لەندەنەنە پێشوازی جە پەیامە ڤیدۆییەکەو ڕابەر ئاپۆی کریا و گفتوگۆی فراوان سەرو هێڵۊو ئەوەکۊشای تازەو تەڤگەرو ئازادی کوردەسانی، دەربارەو دەورو ڕێکوستەی گەلی و سەفەربەری کۆمەڵایەتی کریا.
مېیانو گلېرگەو کوردینە جە ناوچەو هاریگێی لەندەنی، بە سەرمەشقایەتی تەڤگەرو جوانا شۆرشگێڵنی، ئەنجوومەنو ژەنا ژیانی و ئەنجوومەنو گەلو کوردی گلېرۊبیەیې ڕێکوزیا. جە گلېرۊبیەکەینە کە چڼین کەسې چنەشەنە بەشدارې بێنې، گفتوگۆی فراوان دەربارەو پرۆسەو ئاشتی و گلېرگەی دیموکراتیکی کریا.
جە سەرەتاو گلېرۊبیەکەینە دەربارەو پرۆسەکەی و ڕاو ئەوەکۊشای قسې کریې و دماتەر پەیامە ڤیدۆییەکەو ڕابەر ئاپۆی نیشانە دریا. بەشدارا گلېرۊبیەکەی بە سەرنج و کەیفۆ تەماشاو پەیامەکەیشا کەرد.
دماتەر سەرو هێڵۊو ئەوەکۊشای تازەو تەڤگەرو ئازادی کوردی، دەورو ڕێکوستەی گەلی و سەفەربەری کۆمەڵایەتی گفتووگۆی فراوان کریا. جە گفتوگۆکانە بە تایبەت سەرنج وزیا سەرو بەشداری ژەنې و جوانا جە پرۆسەکەنە.
گلېرۊبیەکەی بە واتەیۆ درووشمۊو "بژیۋۆ سەرۆک ئاپۆ"ی و گێڵنای زەماۋنې دمایش ئاما.
