جەنگاوەراو ئازادیی کورڎەسانی (ماک) ئەرەیاۋناشا، کە جە دژو گۆشەگیری و پیلانگێڵنیی ٩و تشرینو یووەمی جە چڼین گەڕەکۍ گەڤەرینە دژو ئەرەگیرا جەنگشا کەردەن و چڼین ئەرەگیرێشا زامڎارۍ کەردێنۍ.
جە ئەرەیاۋناکەو جەنگاوەرا ئازادیی کورڎەسانینە ئامان، "جەنگاوەرەکێما وێرەگاو ٩و ئارگا(ئۆکتۆبەر)ی سەعات ٢٠:٠٠ جە گەڕەکەکا ئەسکی کشڵە، گەشمەرڎە رۆژڤان، گەشمەرڎە مزگین، گەشمەرڎە هەرەکۆلی و گەشمەرڎە فەرماندە سەردارو گەڤەرینە بۆنەو رابەر ئاپۆیۆ مجیێنێرە مېڎانەکا".
جە ئەرەیاۋناکەینە ئانەیچ وزیان ڕووە، "ئەرەگیرەکۍ بە حەریق و ترۆمبێلەکا جۆرو عەقرەبی هرووژمشا کەرڎ سەرو جەنگاوەراما کە وەربەسشا نیابێرە. سەرەتا بە تاکتیکو سابۆتاژی و بۆمبی دەسکردی جە ترۆمبێلە زرێپۆشەکا دریا و پۆلیسە ئەرەگیرەکۍ ناچار بە بڕەمای کریۍ.
سەعات ٢١:٢٠ دەیەقۍ جە گەڕەکەو ئەسکی کشڵەینە جە ۋەرا ۋەرو ناوەندو ٧٥و پۆلیسو (ییل)ینە دووۍ جارۍ بە تەقەمەنی چالاکی ئەنجامدریا. ئەرەگیرەکۍ بیناکێشا چۆڵەکەردە و گەرەکشابۍ جارێوەتەر هرووژم بکەراوە. چا کاتەنە جەنگاوەرەکێما بە تەقەمەنی جە ترۆمبێلی زرێپۆشو جۆرو عەقرەبیشا دا و ترۆمبێلەکۍ ناچاربی کیشیۆوە. جە مابەینو جەنگاوەراما و ئەرەگیرانە جە چڼین شۆنێنە پەی ماوەو ٣ سەعاتا جەنگێوە دژوار ڕووەشدا. جەنگاوەرەکێما بە تەقەمەنی، گولۍ هەوایی و نارنجۆکی دەسی ۋێڕاگریشا کەرد. جە جەنگەکەنە ژمارێوە فرە ئەرەگیرۍ زامڎارۍ بیۍ، گورزە جە چنین ترۆمبێلا زرێپۆشی شنیا. جەنگاوەرەکێما دماتەر بە شێوێوە پارێزیا و سلامەت گێڵێوە شۆنەکاو ۋێشا".
