خەڵکو مەخموری ۱۲ ڕۋېن ڕا مەڎا کامپەکەشا گەمارۊ دریۊ
مدرامانو ئەرەنیشتا کامپو مەخموری جە دژوو گەمارۊدای کامپەکەیشا ئینا ۱۲ەمین ڕۊنە. سەروازەکۍ عێراقیچ هەڵای ئینۍ دۊروبەرو کامپەکەینە.
سوپاو عێراقی جە ۲۰و ئایاریوە حۊل مڎۊ جە دۊروبەرو کامپو پەنابەرا گەشمەرڎە ڕوستەم جودی (مەخمور)ینە خەندەق هورکەنۊ، کامپەکەی تەلبەن کەرۊ و بورجی چەمڎاریش چنە بنیۊرە. حەر جە ڕۊی یوۋەمۊ حەتا ئیسە پەنابەرەکۍ مەخموری وەران ۋەر پا حۊلا مرڎېنېوە و وەرەنگاری مکەرا.
خەڵکو کامپەکەی ماوەو ۱۲ ڕۋان بە شەو و ڕۊ وەرەنگاری مکەرا. حەرپاسە سەروازە عێراقییەکېچ ماوەو ١٢ ڕۋان موزیڕېنۍ سەرو ئانەی کامپەکەی تەلبەن کەرا و پۍ ئانەیچ گرڎ ڕۋۍ وەردەوامېنۍ جە حۊل و فشارەکاشا.
خەڵکو کامپو پەنابەرا مەخموریچ هېزی شەوۍ جە خېمەکا مدرامانینە تا سەعبۍ پاسەوانیشا کەرڎ و حەتا ئیسەیچ ئا مدرامانە وەردەواما.
هـ . ش
