کەجەکە هجوم و دەوڵەتوو ئیسرائیلی پۍ سەروو نەوەشخانېوە غەزەیش شەرمەزار کەرڎ و ئەرەیاۋناش: "ئا هجومەو دەوڵەتوو ئیسرائیلی هجومېوە کۊکوشی و قڕکەرڎەین. ئا کۊکوشیە بە تنی شەرمەزار کەرمۍ. ئا کارەساتە پەڕ ئېشەی سەروو فەلەستینیەکارە ئاما، یاگۍ خەم و پەژارەیمانە".
ئەرەیاۋناکەو کەجەکەی پی جۆرەنە:
"دەوڵەتوو ئیسرائیلی هېزی غەزەنە هجومېوە ئاسمانیش کەرڎ سەروو خەسەخانېوە و بە مەڵامەتشۊ بەداخۊ سەڎان ئینسانۍ گیانشا جە دەسدا. ئا هجومەی کە دەوڵەتوو ئیسرائیلی کەرڎەنش، هجومېوە کۊکوشی و قڕکەرڎەین. ئێمە ئېمە ئا هجومەیە بە تنی شەرمەزار کەرمۍ. ئا کارەساتە پەڕ ئېش و دژوارەی سەروو گەلوو فەلەستینیرە ئامان، پۍ ئێمە ئېش بەخشا و یاگۍ خەم و پەژارەیمانە. بەتایبەتی خەڵکوو غەزەی، سەرەوەشی جە تەماموو گەلوو فەلەستینی کەرمۍ. جارێوەتەر پەشتیوانی ۋېما پۍ گەلوو فەلەستینی و دۆزە رەواکەیشا واوەی کەرمېوە. کۊشیای گەلا دژ بە ستەمی بە دڵنیاییوە سەرگنۊ و ۋنەپەرسایۊ جە گرڎوو کۊکوشیەکا کەرا.
بەداخۊ ئا هجومەو دەوڵەتوو ئیسرائیلی ۋەرووچەما جەهانیۊ ئەنجام مڎریۊ. دەوڵەت و هێزە هەژموونوازەکۍ نەک پۍ چارەسەروو پەرسوو فەلەستینی، بەڵکم بە پاو مەسڵەحەتە ئابووری و سیاسیەکا ۋېشا جماوە. بە چ شېۋېوە مامەڵە چنی گەلوو کورڎی کەرا، بە هەمان جۆریچ مامەڵە چنی گەلوو فەلەستینی کەرا. حیچ هێزێوە هەژمونواز و دەوڵەتا گەرەکشا نیا پەرسوو فەلەستینی بە شێۋېوە سیاسی چارەسەر کریۊ و تەرەفڎارۍ ژیۋایۍ هامبەش و دیموکراتیکی و یەکسانی گەلا عەرەبی و یەهوودی جە ۋەرکەوتوو میامینینە نیەنۍ. پەی ئانەی حۊڵ مەڎا و مە کۊشیا. پەرسوو ئیسرائیل-فەلەستینی و ئاژەی هەنووکەیی پەی سیاسەتوو ۋېشا بەکارمارا. سەبارەڎ بە سیاسەتوو قڕکەرڎەی سەروو فەلەستینی، ئنڎەو دەوڵەتوو ئیسرائیلی ئا هېزېچە ۋەرپەرس و تاوانبارېنۍ. حەر یۊ ۋېشا پېسە تەرەفڎار و یۊیشا نیشانە مڎا، کە ئانەیچ هەڵوێستێوە فریودەرانەن. یۊ چانیشا کە ئانەی کەرۊ دەوڵەتوو تورکیاین. مەراق و حۊڵەکۍ و هەرمانەو دەوڵەتوو تورکی و دەسەڵاڎداری ئاکەپە-مەهەپەی نەک پۍ چارەسەروو قۊرتەو فەلستینیا، بەڵکم ئامانجش ئانەن کە جە ۋەرکەوتوو میامینینە ۋەر بە وەشبیەو حەر جۊرە هامسەنگیېوە گېرۊ پۍ ئانەی سیاسەتەکا پەیوەس بە کۊکوشکەرڎەی کورڎی نەوزۊ مەترسیوە. بە تەمامی پۍ ئا ئامانجەیە کۊشیۊ.
مشۊم گەلا ۋەرکەوتوو میامینی و گرڎوو جەهانی پا ڕەفتاریە بزانا و بە پەشتیوانیشا پۍ گەلوو فەلەستینی عالتەر کۊشیای کەرا و گوڕ بە کۊشیای بڎا. فرە گرنگا گەلا عەرەبی و یەھودی، درک پا مامەڵە و ڕەفتارا دەوڵەتەکا کەرا و جە کۊشیای و پەشتیوانی و ڕزگاری هامبەشەنە بەشڎارۍ با. مشۊم گەلوو کورڎیچ زیاتەر پەشتیوانی ۋېش پۍ گەلوو فەلەستینی نیشانە بڎۊ و پا ھەڵوێستوو پەشتیوانیۊ درێژە بە کۊشیایش بڎۊ. تەنیا ڕاو چارەسەری ڕاستەقینە و قۊرتە و پەرسەکا ۋەرکەوتوو میامینی ۋیرکەرڎەیۊ و مامەڵەو نەتەوەی دیموکراتیکن کە ڕابەر ئاپۆ وستەنش ڕووە. ئانەی کە ئا چارەسەرییەیچە مارۊنە دی کۊشیای هامبەشوو گەلا ۋەرکەوتوو میامینین، بەتایبەت گەلوو کورڎی، عەرەب و یەھودیین.
بەنامۍ جمیەریی ئازاڎیی کورڎیوە، جارێوەتەر بە تنی ئا کۊکوشیە شەرمەزار کەرمۍ، سەرەوەشی ۋېما ئاراسەو گەلوو فەلەستینی کەرمۍ، هیواو خاسبیەیۊ پۍ زامڎارەکا موازمۍ. مشۊم گەل بە کۊشیای ۋېش دژوو ئا هجوما مرداوە، دەوڵەتەکېچ واز جە هەڵوێستی دووڕوویی ۋېشا بارا و حۊڵەکاشا پۍ مرڎنای ئا هجوما و چارەسەرکەرڎەی پەرس و فەلەستینی وزانۍ گەڕ.
