کۆمیتەو پەروەردەیی کەژەکەی جەژنەو زوانی کوردیش پیرۆزە کەردە و واتش: "پرۆسەی تازە پەی وەڵێوستەی و بە ڕێکوستەکەردەی زوانی ئەڎایی، زەمینێوە تازەن. بە ڕووحو سەردەمی تازەیۆ گرڎ یاگێنە پەرە بە زوانی کوردی مڎەیمۍ."
کۆمیتەو پەروەردەو جەمەو ژەنا کوردەسانی (کەژەکە) بۆنەو ١٥و ئایاری جەژنەو زوانی کوردی چېرو نامۍ "پەروەردە بە زوانی کوردیی مکەرمۍ بە بناغەو سەرکۊتەی ئاشتی و گلېرگەی دیموکاراتیک"ی ئەرەیاۋنێوەش وەڵاکەرڎۆ و داوش جە گرڎ لایۍ کەرڎ بە ڕووحی سەفەربەرییوە بەشدارۍ بنیاڎنیای گلېرگەی دیموکراتیکی کۆمیناڵی بانە.
ئەرەیاۋناکەو کۆمیتەو پەروەردەو کەژەکەی پی جۊرەنە:
" بۆنەو ١٥و گوڵانی جەژنەو زوانی کوردی، پا باوەڕیۆ کە کۊشش و پەروەردەو زوانی کوردی بۆ بە کۊڵەکۍ 'بانگەوازو ئاشتی و گلېرگەی دیموکراتیک'ـی ڕابەر ئاپۆی، جە مەلای جزیری، ئەحمەدی خانی، میر جەلادەت بەدرخانۆ هەتا ڤیان ئامارا و زۆزان فاتیمە و مامۆسا نەمرەکا زوانی کوردی بە ڕێزو پنەزانایۆ یاڎۍ مکەرمېوە و سەرەما ئاستشانە منامنمېرە. هەرپاسە ڕۊو زوانی کوردی جە ئەڎایا ڕەنجدەروۍکوردی و پارێزنەرە بنەڕەتییەکا زوانی کوردی، جە تەمامو مامۆسا و کۊششکارا زوانی کوردی، ئانۍ بە باوەڕداریێوە گۊرۆ جە دژو گرڎو هرووژم و ڕاگیریەکا سیاسەتو تاونایۆ و قڕکارییەکا کە سەرو چاند و زوانی کوردیرە سەپیێنۍ، بە کۊششکەردەی دژو مردایۆ و جە ۋەرا ۋەرو ستەمەکا سەریشا نەنامنانەرە پیرۆز مکەرمۍ و سڵام جە ڕەنجیشا مکەرمۍ.
ڕۊو ٢٧و شوباتو ئېساڵی چنی 'بانگەوازو ئاشتی و گلېرگەی دیموکراتیک'ـی ڕابەر ئاپۆی، پېسە گەلو کوردی پڕایمێوە پەی سەردەمێوە تاریخی و گرنگی. پی بانگەوازە تاریخیەیۆ سەرو بنەماو ئاشتی و دیموکراسی پېسە تەمامو گەلو کوردی و ژەنا کوردی پایێما وستۍ دلۍ قۆناغێوە تازەو کۊشسی و ئەوەکۊشای زوان، چاند و شناسنامەیی نەتەوەییماوە.
ئیتر گەلو کوردی سیاسەتو نکۆڵیکەردەی و تاونایۆ قەبوڵ نمەکەرۆ
جە تەمام و جەهانینە زون و ئەڏێ پێسە چنین پەی هەر گەلێوە بابەتێوە گرنگا، پەی گەلوو کوردی گرنگیێ زیاتەرش هەن، چونکە سەدێوە زیاتەرا بەشێوێوە سیستەماتیک گەلوو کوردی دوچارو گرڏ جۆرە سیاسەتێوە تاونایۆ و، قڕکەردەی و چێردەسەی بییەنۆ.
زوانو کوردی هێماو بییە و شناسنامە و گەلوو کوردین. گەلوو کوردی پێسەو گەلێوە قەیمی ئی جەهانەی، چارۆنە جە ئەنجامو ئەوەکۆشای و مڏرامانی گۆرەی چنین ساڵەی پەی گرڏ و جەهانی سەلەمنانش گەلێوە سەر بەرز و بەشکۆن، خاوەن و شناسنامەین، زوان، چاند و تاریخا. ئیتر گەلوو کوردی هیچ سیاسەتێوە تاونایۆ و، نکۆڵی و قڕکەردەی قەبوڵ مەکەرۆ.
بە ڕووحیەتو سەفەربەرییۆ بەشداری بنیادنیا و گلێرگە و دیموکراتیکی بیمێ
پێسە چنین ماوەو ٥٢ ساڵان ڕابەر ئاپۆ جە گرڏ قۆناغێوە سەخت و ئاڵۆزەنە بە ئایدیاو وڵاتی ئازاد و گلێرگەی دیموکراتیک، پێسە و گەلوو کوردی و ژەنا یاونێنێش بە گۆرەی و فراوان بییەی، بەهەمان شێوە بە بانگەوازو ئاشتی و گلێرگە و دیموکراتیکی زەمینێوە تازەش کەردەنۆ تا ئانەی مێڏانو پەروەردەیی و زوان و کوردی سەر و بنەماو هۆشمەندی بییەی نەتەوەیی دیموکراتیک، خەباتو وەڵوستەی زوان و ئەڏێ جە گرڏ بوارێوە ژیواینە بەڕێکوزتەی کەرمێنە. ئی قۆناغە تازە، جە سەرمەشقایەتی ژەنا و جوانانە پەی تەمامو گلێرگری دەرفەتێوە گرنگ و تاریخییا کە زیاتەر بە زوانی وێشا قسێ مکەرا، زاڕۆڵەکا بە زوان و ئەڏێ پەروەردە مکەرا،
ئینایمێ چا بڕوێنە گرڏ کەسێ وێش بە وەرپرسیار بزانۆ و بە پاو ڕوحێتو ئی پرۆسە تازەی ئاشتی و گلێرگەو دیموکراتیکی، جە گرڏ بوارێوە ژیواینە گرنگی دۆنە بە گەشە کەردە و زوان و ئەڏێ وێش و بە ڕوحێتو سەفەربەرییۆ بەشداری خەباتەکا بنیادنیاو گلێرگەو دیموکراتیکی کۆمیناڵی بانە.
پی ویر و بڕوێوە جەژنە و زوان و کوردی جە تەمامو ئەڏایا کوردی و گەلوو کوردی موبارەک مکەرمێ."
