جە ئەرەیاۋناکەو کەژەکەینە ئامان، "مدرامانوو ڕابەر ئاپۆی کە کۊشیای و مدرامانوو گرڎیمانە، بە دڵنیاییوە سەرگنۊ. بە هێزوو کۊشیای هامبەشیما، ڕابەر ئاپۆ بە جەستەیی ئازاڎ بۊ.

ئەرەیاۋناکەو کەژەکەی پی جۆرەنە: "رابەر عەبدوڵا ئۆجالان ٢٥ ساڵېن ئیمراڵینە جە ژورێوە تاکەکەسینە بە دیل گیریان. دژوو ئا هەلومەرجوو گېرتەیە کە بە پیلانگێڵیی میان نەتەوەیی خوڵقیا، ڕۊو ١٠و تشرینی یۋەمی هەڵمەتەو 'ئازاڎیی پۍ عەبدوڵا ئۆجالانی و چارەسەری سیاسی پۍ پەرسوو کورڎی' دەسشپنەکریا. پلانە نریېبێرە کە هەڵمەتەکە جە ٧٤ یاگېنە بلۊڕاوە، بەڵام جە زیاتەر جە ١٠٠ ناوەندانە ئەنجامدریا. گرڎوو دۊساما کە بەشدارییشا چا هەڵمەتېنە کەرڎەن، پیرۆز کەرمۍ. ژەنا سەرمەشقیشا پۍ چالاکییەکا جە بەنگلادیش، ژاپۆن، هیندستان، کێنیا، ئەفریقای باشوور، ئەمریکای لاتین و ئەوروپا و فرەو مەنتیقا جەهانینە کەرڎ کە بە شېۋۍ هاموەخت لۋۍ ڕاوە و تەنانەت جە بڕۍ یاگېنە تەنیا ژەنا بەشدارییشا جە کۆنفڕانسی رۆنامەوانینە کەرڎ، ۋەروو ئانەی پېسە جمیەروو ژەنا کورڎی سڵام چا ژەنا کەرمۍ. قەناعەتما پاسەن کە ئا هەڵمەتۍ بە سەرکۊتەیی میاۋۊ ئەنجام و ئا چالاکیە یەکلایکەرەوە بۊ.

ئا چالاکیۍ سەروو ئاستوو جەهانی ئەنجام دریا، کاریگەری رابەرایەتیما نیشانە مڎا

ئا چالاکیۍ سەروو ئاستوو جەهانی ئەنجام دریا ، کاریگەری ئەندێشەکا ڕابەر عەبدوڵا ئۆجالانی و گرنگی پەشتیوانی ئینتر ناسیۆناڵیستەکا بەروزۊ. بەڵام جگە جە دۊساما جە ریزە جیاجیاکانە، بەشداربیەی بەقوەتوو چەپ، سۆسیالیست، دژە سەرمایەداری، ئانارشیست و ژەنا؛ پۍ گەلا چېردەسەی و هەڵوێسوو رێکوزیای ژەنا بیەن بە نمونە. ئا پەشتیوانیی و یۊبیە گۊرەیە بەقوەتتەر و گەورەتەر بۊ و ملۊ وەڵېوە. ئانە جە دژوو جەنگی، جینۆساید، فاشیزم، رەگەزپەرسی، نەژاڎپەرستی، قڕکەرڎەی ژیۋگەی و قۊرتەکا ئاوو هەوای بۊ بە هەڵوێستێوە.

هجومەکۍ جینۆسایدی مەبا بە مەڵامەتوو ئانەی کورڎ هەنگامە پۍ دمای بنیۊ

گۆشەگیری و هجومەکۍ دەوڵەتو تورکی دژوو ڕابەر عەبدوڵا ئۆجالانی بەردەوامېنۍ، دژوو گرڎوو کورڎا فاڕیان پۍ هجوموو قڕکەرڎەی. جە ۋەرنیشت، پانتستوو کوردسانی، مەخمور و شەنگال یاگە مەڎەنیەکۍ بۆردومان کریا. مەڎەنیەکۍ، ژەنا، زارۊڵا، پیرۍ و هێزەکا ۋېپارېزنای تیرۆر کریا. یۊ دماو یۊی جە کەمپوو مەخموری کە ئینا چېروو چەمڎاری نەتەوە یۊگېرتەکانە، یانەو مەڎەنیەکا و یاگۍ عیبادەتی بۆردومان کریۍ و ژەن و زارۊڵۍ زامڎارۍ بیۍ. ئا هجوومە قڕکارییۍ مەبا مەڵامەتوو ئانەی کە کورڎ هەنگامە پۍ دمای بنیۊ. پی بۊنۊ ئەرەیاۋنمېش کە ئێمە شان بە شانوو گەلەکەیما ئینایمۍ مەخمور و هیواو خاسبیەیۊ پۍ زامڎارەکا وازمۍ.

رژێموو قڕکەرڎەی بە سەرمەشقی ئەردۆغانی، شکس مارۊ. مدرامانی شکۆمەنڎانەو گەریلای و ئیراڎەی بەقوەتوو گەلەکەیما، سەرگنۊ.

ڕابەر ئاپۆ ئازاڎ بۊ

ئێمە جارێوەتەر سڵام جە گرڎوو دۆسا بەنرخوو گەلوو کورڎی کەرمۍ، کە بەشڎاریشا جە هەڵمەتەو 'ئازاڎیی پۍ ئۆجالانی و چارەسەری سیاسی پۍ پەرسوو کورڎی' کەرڎەبۍ. جە ئارۊمانە جەهان جە ۋەران ۋەروو جەنگی چەپەڵ و دڕنڎانەو دەسەڵاڎدارینە گریۊ. جە ئارۊنە شمە جەوهەروو رۆشنۋیری، ئینترناسیۆناڵیستی و دیموکراسیندۍ. دەنگ، داواکاری و پەیامەکۍ شمە پەشتیوانی هیوا و جۆش و خرۆش و جیهانێوە ئازاڎییش خوڵقنان. مدرامانوو ڕابەر ئاپۆی کە کۊشیای و مدرامانوو گرڎیمانە، بە دڵنیاییوە سەرگنۊ. بە هێزوو کۊشیای هامبەشیما، ڕابەر ئاپۆ بە جەستەیی ئازاڎ بۊ!.