کۆنفرانسو "یەکڕیزی و یەکهەڵوێسی کوردی جە وەرنیشتوو کوردەسانینە" بە بەشداری زیاتەر جە ٤٠٠ نوێنەرێ و پارت و ڕێکوزیێ کوردی و کوردەسانییەکا جە پارکو ئازادی شارو قامیشلۆینە دەسش پنەکەرد.

دماو دەقێوە ڕێزگێرتەی پەی یاڏو گەشمەرڏو، فەرماندەی گرڏی هێزەکا سوریاو دیموکراتیکی (قەسەدە) مەزڵوم عەبدی وتارەو دەسپێکو کۆنفرانسەکەیش واناوە و خێرئامای مێمانەکاش کەرد و جەختش وست سەرو ئەوەکۆشای ١٤ ساڵەو وەرنیشتوو کوردەسانی، واتش: "چی ماوەنە زیاتەر جە ١٣ هەزار گەشمەرڏێما بیێنێ، پۆکەی ئی کۆنفرانسەیە پێشکەش بە گەشمەرڏەکاما مکەرمێنە."

هەرپاسە جە درێژەنە ئەرەیاوناش یۆبییە  کوردا بۆنە مایەو یۆبییە و بەهێزی سوریای، واتش: "مشۆم دەستوورو سووریای نامەرکەزی بۆنە و گرڏو پێکئامایەکا جە وێ گێرۆنە و سووریایێ دیموکراتیک بنیاد نریۆنە". واوەیش کەردۆ، دەبێت لە دەستووری سووریای تازە مافو گەلو کوردی پارێزنۆنە.

مەزڵووم عەبدی سەبارەت بە بانگەوازو "ئاشتیی و گلێرگە و دیموکراتیک"ـ و ڕابەر ی واتش : "پێسەو گەلوو وەرنیشتوو کوردەسانی پەشتگیریی بانگەوازو ئاشتیی و گلێرگەو دیموکراتیکو ڕابەر ئاپۆی مکەرمێنە و چێش جە دەسما بێ مکەرمێش".

جە دماینە مەزڵووم عەبدی هیواڏارێنمێ کۆنفرانسەکە بۆنە مەڵامەتێ پەی بەستەو کۆنفرانسێوە گرڏی نەتەوەیی کوردەسانی جە ماوێوە نزیکەنە.

کۆنفرانسەکە بەردەواما.