جە یاۋنەریێنە پارتو کۊمۊنیستی مئۊئیست (مەکەپە)ی ئەرەیاۋناش: "ھامڕا کامیل تورانلیئۊغڵو (فەرهاد) جە زینڎانی جۊرو ئێفی ژمارە دوۋۍ ئەلەزیزی کە جە کاندریاوە دووروزیابێوە بە سەکتەو دڵی لوا قافڵەو نەمراوە. ھامڕا مەحمود ئۊزهان (ئاپۍ دورسون)یچ ٢٠و ئایارو ٢٠٢٣ېنە جە فەرەنسا کە پێسە پەناھەنڎێوە سیاسی چا ژیۋۍ، بە مەڵامەتو سەکتەو دڵیۊ لوۋا قافڵەو نەمراوە".

جە ئەرەیاۋناکەنە ئامان: "ئێمە ھامڕاکاما کە جە سەنگەرەکا جەنگینە بە گرتەینە وەرو ڕۊشنایی شۊڵەچراوەو ١٨و ئایاری نەمرۍ بێنۍ بە رێزۊ یاڎشا کەرمێوە و سەرنجش ھوست سەرو سەرگوزشتەو ئەرەکۊشای حەردوۋە شۊڕشگێڵەکا.

مەکەپە ئەرەیاۋناش: "ھامڕا کامیل جە لایەنو دوژمنیوە ئازاڎ نەکریا، جە ڕاو نەڎای پنەو چارەسەری پزیشکیوە وەردەمو مەرڎەینە جیاشا ئاست. جە راسینە بانگەواز و حۊلەکۍ کە پۍ ئازاڎکەرڎەی ھامڕا کامیلی کە بە مەڵامەتو کێشەو تەندروستییوە کریۍ، جە لایەنو دەوڵەتی، دامودەزگا پەیوەنڎیدارەکاوە بۍ جواب مەنۍ. ئۊباڵو گەشمەرڎەبیەو ھامڕایما ئینا دەینو دەوڵەتی، ڕاوەبەری زینڎانی و وەرپەرسانە".

هـ . ش