محەمەڎ خزرنەژاد مامۆسایۍ ئایینی خەڵکوو شاروو بۆکانین جە ۋەرکەوتوو کوردسانی، کە جە ۋێنیشاندایەکا سەرهۊردای "ژەنی، ژیۋای، ئازاڎیی"نە گیریابۍ، جە تەرەفوو دادگاو دەوڵەتوو ئێرانی جە ورمێ سزاو جە قەنارەدایش سەرەرە سەپیا.
بەپاو هەواڵێوە تۆڕەو مافەکا مرۆڤوو کوردسانی مامۆسا محەمەڎ خزر نەژاڎ تەمەن ٤٥ ساڵ، کە بەمەڵامەتوو پەشتیوانی جە سەرهۊرداو "ژەنی، ژیۋای، ئازاڎیی"وە زیاتەر جە ساڵێوەن ئینا زینڎانەنە، بە تۆمەتەکا "خراپەکاری سەروو زەمینیۆ"، "زەرەر یاونای بە یەکپارچەیی خاکوو وڵاتەکەی" و "بانگەشە دژوو سیستمی دەسەڵآڎدار"ی سزاو جە قەنارەدای و ١٦ ساڵا زینڎانیش سەرەرە سەپیان.
ئینەیچ جە وەختێنە کە ئا مامۆسا ئایینیە جە دادگانە ئەرەیاۋنابێش کە چێروو ئەشکەنجەی قورسی جەسڎەیی و دەرونینە ناچار بە دڎان نیایپۊرەی بە تۆمەتەو ساختەیرە کریان.
ئا مامۆسا ئایینیە دماو ئانەی گیریا کە جە تەعزیەو ئەسعەد رەحیمیانینە یۆ جە گیانبەخشایا سەرهۊرداو "ژەنی، ژیۋای، ئازاڎیی"نە وتارەش پێشکەش کەردێبۍ، حەرپاسە یۆ بۍ چا مامۆسا ئایینیا ۋەرکەوتوو کوردسانی کە پۍ پاڵپەشتی جە سەرهۊردەکەی ئەرەیاۋنێوە هامبەششا ۋەڵا کەردەبێوە.
دمابەدماو دەسپنەکەردەی سەرهۊردایەکا مامۆسا محەمەڎ خزرنەژاد، جە ڕاو ئەکاونت و هەژمارەکاشۆ جە تۆڕە کۆمەڵایەتیەکانە چنڎین جارۍ پاڵپەشتیش پۍ ۋێنیشاندەرا و داواکارییەکاشا بەربڕیەبۍ.
بەتۆمەتەو بەشداری جە سەرهۊرداو "ژەنی، ژیۋای، ئازاڎیی"نە تا ئیسە نزیکەو ١٠ کەسا جە قەنارە دریێنۍ و هەمان سزا سەروو چنڎین ۋێنیشاندەرا تەریچەرە سەپیان.
دماو ئانەی جە ١٦/٩/ ێنە٢٠٢٢ ژینا ئەمینیە کناچە کوردەو شاروو سەقزی بەمەڵامەتوو ئەشکەنجەو پۆلیسی بە نام ئەخلاقی تارانیوە گیانش جە دەسدا، شەپۆلێوە ۋەرفراوان جە ناڕەزایی ۋەرکەوتوو کوردسانی و ئێرانیش گێرتۆ، کە بە سەرهۊرداو "ژەنی، ژیۋای، ئازاڎیی"ئشناسیا.
چا سەرهۊرداینە زیاتەر جە ٥٠٠ کەسا کوشیۍ و بە هەزارانی تەریچ زامڎارۍ بیۍ و دەیان هەزار کەسێچ گیریۍ.
بەپاو هەواڵێوە تۆڕەو مافەکا مرۆڤوو کوردسانی مامۆسا محەمەڎ خزر نەژاڎ تەمەن ٤٥ ساڵ، کە بەمەڵامەتوو پەشتیوانی جە سەرهۊرداو "ژەنی، ژیۋای، ئازاڎیی"وە زیاتەر جە ساڵێوەن ئینا زینڎانەنە، بە تۆمەتەکا "خراپەکاری سەروو زەمینیۆ"، "زەرەر یاونای بە یەکپارچەیی خاکوو وڵاتەکەی" و "بانگەشە دژوو سیستمی دەسەڵآڎدار"ی سزاو جە قەنارەدای و ١٦ ساڵا زینڎانیش سەرەرە سەپیان.
ئینەیچ جە وەختێنە کە ئا مامۆسا ئایینیە جە دادگانە ئەرەیاۋنابێش کە چێروو ئەشکەنجەی قورسی جەسڎەیی و دەرونینە ناچار بە دڎان نیایپۊرەی بە تۆمەتەو ساختەیرە کریان.
ئا مامۆسا ئایینیە دماو ئانەی گیریا کە جە تەعزیەو ئەسعەد رەحیمیانینە یۆ جە گیانبەخشایا سەرهۊرداو "ژەنی، ژیۋای، ئازاڎیی"نە وتارەش پێشکەش کەردێبۍ، حەرپاسە یۆ بۍ چا مامۆسا ئایینیا ۋەرکەوتوو کوردسانی کە پۍ پاڵپەشتی جە سەرهۊردەکەی ئەرەیاۋنێوە هامبەششا ۋەڵا کەردەبێوە.
دمابەدماو دەسپنەکەردەی سەرهۊردایەکا مامۆسا محەمەڎ خزرنەژاد، جە ڕاو ئەکاونت و هەژمارەکاشۆ جە تۆڕە کۆمەڵایەتیەکانە چنڎین جارۍ پاڵپەشتیش پۍ ۋێنیشاندەرا و داواکارییەکاشا بەربڕیەبۍ.
بەتۆمەتەو بەشداری جە سەرهۊرداو "ژەنی، ژیۋای، ئازاڎیی"نە تا ئیسە نزیکەو ١٠ کەسا جە قەنارە دریێنۍ و هەمان سزا سەروو چنڎین ۋێنیشاندەرا تەریچەرە سەپیان.
دماو ئانەی جە ١٦/٩/ ێنە٢٠٢٢ ژینا ئەمینیە کناچە کوردەو شاروو سەقزی بەمەڵامەتوو ئەشکەنجەو پۆلیسی بە نام ئەخلاقی تارانیوە گیانش جە دەسدا، شەپۆلێوە ۋەرفراوان جە ناڕەزایی ۋەرکەوتوو کوردسانی و ئێرانیش گێرتۆ، کە بە سەرهۊرداو "ژەنی، ژیۋای، ئازاڎیی"ئشناسیا.
چا سەرهۊرداینە زیاتەر جە ٥٠٠ کەسا کوشیۍ و بە هەزارانی تەریچ زامڎارۍ بیۍ و دەیان هەزار کەسێچ گیریۍ.
