بە چالاکی و گلێرۆبیەیێ جە شارو لۆزانو سویسراینە، کوردەسانیا تەوقەکێ سەرو کەمپو گەشمەرڏە ڕۆستەم جوودی (مەخموور)یشا شەرمەزارکەردێ. چالاکییەکە بە دەیەقێوە ڕێزونەگێرتەی دەسش پنەکەرد و دماتەر هامسەرۆکا مییانو گلێرگەی کوردی دیمورکراتیکی جە لۆزانەنە؛ لەیلا ئەکینجیە و ئەرجان گونەش قسێشا کەردێ.

جە قسەکاشەنە لەیلا ئەکنجیە سەرنجش وست سەرو ئامانجو چالاکییەکەی و ئەرەیاوناش بە گرڏ شێوێ جە چالاکییەکاشا بەردەوامێ با و دەسنیشانش کەرد فشار و تەوقەکێ سەرو مەخمووری هەرمانێ نایاسایی و دژە مرۆڤایەتییەنە.
دماتەر ئەرجان گونەش ئاماژەش بە سەختی تەوقەکا سەرو گەلو مەخمووری کەرد و سڵامش جە مدرامانو گەلی جە دژو تەوقەکا کەرد و واتش: "کامپەکە ئیناچێرو چەمڏاری نەتەوە یۆگێرتەکانە، کەچی حکومەتو مییانی عێراقی و ئیدارەو پانیشتوو کوردەسانی جە وەرا وەرو فشارەکا تورکیاینە بێدەنگێنێ."
گونەش داواش جە گلێرگەی مییاننەتەوەیی کەرد کە دمایی بە بێدەنگییەکاش بارۆ و جە دمادماینە واتش: "بە ڕوحیەتو بانگەوازییە تاریخیەکەو ڕابەر ئاپۆیۆ وەرەنگارێ گردو فشارەکا باوە و بە گرڏ جۆرێ خاوەنداری جە بانگەوازەکەو ڕابەر ئاپۆی مکەرمێ."
چالاکییەکە بە واوەی کەردەیۆ پەشتیوانی پەی گەلو مەخمووری و واتەیۆ درووشمێ دمایش ئاما.