عەبدولڕەحیم کلچ نوویسەر، ئەکادیمیسیەن و ڕۆنامەنووس تەمەن (٥٥ساڵ) بەمەڵامەتو نەوەشی شێرپەنچەی عەمرەو خوایش کەرد. عەبدولڕەحیم کلچ ماوێوە بێ چێرو چەمدێری و چارەسەری نەوشی شێرپەنجەینە بێ. کلچ جە نەوەشخانە و توێژینەوە و رائاردەی گازو یاشارگیلی ئامەدینە عەمرەو خوایش کەردە.

 زانیان کە تەرمو کلچی جە ناوچەو سەرێکانی ئورفای بە ئەسپەردەو خاکی کریۆنە و تەعزێکێش حەر چاکە ملۆ ڕاوە.

 عەبدولڕەحیم کلچ ساڵەو ١٩٧٠ جە ناوچەو سەرێکانی ئورفاینە جە ئەڏایا بییەن. ماوێوە فرە بێ جە ئەرەیاونانە هەرمانە کەرێ. وەڵێ وستەیرەی ڕادیۆو گوونی کە جە ئامەدەنە هەرمانەو وەشانی کەرێ، پێشکەشکار بێ. دماتەر جە ڕادیۆو ئامەدینە دەسش بە هەرمانێ کەرد و بیی بە پێشکەشکار. هەرپاسە جە بەشو ڕادیۆ و تەلەفزیۆنی زانکۆو دیجلەی جە ئامەدەنە هەرمانە کەرێ. ساڵانێوە فرە چا بەشەنە هەرمانەش کەردێنە و وتارە و شیعرێش نوستێنە و کتێبیشش هەن.