ناوەنڎو پارېزناو گەلی ١٩ەمین ساڵیاڎو هەڵمەتەو ۱و حوزەیرانیش مبارەک کەرڎ و ئەرەیاۋناش، " ٢٠ەمین ساڵیاڎو هەڵمەتەکېمانە، ئیمە سەرکۊتەی پۍ ڕابەر ئاپۆی، پۍ شەڕڤانا ئازاڎیی، کە ڕاپیماو ئێمە پۍ ئازاڎیی پېکمارا، پۍ گەلەکەیما و هێزەکا مدرامانی وازمۍ."
فەرمانڎەیی قەرارگەو ناوەنڎی پارېزناو گەلی (نەپەگە)ی یاۋنەریېۋەش بۊنەو ۱۹ەمین ساڵیاڎو هەڵمەتەو ۱و حوزەیرانیوە ۋەڵاکەرڎۊ.
جە یاۋنەریەکەنە ئامان:
"جە وەران ۋەرو پیلانگێڵی میان نەتەوەیینە، کە جە کەسایەتیی ڕابەر ئاپۆینە جە دژوو گەلو کورڎسانی پێکئاما، بە سەرمەشقی گەریلاکا ئازاڎیی کورڎسانی هەڵمەتەو ١و حوزەیرانی دەسشپنەکەرڎ. ئێمە ١٩ەمین ساڵیاڎو هەڵمەتەکۍ وەڵۍ گرڎ کەسیوە جە ڕابەرو ئازاڎیما ڕابەر ئاپۆی، جە خانەواڎەو گەشمەرڎا، جە گەلی ۋڵاڎپارێزیما، جە دۊسا گەلەکەیما و جە گرڎۇ هامڕایاما مبارەک مکەرمۍ. ئێمە جە کەسایەتیی هەڤاڵاما "ئەرداڵ، عادل، نودا، دەلالە ئامەد، ئاتاکان ماهیر، قاسم ئەنگین، فازیل بۆتان، عەگید جڤیان، گوڵچیا گابار، جومالی چۆروم، مزگین ڕوناهی، یاشار بۆتان و لەیلا ئامەد"ەکانە یاڎو گرڎو گەشمەرڎە قارەکاما مکەرمېوە، کە بنەڕەتو ئا هەڵمەتە تاریخیېشا نیارە و رەنجێوە فرەشا پۍ دا، وەعد مڎەیمۍ، کە ئێمە کۊشیای ئازاڎیی گەلوو کورڎسانی بیاۋنمۍ بە سەرکۊتەی و یاڎ و ۋیرو گرڎو گەشمەرڎا بە زینڎەیی ڕاگېرمۍ.
پېسە مزانیۊ دەوڵەتو تورکی بە پەشتیوانیی هێزە کۊنەپەرسەکا مەنتیقەکەی و هێزە هەژمونگەرا میان نەتەوەییەکا، جە ساڵەو ١٩٩٩ ینە دوژمنایەتی ۋېشا جە وەران ۋەرو ڕابەر ئاپۆینە یاۋنا لوتکە و گەرەکشابۍ ئەنجامێوە دەس وزا، بەڵام (بۊمانی) پێشبینیی گۊرەو ڕابەر ئاپۊی و هەڵۋێسی ڕاس گرڎو فشارەکا ئا پیلانگېڵیەیشە پووچ کەرڎۊ و بەرەو چارەسەریی قۊرتەو کورڎیش سەرو بنەماو دیمواتیکی کەرڎۊ. سەرو ئا بنەمۍ ڕابەرایەتیما بانگەوازش پۍ گرڎو هێزەکا گەریلای ئانە بۍ، کە جەنگی چەکڎاری مرڎنا و جە سنوورەکا تورکیاینە بلا بەرۊ. جە لایۍ تەرۊ جمیەرەکەما و هێزەکۍ گەریلای سەرو بانگەوازو ڕابەرایەتیما جە مېڎانو سەرنیشتی کیشیاوە. جە بەینو ساڵەکا ١٩٩٩ پۍ ٢٠٠٠ ی سەرەڕاو ئا نزیکایەتییە ئاوەزمەنڎانە و شیکەرڎەیۊکا ڕابەرایەتیما و جمیەرەکەیما، دەوڵەتو تورکی پۍ چارەسەری حیچ هەنگامېوەش نەنیا، جە هەمان وەختەنە ئانە شانبەشانو مەیلو چەتەکا بیەن سیاسەتو ڕېزنایرە جمیەرەکەیما و ئانەشا پۍ ۋېشا کەرڎ بە بنەما. بە تایبەتی حکومەتو ئاکەپەی، کە چا وەختەنە ئاما سەرو دەسەڵاتی، ئیسفاڎەش جە ڕووەداکا مەنتیقەکەی هورگېرت و جە دژوو جمیەرەکەیما عەقڵییەتو پاکتاوکەرڎەی و دلېنەبەرڎەیش وەڵۍ وست حەتاوەکو پیلانگێڵی میان دەوڵەتی بە ئەنجامەکەو ۋېش بیاۋۊ. سەرەڕاو گرڎو نکوڵییەکا، دلېنەبەرڎە و فشارەکا دەوڵەتی پۍ ماوەو ٥ ساڵا، جمیەرەکەما گولېوەش نەتەقنا و وەرپەرسیاری تاریخی ۋېش جابەجۍ کەرڎ، چونکی وەردەمو جمیەرەکەیمانە تەنیا ئا ڕۍ مەنېبۍ، کە جە دژوو پیلانگێڵی و پاکتاوکاریی میان نەتەوەیی، کە حکومەتو ئاکەپەی وەڵېش وستەبۍ، دەس بە هەڵمەتەو مدرامانی کەرۊ. سەرو ئا بنەمۍ هەڵمەتەو تاریخی ١و حوزەیرانی جە دژو عەقڵیەتی 'یان ۋۍ دایدەسۊ، یان دلېنەشیەی' کە دماین بەشش پیلانگېڵیی میان نەتەوەیی بۍ، پېسە هەڵۋێسو شکۊمەنڎانەو گەلوو کورڎسانی، مدرامانی پیرۊز و پاگیری و بە قەراربیەی سەرو خەتەو ڕابەر ئاپۆی بی بە ڕۊژەڤ.
آهەڵمەتەو ١وو حوزەیرانی دەوروو هەڵمەتەو ١٥و تەباخی دووەمییش گێڵنا
بێگومان هەڵمەتەو ١وو حوزەیرانوو ٢٠٠٤یچ پێسە هەڵمەتەو ١٥وو تەباخی جە کۊشیای پارێزنای بییەی گەلوو کوردسانینە، دەورش دی، قۊناغی تازەو کۊشیای کە بە هەڵمەتەو ١وو حوزەیرانی دەسش پەنە کەرد، وەراوەروو قۊناغوو دلێنەبەرڎەی دەوڵەتوو تورکینە، کە هیزە پیلانگێڵنە میاننەتەوەییەکۍ پەشتیوانییشا وەنە کەرد، جوابێوە بەقووەتا. کێشەو کوردی کە ڕابەرایەتیما جە ١٩٩٣ ەوە حەولۍ مدۊ جە ڕاو دیالۊگیوە وزۊش وەڵۍ، بناغەو ئەرەمەرزنای سیستموو کەجەکەیش مەرزنارە و بەگردی ڕاش وەروو پارادیگماو ڕابەرایەتینە کەرڎۊ و کە بۊ بە ژیوایش. ڕۊحوو ١وو حوزەیرانی، کە سەروو بنەماو یۊگێرتەی کۊشیای گەریلاو ئازادیی کوردسانی جە کەشەکانە و هەڵوێستوو سەرەورڎای گەلوو کوردی شارەکانە بەرۍ کەوتۍ، نەک تەنیا پەی ئا هومێدا بی بە بناغە سەرباروو ئانەی جە ئەنجامنە گردوو حەوڵەکا بۊنەو ناسەمیمیبییەیۊ تێکۍ شیۍ وەلۍ بەکرڎەوە دەوڵەتوو تورکیش ئارد سەروو مێزۍ. دەوروو هەڵمەتەو١ وو حوزەیرانی چا ئاویربەسنە کە جە ساڵەو ٢٠٠٦ جار جار پێک ئامۍ، چ بە راو دیالۊگی کە جە قۊناغوو ئۊسلۊی و ئیمراڵێنە پەی خولقنای واتەواچی پەی چارەسەروو مشکیلەو کوردی نریا، دەورێوە گەورەش بۍ چا ڕووەوە ئینسان تاوۊ باسوو کاریگەریی سیاسیی هەڵمەتۍ تارێخیۍ و کاریگەریی سەروو گەورەبییەی کۊشیاکەیما کەرۊ.
گەریلاکاو ئازادی ئامادێنۍ گردوو هەرمانەکاو وێشا پۊڕنا
بێگومان سەرچەمەی سەرەکی ئا گەورەبییەیە و وەڵێکەوتا بە ڕەنج، حەوڵی و پارادیگمای دیموکراتیکوو ڕابەر ئاپۊی و کۊشیای گەریلایا بە سەرمەشقبییەیی گەشمەرڎە قارەمانەکاما بییەن. ئا قۊناغە، کە بە هەڵمەتەو ١وو حوزەیرانی دەسش پەنە کەرد، دلۍ کۊشیای دژ بە دوژمنینە نەک تەنیا سەرڎەمێوە هەڵمەتییانەش دەس پەنە کەرد، بەڵکوم هەمان وەختنەگەریلاکاو ئازادیی کوردسانی دلۍ وێچشانە دەسشا بە قۊناغێوە هەڵمەتیانۍ کەرد، قۊناغوو سەرجەنۊ بنیاتنیایۊ، پەی چارەسەروو دۊخی بەبنبەسیاواو جەنگوو ساڵەهای ساڵی و بەیاگەئارڎەی پیمەرەکاو گەریلایەتیی هامچەرخی، گردوو هەڵمەتەکاش بە کاریگەریی هەڵمەتەو ١وو حوزەیرانی کریۍ.
گەریلایەتیی مۊدێڕنیتەو دیموکراتیکوو سەرڎەمی تازەی، کە پا نزیکایەتییە خولقیا، جە یاگێوە دژوو وەڵێکەوتەتەرین، تەکنەلۊجیای هامچەرخی بابەتوو پارێزنای مەنتێقە ئازادەکانە بەرزتەرین ئاستوو کارامەیی و چەنەئامایش وێشنە نیشانە دا، لایۍ تەرۊ جە سەیەو قووڵبیەیۊ ڕۊحوو فیدایەتینە، کە بەینوو وێشانە خولقناشا ڕانمایی تازەشا بە ڕاسیی جەنگی و مدرامانی دا، گەریلاکاو ئازادیی کوردسانی ئارۊ نەک تەنیا پێسە گەریلایە وەڵینا – کەلاسیکا کە سەروو زەمینیوە گژیا، جەنگی پسپۊڕانە سەروو زەمینی و چێروو زەمینیچۊ ئاسمانیچۊ ئاستی سەروازینە وێشا وەڵێوە بەرڎەن و جەنگ کەرا.
بێگومان گەریلاکاو ئازادیی کوردسانی، سەرباروو سەختی و دژوارییەکاو ٣٩ ساڵا بەئەفسانەیی وەرەنگاریشا کەرد، قارەمانیشا کەرد و بیۍ ساحیبۍ ئا هێزی، واست و داوێکێشا بە قەرارڎای، ئارۊ وەراوەروو گردوو هجوومەکانە سەروو بییەی و ئازادیی گەلەکەیشا مرڎێنۍ و دوژمنی ماڕا. بەتایبەتی وەراوەروو هجووموو ئی ٨ساڵەو دماینە، کە ڕژێموو ئاکەپە – مەهەپە – ئەرگەنەکۊنی، بە تاکتیکوو جەنگوو تونێلا و جەنگوو تیمی پسپۊڕی، چەنەئاماێوە فرەشا خولقنان و نیشانەشا دان کە گەریلاکاو ئازادیی کوردسانی مەمەڕیا، ئارۊیچ ئامادێنۍ سەروو ڕاو ئازادیی گەلەکەیشاوە و ڕابەرەکەیشاوە گردوو هەرمانەکاشا سەرەبەرزانە پۊڕنا.
سەروو ئابنەمۍ و چا چوارچووەنە، ئێمە جارێوە تەر ١٩ەمین ساڵیادوو هەڵمەتەی تاریخییەو ١وو حوزەیرانی جە گەلەکەیما، دۊساما و گردوو هامڕایاما مەبارەک کەرمۍ، جە جەنگەواناو ئازادی، کە ٢٠ەمین ساڵەو هەڵمەتە مبارەکەکێما بەرا ڕاوە، جە ڕاو کۊشیای ئازادی پەی ڕابەر ئاپۊی و گەلەکەیمانە بە قەرار و پاگێرتەیرەوە بەرڎەوامێنۍ و درێژەش مدا پەنە، هومێدوو سەرکەوتەی پەی گەلەکەیما و گردوو هێزە کۊشەرەکا موازمۍ."
هـ .ش / س . ز
