تاوانەکۍ دۆڵەوتو تورکی جە عەفرینەنە؛ قڕکەردەی گەلی و سرووشتی
تاوان و خراپەکارییەکۍ چەتەکا دۊڵەتو تورکی سەرو ئەرەنیشتا عەفرینی بەردەواما، چەتەکۍ چی دماییانە ٤٠ دارۍ زەیتونیشا بڕیێنێوە، هەرپاسە هۊرگېرتەی سەرانەی جە ئەرەنیشاتا ناوچەکەی بەردەواما.
سیاسەتو قڕکەردەی
دۊڵەتو تورکی ئەرەگیری و چەتەکێش تاوانەکاشا ۋەرا ۋەر بە گەلی و سروشتو عەفرینی درێژە پنە مڎا. چی دماییانە چەتەکۍ زیاتەر جە ٤٠ دارا زەیتونیشا جە دەگاو قۆرتلاقای گولەنەینە جە سنوورو ناوچەو شێرانینە بڕیێنێوە.
هۊرگېرتەی سەرانە و تاڵانکەردەی سرووشتی
ڕوانگەو سووری پەی مافەکا مرۆڤت (سۆهر) ئەرەیاۋناش چەتەکۍ 'لیوا شیمال'ی هۊرگېرتەی ١٣٠٠ دۆلارا سەرانەشا سەپنان سەرو بنەیانێوە دەگاو هۆپکایرە، جە ۋەرا ۋەرو گێڵایۊیشانە پەی یانەکەیشا. جە دەگاو کۆلیایچ بە هەمان شێوە چەتەکۍ حەمزاتی سەرو ئا خەڵکەی کە بیێنۍ بە وەکیلۍ زەمینا کۆچبەرا ٢٠٠ دۆلارێشا سەرەرە سەپیان.
جە شارو شیایچەنە چەتەکۍ 'عەمشات'ی هۊرگېرتەی ٥٠٠ دۆلاراشا سەرو هاموڵاتیێوەرە سپنان.
جە دەگاو دێر مشمشەی شێراوای کە ئینا چېرو ئەرەگیری چەتەکا 'عمشات'ینە کردەوۍ تاڵانی و بڕفانای ئەنجام دریان. چەتەکۍ سەرو هەرکەسێوەرە کە گېڵۊوە پەی یانەو ۋێش، ١٢٠٠-١٥٠٠ دۆلاراش چنە مسانا.
خراپەکارییەکۍ ئا چەتا تەنیا جە هۊرگېرتەی سەرانەینە نەمردانۆ، هەرپاسە دانشا موختارو دەگاکۍ و تەنیا چی مانگێنە ٦ هەزار دارۍ زەیتوونی، میوەی و دارۍ دارسانە سروشتییەکاشا بڕیێنێوە.
