بە پاو ئامادەکارا، جە  ڕاپیماکەینە ڕۆمانە ٣٠٠ هەزار کەسۍ بەشداریشا کەردەن. جە ڕاپیماکەینە ئاڵاو فەڵەستین و لافیتۍ بە نوویستەی "فەڵەستینو ئازادی"، "کۆمکوژییەکا مردندۍ، دمایی بە هامکاری تاوانۍ باردۍ"هۊرگیریا. 

سەرۆکو پارتو دیموکراتی ئۆپۆزسیۆنی سەرەکی، ئێلی شلاین ئاماژەش پانەی دا ئی بەشداربیەیە گرنگا "ناڕەزایەتیێوە ۋەرفراوانو گەلین جە ۋەرا ۋەرو جەنگینە.'

ئەلی شلاین بە ڕۆنامەنوویساش ئەرەیاۋنا، پا گلېرۊبیا گەرەکشانە دمایی بە کۆمکوژیی فەلەستینییەکا بارا، تاوانەکا حکومەتو ڕاستڕەوو نەتانیاهۆی مردنا و نیشانەو جەهانیش بڎا کە ئیتاڵیایۍ جیاواز هەن.

حکومەتو ئیتالیای کە جە سەرەتاو جەنگیوە پاڵپەشتو ئیسرائیلی بیەن، جە چن حەفتەی ۋېیەردەنە دەنگو ۋێش جە دژو بۊمبوارانو قورسو غەززەی بەرزکەردەنۆ. سەرۆکوەزیرە جۆرجیا میلۆنیە ئی هرووژمە مرۆییە "ناڕەوا و دراماتیکییە"شە شەرمەزار کەرڎ.