کناچێوە هەورامانییە جە کاراتەنە بییە دوەمەو جیهانی
ڕۆژین ڕەفیعی، کناچە کاراتەکارۍٚ هەورامانییە، جە پاڵەوانیی کاراتەو جیهانییەنە کە جە ئینگلیس سازکریان، بییە دوەمەو جیهانی.
کناچە کاراتەکارە (ڕۆژین ڕەفیعی) خەڵکو هەورامانو دیمو وەرکەوتو کوردستانی کە ئەندامەو تیمو مللیی ئینگستانیەنە، بەشداریش جە پاڵەوانیی شوتوکان کاراتەو جیهانی کەرد کە جە شارو لێڤەرپۆڵی ساز کریان.
ڕۆژینە جە گەمەی تاکەکەسییەنە هامتا، ئیسپانی، ئەمەریکی، ئینگلیسی و دانیمارک)ییەکێش شکست دێ، بەڵام دمایین جار چەنی هامتا هەنگار (مەجەرستان)ییەکێش دۆڕیا و میداڵی زیو-ش بەدەستۋست و پلەو دوەمو پاڵەوانیەتییەکەیش مسۆگەر کەرد. نامریێ بە ئی جۆرە بییە بە یوە جە ٨ کاراتەکارە پێشەگەکانو جیهانی.
کناچە کاراتەکارە (ڕۆژین ڕەفیعی) جە ئەڎا و تاتێۋی پاوەیی/ جوانڕۆیی جە ئەڎێ بیێنە و ساڵانێوەن چەنی خانەوادەکەیش جە شانشینو بەریتانیایەنە مژیوانۍٚ و جە تەمەنێۋی کەمەنە هۆگرەو وەرزشی و کاراتەی بیێنە ڕۆژینە جە دمای سەرکەوتەی و بەدەستۋستەی چنڎین میداڵیایا جە قارەمانییەکانو ئینگلیسی و بەریتانیایەنە، بیێنە بە گەمەکارو تیمو مللیی ئینگلیزی و جەپاڵەوانییە جیهانییەکانە چوون کناچێوە هەورامانییە، نمایندەیی ئا وڵاتەیە مکەرۆنە.
