆ خەڵکی هەریەکە لە شارەکانی قامیشلۆ، تربەسپی، عامودە و تل حەمیس لە کانتۆنی جزیرە بە مەبەستی بەشداریی کردن لە ئێشکگریی و پاراستنی و بەرخۆدانی بەنداوی تیشرین ڕوویانکردە بەنداوەکە.

ژمارەیەک لە هونەرمەند و ڕۆشنبیر، هەروەها بە دەیان ژن، گەنج و بەتەمەن لە شوێنی دیاریکراودا کۆدەبوونەوە و لەگەڵ کاروانەکەدا بەڕێکەتن.