کۊنسەو گرڎی تەڤگەرو شۆڕشە یۆبییەکا ژەنې (کەبەدەهە) بە بۊنەو دوەمین ساڵڕۆو شۆڕشو 'ژەنې، ژیوای، ئازادی'ییۆ ئەرەیاونېوەش وەڵاکەردۆ و ئەرەیاوناش: "چەوەتەی سیستەمو دەسەڵاتداری پیای بېیەن، دەستدرێژی و کۊمکوژی وەرانوەر بە ژەنې بېیەن. پېسەو گرڎو ئا ژەنا کە جەهانەنە کوشیێ، ژینا ئەمینیچ یوەمینەو و ئاخیرەمین کوشتەی ژەنې نېیەنە جە لایەنو دەسەڵاتدارو پیایۆ. جە ساڵو ٢٠٢٢ەوە بە سەدان کەسې بە پاساوەو بەشداربییەی جە سەرهۊردای 'ژەنې، ژیوای، ئازادی' قەنارەدریێ و چنینی تەرێچ سزای قورسەشا سەرەرە سەپیا."

'بانگەوازما وەرفراوانکەرڎەی و ئەرەکۊشای، یۊگېرتەی و شۆڕشین'

جە بەردەوامی ئەرەیاوناکەینە بانگەواز پەی بەقوەتکەرڎەی ئەرەکۊشای ژەنې کەرۊ و ئامان: "بانگەواز ئەرەکۊشای جەدژو سیستەمو دەسەڵاتداری فاشیستو پیای کەرمې. زانمێ بە یۆبییەیما تاومېسەرې گنمێ. پۆکەی وەرفراوانکەرڎەو ئەرەکۊشای و یۆبییەی ژەنې و خوڵقنای شۆڕشو تازەو ژەنې ئەرکێوە تارېخیمابە."

'ژینا ئەمینیە گرڎ کاتېو دلې تووڕەبییەی ژەنېنە زینێنە'

جە دما دمای ئەرەیاوناکەینە پەیامێوە تن بە گرڎو ژەنا دریان و واچۊ: "پېسەو کەبەدەهە تۊڵەو گرڎو ئا ژەنا کەرمېوە کە جە لایەنو سیستەمو سەرمایەداری دماکۆتەینە کوشیێنێ. ئارۊ نەبۊ یان بەدڵنییاییۆ جە سەواینە تۊڵە کەرمېوە. تووڕەیی ژەنې جە ٨ی ئازار ی و ٢٥و تشرینی دوەمینە سیستەمو پیاسالاری ماڕمێ! ژینا ئەمینیە گرڎ کاتېو دلې تووڕەیی ژەنېنە زینێنە."