گلېرگەو ژەنا ئازاڎیی ۋەرکەوتوو کوردسانی (کژار) جە ڕاو ماڵپەڕوو 'دادخواست'یوە دەسش بە هەڵمەتێوە کۆکەرڎەیۊ ئیمزایا کەرڎەن پەی ئاشکراکەرڎەی چارەنویسوو وریشە موراڎیۍ (جوانا سنە)یۍ ئەنڎامەو کژاری کە جە سەرەتاو مانگەو ئابیۊ نزیک بە شاروو سنەی جە لایەنوو هێزە ئەمنییەکا دەوڵەتوو ئێرانیوە بڕفانیېنە و چارەنویسش دیار نییا.

دەقوو بانگەوازەکەو کژاری جە هەڵمەتەکېنە پی جۆرەنە:

"پۍ ڕاو گرڎی، ریپۆرتەری تایبەتوو نەتەوە یۊگېرتەکا پۍ مافەکا مرۆڤی جە ئێران! ڕێکوزیا میان دەوڵەتییەکا داکۆکیکەر جە مافەکا مرۆڤی!

جە ١٠و  گەلاوێژوو ٢٧٢٣، یۊ جە ئەنڎاما ڕێکوزیاکەیما “گلېرگەو ژەنا ئازاڎیی ۋەرکەوتوو کوردسانی – کژار”، بە نامۍ “وریشە موراڎیۍ” ئشناسیۍ بە “جوانا سنە”یۍ، کە سەرحاڵەو ڕاوەبەرڎەی جەمۍ جە کاروباری سیاسی و ڕێکوستەی پەیوەنڎیدار بە ژەنا جە ۋەرکەوتوو کوردسانی بۍ، نزیک بە شاروو سنەی جە لایەنوو هێزە ئەمنیەکا جمهوری ئېرانیۊ بڕفانیېنەو پۍ یاگېوە نادیاری بریېنە.

چی ماوەنە سەرەڕاو شۊنیرە لوای بەردەواموو خانەواڎەو هامڕېما وریشە موراڎیۍ پۍ دامودەزگا ئەمنییەکا، حیچ زانیاریېوە سەروو چارەنویسوو نامەبریۍ دەس نەکەوتەن. ئی مژارە نیگەرانی ڕێکوزیاکەو ئێمە “گلېرگەو ژەنا ئازاڎیی ۋەرکەوتوو کوردسانی – کژاری” و حەرپاسە خانەواڎەکەیش، سەبارەت بە ئاژەو نادیاروو نامەبریۍ زیاتەر کەرڎەن.

سەبارەڎ بە بێ سەروشۊنکەرڎەی ئی هەڤاڵېما جە لایەنوو هێزەکا سازمانوو ئیتلاعاتوو سپاو پاسدارا و وەزارەتوو ئیتلاعاتیوە، ئێمە، کۆماروو ئیسلامی ئێرانی بە ۋەرپرسیار مزانمۍ جە پارېزنای گیان و مافەکا هەڤاڵە جوانا سنەینە.

حەر پۊکەی داوا جە ڕای گرڎی و ریپۆرتەری تایبەتوو نەتەوەیۊگېرتەکا پۍ مافەکا مرۆڤی جە ئێران و ڕێکوزیاو مافوو مرۆڤی میان دەوڵەتی کەرمۍ کە ڕاوجای پەنەواز سەبارەڎ بە شۊنیرەلوای پۍ بێسەروشۊنکەرڎەی هەڤاڵە جوانا سنەی و حەرپاسە “سیناریۆ سازی ئەرەمەرزیا ئەمنییەکا” دژوو نامەبریۍ گېرانە ۋەر".

پۍ ئیمزاکەرڎەی کەمپینەکەی چېنە کلیک کەرڎۍ