کرێکار ناوچەو پیشەسازی ڕێکوزیاو(osb) دماو پینارو دیلوک٦ ماوێوە چێوەڵتەر پەی زیا کەردەو حەقدەسەکاشا دەسشا بە هەوڵدای کەرد. چالاکیی کرێکارەکە جە ماوێوە کوڵەنە پەرەش سانا. ئا کرێکارێ کە زیابییەو سەڏنە ٣٠ی هەژاریشا قەبوڵ نەکەرد، دەسشا بە مان گێرتەی کەرد. جە وەراوەرەنە پارێزگارو دیلوکی وینیشانداکەیش قەدەغە کەرد. محەمەد تورکمان، وەرپرسو سەندیکاو یۆگێرتا کرێکارا داواو وەرەنگار بییەیۆش کەرد. بەمەڵامەتو داواکەردەی دووێ جارێ دەس بەسەر کریا و دما جار زینانی کریا. پارێزگار وردەکاری زیاتەرش ئەرەیاونا بێ کە مافو یاسایی کرێکارا جە بەربڕییەو ناڕەزایەتی ئینا چێوە پەی گرڏ و وڵاتی تەشەنە مکەرۆ. جە کاتێنە کە ئینە گوزەریێ، دەسەو گرڏی توسیادی کە گۆرەتەرین ئەنجوومەنو بازرگانا تورکیاین، ڕەخنەش جە مدرناو یاساکەی گێرت. دماتەر نوێنەرا دەسەڵاتی هەڕەشێشا چنە کەردێ و دووێ ڕاوەبەرێ توسیادی باڵبەسێ کریێ. قەرارو قەدەغەکەردەی ئۆرهان تورانی، سەرۆکو دەسەو ڕاوێژکاری توسیاد، محەمەد عومەر عارف ئاراس و سەرۆکو دەسەو ڕاوێژکاری باڵاو وڵاتەنە بڕەمێ.

نامێ ئی کردەوا بێ یاساییێنی

ئابوری ئشناس ئۆزگور موفتو ئۆغڵو سەبارەت بە فشارەکا سەرو سیاسەتو دیموکراتیکی و فشرەکێش سەرو سەرمایە و کرێکارا پەی ئاژانسو هەواڵو فوراتی (ANF) قسێش کەردێ و ئەرەیاوناش؛ ئاشتی کۆمەڵایەتی یان یاسا سەرەتا جە کارگەکانە دلێنە مشۆ و واتش: فراوانبییەو چالاکیی کرێکارییەکا دۆخێوەن کە بە دەگمەن وینریۆنە. بەڵام تواناو سانای وەستەنەرە و هەژاری فرە زیاڏش کەردەن. کرێکارێ تا ئیسە جە بەڕێکوزتەی بیێنێ دورشا گێرتەن، بەڵام ئیسە دیارا کە پەنەوازیشا بە ڕێکوزتەی هەن. ئی دۆخە پنەش وچیۆ بێ یاسایی. مافە بنەڕەتیە دەستوورییەکێ هەنێ، بەڵام هەرمانەشا پنە مەکریۆ."

ئەر جە پرۆسەو بەرهەمئاردەینە دیموکراسی نەبۆنە کارەساتا

موفتوئوغڵو ئاماژەش پانەیەدا کە جە وڵاتێوەنە یان گلێرگێوەنە ماف و دیموکراسی و ئاشتی کۆمەڵایەتی جە پرۆسەو بەرهەمئاردەینە دەس پنە مکەرۆ و جە درێژەو قسەکاشەنە واتش: "ئەر دیموکراسی جە پرۆسەو بەرهەمئاردەینە نەبۆنە، واتە ئەر کرێکارێ مافو ئانەیشا نەبۆنە پەی لواو  وێشا سەبارەت بە هەرمانەکێشا بەربڕانە، تەنانەت سەرەتاترین مەرجە مرۆییەکاش جابەجێ مەکریانە، هەمیشە ڕووبەڕوو ڕوودایەکا هەرمانێ باوە و یاگێ هەرمانێشانە ڕووبەڕوو مەردەی باوە، چێگەنە دیموکراسی بییەیش نییا. پۆکەی چێگەنە نە یاسا هەن و نە ئاشتی بییەیش هەن."