کەنەکە پەیامۍ سەرەۋەشېش پۍ گېان جە دەسداو سوھەیلا قازیۍ ۋەڵاو کەرڎۊ
دەسەو ۋێڕاۋەبەری کۊنگرەو نەتەۋەیی کورڎسانی(کەنەکە) بە بۊنەو گېان جە دەسداو سوھەیلا خانمۍ کناچۍ قازی محەمەڎیی پەیامۍ سەرەۋەشېش ۋەڵاو کەرڎۊ.
دەقو پەیامەکەو کەنەکەی:
بە داخو ئەسەفۍ فرۊ ھەواڵ و گېان جە دەسداو سوھەیلە خانمۍ کناچۍ قازی محەمەڎیی نەمریما پنە یاوا. سوھەیلە خانمە جگە چانەی کە جە خانەۋاڎێۋە ئەرەکۊشی و خەبات کاری بۍ. ئەنڎامەو ۋەڵېنو کۊنگرەو نەتەۋەیی کورڎسانیچ بۍ. سوھەیلە خانمە جە ئەرەکۊشای نەتەۋەیینە خۊتان ھەڵۋێسو صەڎاو ۋێش بۍ. تا دما ساتەکاو ژیۋایچش دڵش ھەر پۍ ئازاڎیی کورڎسانی و سەرفرازی گەلەکەیش دۍ ۋنە.
ئێمە جە کۊنگرەو نەتەۋەیی کورڎسانی سەرەۋەشی جە ۋێما و خانەواڎەو دۊساو سوھەیلە خانمۍ و تەمامو گەلو کورڎسانی مکەرمۍ. ئەچی بۊنە خەمبارەنە عەھد بە ڕۊحو سوھەیلە خانمۍ و گرڎو مسافېراو ڕاو ئازاڎیی کورڎسانی دوپات کەرمێۋە، کە گرڎ ۋەختۍ مسافېرو ڕاکۍ ئایشۍ بۆمۍ.
ھ.ش
