کۊڵبەرێوە کوشیا و چند کۊڵبەرێوەیچ بریندارۍ بیۍ
بە تەقەی ڕاستەوخۊ، دایوەنەی و ئەشکەنجەدای لاو ھێزەکاو سەر بە دەوڵەتوو ئێرانیوە، کۊڵبەرێوە کوشیا و چند کۊڵبەرێوە تەرێچ بریندارۍ بیۍ.
پەلیانەو کۊڵبەر نیوزی وەڵاش کەرڎۊ، هیزی کۊڵبەرێوە بە نامۍ "فەرید وەتەنی ڕەسوڵ"یوە خەڵکوو دەگاو "نشکاش"وو سەر بە شاروو مەریوانی وەرکەوتوو کورڎستانینە، بە تەقەی ڕاستەوخۊو ھێزەکاو سەر بە دەسەڵاتوو ئێرانی مەنتێقەو "دەرەوەران"وو مەریوانیوە مەرڎەن.
ئانەیچ وزیان ڕووە، ئا کۊڵبەرە کە خێزاندارا و ساعیبوو ٣ زارۊڵان، فیشەکۍ وەروو سەرەیش کەوتەن و دەمودەس گیانش جەدەس دان.
ھەرپاسە بە پاو زانیارییەکاو پەلیانەکەی، ڕۊو ١٥و تشرینوو یوەمی، پۊلێوە کۊڵبەرۍ کە ژمارەشا نزیکەو ١٥ کەسا بۍ، ھێزەکاو دەوڵەتو ئێرانی مەنتیقە سنوورییەکاو بانەینە وەرکەوتوو کورڎستانینە، بەتندی ڕووبەڕووۍ دایوەنەی ئەشکەنجەی کەرڎێنیوە و کراونەتەوە و یۊشا بریندار بییەن.
ئینە جە وەختیوەنە ماوەی یەک مانگی ویەرڎەینە، کەرڎەی ئامانجوو کۊڵبەرا مەنتێقە سنوورییەکاو وەرکەوتینە لاو هێزەکاو سەر بە دەسەڵاتوو تارانیوە هەستەر بییەنۊ چندین کۊڵبەرۍ بە تەقەی ڕاستەوخۊو ئا هێزا کوشیێنۍ و بریندارۍ بیێنۍ.
