دەسەی ڕاوەبەری کەژەکەی ئەرەیاۋناش، وەردەوامبیەو نەریتو مدرامانو لەیلاکا، هورگېرتەو شۊڵەچراوەکېشا، کە ئاڎۍ بە وەشەویسیۊ بەرزەشا کەرڎېبېوە و یاۋنایش بە ئاینڎەی بۊ بە ڕاستەرین جواب جە دژوو ڕژێمو پاکتاوکەری.
دەسەی ڕاوەبەری کەژەکەی ئەرەیاۋناش، وەردەوامبیەو نەریتو مدرامانو لەیلاکا، هورگېرتەو شۊڵەچراوەکېشا، کە ئاڎۍ بە وەشەویسیۊ بەرزەشا کەرڎېبېوە و یاۋنایش بە ئاینڎەی بۊ بە ڕاستەرین جواب جە دژوو ڕژێمو پاکتاوکەری.
ئەرەیاۋناو دەسەی ڕاوەبەری کەژەکەی پی جۊرەنە:
"جە کۊشیایمانە پۍ ئازاڎیی، ڕاسیی گەشمەرڎەکاما بیەن بە ڕاسیی سەرکۊتەی. قوربانیۍ گۊرۍ دریۍ و ڕا پۍ ئاخېزو ژەنۍ و ئاخېزو کورڎسانی کریاوە، پۊکەی یاگۍ ۋېشەنە واچمۍ؛ بە دەسو ۋېشا دڕەیەکۍ سەرو ڕاو ئاخېزیشا لابەرڎۍ.
هەڤالە "لەیلا سورخوێن"ە ئەنڎامەو دەسەی سەروازیی هەپەگە - یەژاستاری، ئەنڎامەو مەجلیسی پاژکی و پەکەکەی جە مانگەو کانوونی دوۋەمینە جە هەرێمو بەستای جە ئۊپەراسیۊنۍ هێزە پاکتاوکارەکا ئاکەپە – مەهەپەی فاشیستینە گەشمەرڎۍ بیە، یۊ چا کەسا بۍ، کە بە کۊشیای ۳۱ ساڵەو ۋېش ڕاو ئاخېزیش ڕۊشنەکەرڎۊ و گیانش کەرڎۊ وەرو ئاخېزیرە. هەڤاڵە لەیلا پېسە شەڕڤانێوە و جەنگاوەرێوە جە بۊتان دەسش بە کۊشیای کەرڎ و جە بۊتان پېسە فەرمانڎېوە سەرمەشقۍ لوۋا ریزو قافڵەو نەمراوە. پیسە ئەویندارێوە بۊتانی پۍ حەریاگېوە لوۋۍ حەر ڕوۋەش جە بۊتانی بۍ، پۊکەی جە ئاخرەنە حەر گېڵایۊبۍ پۍ بۊتانی. ئاڎە هامڕایش چنی "عەزیمە، سورخوێن، نودا، دەلال و ئازێیەکان"ە کەرڎ و شۆڵەچراوەو مدرامانیشا پۍ هەمیشەیی جە بۊتان بە بەرزی ڕاگېرت، پۍ یەرەم جاری ڕوۋەش کەرڎۊ بۊتان. جە ماوەو ۳۰ ساڵا ۋیەرڎەینە، ئاڎە ورە، تامەزرۊیی، قەناعەت و پاگیری و سووربیەی ۋېش حەر پېسە ساتە وەختی یوۋەمو بەشڎاربیەیش پۍ دلۍ ئاخېزی بە بەرزی ڕا گېرت و کەمش نەکەرڎ، بەڵکم ئا تامەزرۊییەو ۋېش سات بە سات زیاتەر و بەقوەتتەر کەرۍ و پا تامەزرۊی و هێز و غیرەتیشۊ، بست بە بست و کەشەکا کورڎسانیرە گېڵا و کۊشش کەرڎ.
پېسە ڕابەر ئاپۊ ماچۊ، ئاڎە یۊبۍ جە نوێنەرا ئا ژەنا، 'حەتا جەنگ کەرۊ و کۊشش کەرۊ، جوانە بۊو، حەتا جوانە بۊ وەشەویسە بۊ. ژیای ۲٤ سەعاتی چنی ڕابەر ئاپۊی پۍ ۋېش کەرڎەبۍ بە بنەما، بە ئایدۊلۊجیاو ڕابەر ئاپۊی ۋېش سەرجەنۊ خوڵقناوە. بە ڕاسیی ئانەی بە ۋیرو پەیلوایش چنی ئێمە نەبۊ چالاکییەکەیچش هینو ئێمە نییا'ی ڕابەر ئاپۊی دەسشپنەکەرڎ، زانۍ کە ئا ئینسانۍ جە ژیاینە سەرکۊتۍ نەبا مەتاۋا جە جەنگەکەنە سەرکۊتۍ با، پۊکەی بە ڕادەو کۊشیایش و قەراردایش جە جەنگەنە پا ڕادەیچە جە ژیانە فەرمانڎۍ بۍ. ئاڎە تەژنۍ ئازاڎیی بۍ، پۍ ئانەی تەژنەیی ۋېش ماڕۊ، هەمیشە ڕوۋە جە ڕابەر ئاپۊی کەرۍ. هەڤاڵە لەیلا جە ماوەو ۳۱ ساڵی ۋیەرڎەینە حەجگیز پۍ جارېوەیچ نەۋاتش، ئانڎە وەسېن و بیە بە شەڕڤانێوە ڕاسی، کە هەمیشە شۊنەو جوانیرە گېڵا، پۊکەی هەمیشە باوشیش پەڕەبۍ جە جوانی.
ئێمە پېسە هامڕایا ئەرەکۊشای هەڤاڵە لەیلای جە کەسایەتی گەشمەرڎە لەیلېنە بە ڕێز و پنەزانایۊ یاڎو گرڎو گەشمەرڎا ئاخېزی کەرمېوەو، وەعدو ۋېما پۍ بەدیئارڎەو ئامانجەکاشا، کۊشیاکەیما بە سەرکۊتەی تاجدار مکەرمۍ.
سەرەوەشی جە خانەواڎە هێژاکەیش، خەڵکو ئامەڎیی ۋڵاڎپارێزی و گرڎو گەلوو کورڎسانی و هێزە دیموکراتیک و شۊڕشگێڵەکا کەرمۍ و ماچمۍ، وەردەوامبیەو نەریتو مدرامانو لەیلاکا، هورگېرتەو شۊڵەچراوەکېشا، کە ئاڎۍ بە وەشەویسیۊ بەرزەشا کەرڎېبېوە و یاۋنایش بە ئاینڎەی بۊ بە ڕاستەرین جواب جە دژوو ڕژێمو پاکتاوکەری. ئێمە داوا جە ژەنا و جوۋانا مکەرمۍ، کە کۊشیای هەڤاڵە لەیلا سورخوێنۍ گۊرەتەر و بەقوەتتەر کەرا و بە مانادارتەرین شێوە جواب و دوژمنی و خیانەتکارا بڎاوە."
هـ . ش
