کۊنگرەو گەلی: ئێمە هەڵمەتەکۍ بە ئازادیی ڕابەر ئاپۊی تاجدار کەرمۍ
دیوانوو هامسەرۊکایەتیی کۊنگرەو گەلی سڵامش جە هەڵمەتەو ئازادی پەی ڕابەروو گەلوو کورڎی عەبدوڵڵا ئۊجالانی و چارەسەروو پەرسەو کورڎی کەرڎ و داواش پەی بونیادنیای کۊمەڵایەتی ئەرەیاونا.
دیوانوو هامسەرۊکایەتیی کۊنگرەو گەلی بە ناموونیشانوو 'ئێمە هەڵمەتەو ئازادی پەی عەبدوڵڵا ئۊجالانی و چارەسەروو پەرسەو کورڎی بە ئازادیی ڕابەر ئاپۊی تاجدار کەرمێ' ئەرەیاوناێوەش وەڵا کەرڎۊ.
ئەرەیاونایەکەنە ئامان:
"هاگابییەی جە ڕابەر ئاپۊی سەرتاسەروو جیهانینە، چا هومێدیوە ئامان، کە ڕابەر ئاپۊ بە پاڕادایموو ئازادیی وێشۊ بە جیهانیش بەخشان.
بۊنەو قەیرانەکاو سەرمایەدارییوە بە ئامانجوو هەرمانۍ فرۍ و جەنگی پەی ڕزگاربییەی و بەرشیەی چا قەیرانا بە پلانەوە کریا و ئاکامنە کارەساتۍ گەورۍ مەیا ئاراوە، جیهانوو ئێمە ڕووبەڕوو وڕیاێوە ماددی و مەعنەوی و کارەساتی کۊمەڵایەتی و ژیوگەیی بییەنۊ.
دژوو سیستمی کۊلۊنیالیستی و تێکدای دڕندانەو مۊدێرنیتەی سەرمایەداری، ڕابەر ئاپۊ بە پاڕادایموو ئازادیی دیموکراتیکوو وێش پەی گرڎوو جیهانی بییەن بە هومێد.
وەختوو گەشیایۊ هومێدین. هومێد ڕابەر ئاپۊن. پاڕادایمووئازادیی کۊمەڵەو ئەخلاقی و سیاسین. ئێمە پاڕادایمەکەی جە ڕووەو کۊمەڵایەتییوە بە گوێرەو بناغەکاو نەتەوەی دیموکراتیکی وەش کەرمۍ. هێزوو گلێرگەی دیموکراتیکی گرڎوو کایەکاو ژیواینە گەش کەرمۍ و ڕابەر ئاپۊی ئازاد کەرمۍ.
هەڵمەتەو "ئازادی پەی عەبدوڵڵا ئۊجالانی، چارەسەر پەی پەرسەو کورڎ'ی حەریاگێونە ئێمەش چەنەبیمۍ جە ڕاو بونیادنیای کۊمەڵایەتیوە گەشتەرش کەرمۍ. پەوکای بونیادنیای کۊمەڵایەتیی دیموکراتیک-ئیکۊلۊژیک و ئازادیوازوو ژەنا، دژوو ئا هێزا پیلانگێڵنیی میاننەتەوەییشا وەراوەروو ڕابەر ئاپۊی کەرڎ، ئانی گەرەکشا نیا پەرسەو کورڎی چارەسەرە کریۊ و کورڎەکۍ بەرڎەوام کۊکوش کریا، ئانە بۊ بە قەوەتتەرین جواب.
جە ٢٥ەمین ساڵیادوو پیلانگێڵنیی میاننەتەوەیی ٩و تشرینوو یوەمینە، قەوەتتەرین جواب بە هێزە پیلانگێڵنەکا جە ڕاو هەڵمەتێوە سەروو ئاستوو جیهانی فرە مانادار و بەنرخا. ئێمە گرڎوو هامڕایا و دۊساو وێما، کە ئینایمۍ دلۍ هەڵمەتێوەنە، دڵۊ مەبارەکباییشا وەنە کەرمۍ.
جیای ئا هەڵمەتۍ ئێمە پێسە دیوانوو هامسەرۊکایەتیی کۊنگرەو-گەلی داوا وەنەو گەلەکەیما کەرمۍ پەی تاجدارکەرڎەی هەڵمەتەو "ئازادی پەی ئۊجالانی، چارەسەروو پەرسەو کورڎی" کە هامڕۍ و هۊگراو ڕابەر ئاپۊی دەسشا پەنە کەرڎەن، ئێمە بە بونیادنیای سیستموو کۊنفیدڕاڵیزمی دیموکراتیکی سەروو بناغەو نەتەوەی دیموکراتیکی، بە گیانی سەرفەربەریوە هەڵەمەتەکۍ بەرمۍ ڕاوە.. ئێمە بڕواما پەنە کەرڎ و یاوایمۍ وێگە. بە وەشەسیای و جۊشوخرۊشۊ پەی کۊبییەیوە ڕووبەڕوو چەنی ڕابەر ئاپۊی، بە بڕوا پانەیە کە ئێمە سەرۍ گنمۍ، داواو سەفەربەری بونیادنیای کۊمەڵایەتی کەرمۍ. سەرکەوتەی پەی گەلەکەیماو و دۊساما".
