کەجەدەکە-ئە ئەرەیاوناش، دۆڵەتو تورکی ئەرەگیری بەردەواما جە هرووژمە قڕکاریەکا جە دژو مەدەنییەکا و ئانەش وست ڕووە، "داوا جە گەلەکەیما مکەرمێ کە بە دروشمو 'وەرنیشتی پارێزندێ' هرووژمە قڕکارییەکا شەرمەزار کەردێ".
کۆنگرەو گلێرگەی دیموکراتیکو کوردەسانیا ئەوروپای (کەجەدەکە-ئە) سەبارەت بە هرووژمەکا ئی دماییاو دۆڵەتو تورکی ئەرەگیری ئەرەیاونێوەش وەڵاکەردۆ و داواو شەرمەزارکەردەو هرووژمە قڕکاری و کۆمکوژییەکاش کەرد.
ئەرەیاوناکەو کەجەدەکەو-ئە ئامان، "دۆڵەتو تورکی ئەرەگیری و چەتەکاش ئا مەدەنیێشە کەردێ ئامانج کە گەرەکشا بێ بەشداری جە ئێشکگیری بەنداو تشرینە کەرا. هرووژمەکانە ٣ مەدەنیێ گەشمەرڏێ بیێ و بە دەیان کەسێش زامڏارێ بیێ. ئا گەلا روانە جە دژو ئەرەگیرا خاکەکەیشا پارێزنانە، جەلایەن سپاو تورکی و چەتەکاش کریانە ئامانج.
سوپاو تورکی ئەرەگیری بە ڕاگیری جە سەفەربەری گەل پەی بەشداری جە چالاکی ئێشکگیری، هەوڵ مرۆ پلانەکا وێش پەی ئەرەگیرکەردەو وەرنیشتی جابەجێ بکەرۆ. پەی ئانەیش پەنا پەی گرڏ رێبازێوە دڕندانەی بەرۆنە، بنەما مییانەتەوەییەکا پاشێل مکەرۆ. خەڵکی مەدەنی چێرو هەڕەشێ ئەرەگیرینە، پەی پارێزناو وێشا ئەرەکۆشانە.
بە هەزارا مەدەنیێ پەی گۆرەکەردەی و فراوانکەردەو ئا مڏرامانەیە بە کارەوانو تڕۆبێلەکاشا بەرەو بەنداو تشرینی کەوتێنێ ڕا، رووبەڕووو هرووژمەکا دۆڵەتو تورکی بیێنێ. هامکات زۆرئاڤاو دیمەشقینە بەرەو یانەو مەدەنییەکا مەڕیا و بە شێوەی تنوتیژانە سەدان کەس دەسبەسەرکریێ و تەوقدای بەردەواما.
داوا جە گەلەکەیما مکەرمێ کە بە دروشمو 'وەرنیشتی پارێزندێ' گرڏ یاگێنە هرووژمە قڕکارییەکا شەرمەزار کەردێ و خاوەنداری جە گەلی کەردێ".
