بە پاو هەواڵێوە ئاژانسو مێزۆپۆتامیای سزاو شش مانگا قەڎەغەو دیڎاری پەی ڕابەر ئاپۆی و زینانیا تەرو ئیمراڵی عومەر خەیری کۆنار، وەیسی ئاکتاشی و حامیلی یەڵدرمی بڕیانۆ و نمەتاوا چا ماوەنە چەمشا بە پارێزنەراشا گنۆنە.

پارێزنەرا نوسینگەو یاسایی سەدەی پەی ئانەی دیڎار چنی ڕابەر ئاپۆی ئەنجام بڎانا سەردای دادگاو دووەمو جابەجێکەردەی سزاکاشا جە بورسانە کەرد، بەڵام بەرکۆت جە ٦و نۆوەمبەری پەی ماوەو شش مانگا سزێوە تازێ قەڎەغەو دیڎاری پەی موەکیلەکاشا بڕیانۆ. سەبارەت بە مەڵامەتو بڕییەیۆ ئا سزێ حیچ زانیاریێ بە پارێزنەرا نەڎریان.

دادگاو سزا قورسەکا بورسای تانەو پارێزنەراش چا قەرارەیە رەڎکەردەنۆ، هەرپۆکەی پارێزنەرا جە دژو قەرارو قەڎەغەو دیڎاری جە دادگای دەستوری گردینە شەکوا تۆمارە مکەرا.