جە کەرتو غەززەینە قەیرانی مرۆی ئینا زیاڎبییەینە و ئەرەیاوییا هێزەکێ ئیسرائیلی گولـلەواران و ئا مەدەنییاشا کەردەن کە بەرەو مییانو هامکاری لوێنێ و جە ئەنجامەنە لاوکەمیۆ٢٢ کەسێ کوشیێنێ، زیاڎ جە ١٢٠ کەسایچ زامڏارێ بیێنێ.
ڕووەداکەی سەرسەعبو ڕۆو شەممەی جە وەرنیشتوو رەفحاینە ڕووەشدێنە. هەرپاسە ئاماژەش پانەی کریان کاتێ خەڵکەکە بەرەو مییانو هاوکاری ئەمریکیەکا لوێنێ، جە لایەن و تڕۆمبێلێوە زرێپۆش و ئیسرائیلیۆ گولـلەواران کریێنێ و کۆمکووژیش چنە کەووتۆ.
واتەواچو پارێزنا و مەدەنییەکا غەززەی مەحمود باسڵ پەی ئاژانسو فرانس پرێسی (AFP) قسێش کەردێ و ئاماژەش پانەی دا بە مەڵامەتو گولـلەوارانرکەیۆ لانیکەم ٢٢ کەسێ کوشیێنێ و زیاتەر جە ١٢٠ کەسیش زامڏارێ بیێنێ و ژمارێوە فرە چانیشا زاڕۆڵێنێ.
کەرتو غەززەی زیاتەر جە دووێ مانگا گەمارۆ دریان، هەفتەی ویەردە جە بڕێ ناوچانە گەمارۆکە لاواز کریان. چنی ئانەیچ جە لایەنو واردەی، دەرمان و پەنەوازییە سەرەتاییەکاوە کێشەی فرە گۆرە هەیە و قەیرانێوە مرۆی سەخت ملۆڕاوە
ئیسرائیل ئۆپەراسیۆنە سەروازییەکێش چڕێ کەردێنێ بە ئامانجو دلینە بەردەی حەماسی و ڕزگارکەردەو ئا بارمتا کە جە ٧و تشرینو یوەمی ٢٠٢٣ بڕفانریێنێ.
