مدرامان جە ئێران ڕاسەن بۆ
مدرامان جە وەركەوتەو كوردستانی و ئێرانی تا مێ وەر فرەتەرو ڕاسەن بۆ نێروێ ئێرانی جارێ تەر جە زاهیدانەنە وێنیشان دەرێشا كوشتێ.
ڕۆو جومعەی جە شارەكاو سنە, كرماشان , قەسرو شیرین , سەقز , مەریوان , مەهاباد , بۆكان , سەرپێڵ و زەهاوی , میان دواو , بروجردو لوڕستانی وێنیشانداو گلێر بیەیۆ لوا ڕاوە.
جە سنەنە جوانەكێ شارەكەی چن كۆڵانێ شارەكەینە بە كەردەیۆ ئاێری و وستەیرە ڕاكا دەسشا بە وینیشاندای كەرد, جە مەیان وئاشارەینە جوانێ بەنامێ ئەفشین مروەتی دماو ئانەی جە لایەن و نێرووە ئەمنیەكاوە بە زامداری دەس بەسەر كریا, دماو ئانەی هەواڵ ومەردەیش وەڵا كریاوە ژمارێوە فرە جە هام وڵاتیاو شارەكەی لوێ وەرو دەم و نەوەشخانەو كەوسەری جە شارەكەنە گلێرێ بیێ وەلێ گرژی جە بەینو
خەڵكی و نێروە ئەمنیەكانە پەیا بی .
هامكات نێرووە ئەمنیەكێ یورشا بەرد سەرو بەش و خابگاوزانستگە و سنەی باس جە زامداربیەو 8 وێنیشاندەرا كریۆ شارەكەنە.
سەرو ئاست و ئێرانیچ جارێتەر پێسە جومعەكاو وەڵینی هەزارەها كەسێ دماو نماو جومعەی جەزاهیدان
مجیێرە جادە كا نێروەكێ دەوڵەتیچ تەقەشا كەرد جە وێنیشاندەرەكا, بە پاو چن خەبەرێوە 3 كەسێ كەدووێشا زارۆڵێنێ كوشیێنێ نزیك بە 40 كەسایچ زامدارێنێ .
جە تاران , ئەراك , تونكابۆن ,ئامول , كەرەج , بابۆڵ , سەراوان و ئێرانشاریچ وێنیشاندایو گلێربیەیۆ لوا ڕاوە.
بە پاو دماین ور سەنگناو ڕێكوزیاو مافەكاو ئینسانی ئێرانەنە تا ڕۆو پەنج شەممەی 253 كەسێ جە وێنیشانداكاو ئێرانینە كوشیێنێ كە 34 كەسێ چانیشا زارۆڵێنێ .
هامكات ڕۆو جومعەی شالیارو ئیتڵاعات و نیرو پاسدارا جە گوزارشتێ 30 وەرە قێ هامبەشێنە ئۆباڵ و وێنیشانداكاش بەستۆ بە دەزگا هەواڵگریەكاو موسادیو سی ئای ئەیۆ كۆو ئاژەكەیش بە پلان گێڵنای نامێ بەرد كۆمپانیێكێ تۆڕو ئەنتەرنێتی پێسە تویتەری و مێتاو چن دەزگێوە ڕێكوزیا میان نەتەوەییەكێش باپلان گێڵنایە تۆمەت بار كەردێ بێ ئانەی هیچ بەڵگێوە وزۆ ڕووە .
