گلێرگەوو ئیسلامیی کوردستانی (جیک) بە ئەرەیاوناێوە هجوومەکەو ئیسرائیلیش پەی سەروو خەسەخانەکەو غەززەی شەرمەزار کەرد، کە سەدان کەسێش دلێنە مەردۍ.

ئەرەیانایەکەینە ئامان، دەوڵەتوو ئیسرائیلی هجوومش کەرد سەروو نەوەشخانێوە غەززەی و سەدان کەسی بێتاوان مەردێنۍ، جەختیچش کەردەنۊ، کە پەرسەو فەلەستینی داواو ئازادی و مافینە.

'دەوڵەتە ستەمکار و بکوشەکۍ مەتاوا ئی پەرسۍ چارەسەر کەرا'

ئەرەیاونایەکە:

"بە چارەسەرکەردەی ئا کێشەیە مشۊم گرد کەس دەمودەس جە چوارچوەو مافی و یاسێنە مامەڵە چەنی ئا کێشەیە کەرۊ. دەسەڵاتدارە ستەمکار و بکوشەکۍ مەتاوا ئانەیە حەل کەرا. مسوڵمانۍ، یەهودییەکۍ، مەسیحییەکۍ، ئێزییەکۍ، دروزییەکۍ و شۊنکەوتۍ ئایینەکای تەری مشۊم قبووڵش کەرا، کە ئا کێشە، کێشێوە ئایینی نییا. تورکیا، ئێران، عێراق و سوریا گردوو ڕوۍ بە سەدان ئینسانۍ کوشا، پەوکای ئەستەما بتاواو ئا کۊکوشییە مردنا. ئێمە پێسە خەڵکی باوەڕمەندی مشۊم حەرگیز گۊش چا دەوڵەتا نەگێرمۍ و نەبیمۍ ئامرازوو سیاسەتەکاشا. مشۊم ئێمە پەی ئەرەمەرزنای هەلومەرجوو ژیوای ئاشتیییانە، کۊشیەیمێ".