دەسەی ڕاوەبەری کۆنگرەو نەتەوەیی کوردسانی (کەنەکە)سەبارەڎ بە هجومەکەو سەروو خەسەخانېوە ئەهلی جە غەززە ئەرەیاۋنېوەش ۋەڵا کەرڎۊ کە زیاڎ جە٥٠٠ کەسا  گیانشا جە دەسدان کە فرەیشا ژەن و زارۊڵېنۍ.

کەنەکە هجومەکەش بە کارەساتێوە مرۆیی و کۊکوشی و تاوانۍ دژ بە مرۆڤایەتی پێناسە کەرڎ و ئەرەیاۋناش، "ئێمە پېسە کەنەکەی بە تنی ئی هجومەیە شەرمەزار کەرمۍ. هجومەکە جە تەرەف و حەر لایەنېوە کریا بۊ بە حیچ جۊرۍ قبوڵ مەکریۊ. هجوم پۍ سەروو یاگە مەڎەنییەکا، پېسە خەسەخانەکا و مەڎەنییەکا تەری". دژوو یاسای، ڕێککەوتەی و بنەما میان نەتەوەییەکانۍ، ئێمە پېسە گەلوو کورڎی ئێش و ئاکاموو ئی جۆرە هجوما پۍ سەروو خەسەخانە و یاگە مەڎەنییەکا عال هەست پنەکەرمۍ، ۋەروو ئانەی گەلوو کورڎی ساڵانە ڕووبەڕوو هجوموو دەوڵەتا ئەرەگیری پېسە تورکیای و ئەویشا تەری بیەنۊ”.

درێژەو ئەرەیاۋناکە و کەنەکەی پی جۊرەنە:

"تاریخ بەرش وستەن کە قۊرتەو فەلەستینی و ئیسرائیلی بە تنووتیژی چارەسەر مەکریۊ. ئا قۊرتۍ کە ئیسە پېسە جەنگوو بەین و حەماسی و ئیسرائیلی ۋینیۊ، بە مەڵامەتوو مەسڵەحەتوو جیاوازی دەوڵەتاوە قووڵتەر بۊوە. بەداخۊ ئېشەکۍ گەلوو فەلەستینی دیارۍ بېنۍ جە هجوموو سەروو خەسەخانەکەینە ، بەڵام جە لایەنوو بڕۍ جە دەوڵەتاوە پۍ سیاسەتوو مەسڵەحەتەکا ۋېشا بەکارمۍ. بەتایبەت سیاسەتی دووڕووانەو سەرۆک کۆماروو تورکی ئەردۆغان کە تا ئیسەیچ فەلەستینی بە هەرێمێوە وەڵتەروو ئیمپراتۆریەتی عوسمانی مزانۊ، مزانیۊ کە ئەردۆغان گرڎوو دەرفەتەکا پۍ ستراتیجی ئەرەگیری بەکار مارۊ. سەروو گەلی و فەلەستینیۊ سیاسەت کەرۊ. بەڵام جە لایۍ تەرۊ هەمان دڕنڎەیی و بێ ئەخلاقی سەروو گەلوو کورڎی جە سەرنیشت و ۋەرکەوتوو سوریای و ۋەرنیشتوو کوردسانیرە مارۊ. ئەردۆغان هامشێوەو فەلەستینی ۋەرنیشتوو کوردسانیچ پېسە هەرێمێوە وەڵتەروو سەردەموو عوسمانی تەماشە کەرا. وەڵۍ گرڎ چېۋېنە مەبۊ کەس ئی سیاسەتە دووڕوویە پېسە دڵسۆزی تەماشە کەرۊ.

پۍ چارەسەری و ئاشتیېوە بەردەوامی، داوا جە لایەنەکا کەرمۍ ڕۋۍ زووتەر ئی جەنگە ماڵوێرانییە مرڎنا و بە شێۋۍ سیاسی و گفتووگۊ قۊرتەکاشا چارەسەر کەرا.

ئەگەر پەرسە ئەساسیەکۍ پېسە پەرسوو کورڎی و فەلەستینی بە ڕای سیاسی چارەسەر نەکریا، ئاشتی و ئارامی جە ۋەرکەوتوو میامینینە وەش مەبۊ”.