کۊردیناسیۊنوو پاژکی بە بۊنەو ساڵوەگێڵوو پیلانگێڵنیی میاننەتەوەیی ١٥ شوباتیوە ئەرەیاوناێوەش وەڵا کەرڎۊ و داواش کەرڎە، گردوو مەیدانەکانە مدرامانی گەش کەرا، ئازاڎیی جەستەیی ڕابەروو گەلوو کوردی عەبدوڵا ئۊجالانی مسۊگەر کریۊ.
ئەرەیاونایەکەو کۊردیناسیۊنوو پاژکینە ئەرەیاونیان پیلانگێڵنی بە ڕای تازۍ بەرڎەواما و ئاماژەش بە هجوومو ئەرەهیرکارییەکا کەرڎەن. پاژک پەی ورشانایوە فاشیزمی داواو وێرێکوستەیش کەرڎەن و واتەنش: "ڕاکۍ ئانێنە کە دژوو پلانەو قڕکەرڎەی گردوو مەیدانەکانە مدرامان گەشتەر کریۊ و ئازاڎیی جەستەیی ڕابەروو گەلوو کوردی عەبدوڵا ئۊجالانی مسۊگەر کریۊ".
ئەرەیاونایەکەو پاژکی ئینەن:
"جە کەسێتی گەشمەردانە 'شمە نمەتاودۍ ڕۊیما تاریک کەرڎێ' گڕەشا وەنەو جەسەیشا وەردا و چالاکیی ڕاو کۊشیایشا ڕۊشنە کەرڎۊ، جە کەسێتیی گەشمەردانە، کە وەرانوەروو پیلانگێڵنیینە فیداکارییشا بڵندتەر کەرد ئاخین موش لەیلا سورخوێنە، سارا ڕوکەنە، ئەرداڵ، ڕۊژهات و گردوو گەشمەرداو شۊڕشی بە ڕێز و حورمەت یاد کەرمێوە، دەکەینەوە، جارێوە تەر هێزە پیلانگێڵنەکان شەرمەزارکەرمێ. کوردستاننە، وەرکەوتوو دلێڕاسەینە و ئەورووپا هێزۍ دیموکراتیکۍ و ئازاڎیوازۍ وەراوەروو پیلانگێڵنیینە مدرامان کەرا، چوارچوەو هەڵمەتەو 'ئازاڎیی پەی عەبدوڵا ئۊجالانینە، چارەسەروو کێشەی سیاسیی کوردی' کە بە سەرمەشقایەتیی ژەنا، گەل، ئینسانیەتوو جیهانی، ژەنی و ئەدێ، مانگێرتاو دادپەروەری کریۊ، دیسانۊ سڵام وەنەو هامڕایاو پاژک-پەکەکەی کەرمۍ زیندانەکانە. هەرپاسە کۊشیای گەریلاکاو ئازاڎیی کوردستانی یەژا ستار-هەپەگەی، وەرانوەروو پیلانگێڵنیینە کەشەکاو کوردستانینە بە بۍ مانیای جەنگ کەرا و کۊشیا، سوپای داگیرکەرەو تورکی ماڕمۍ و سەلەمنای سەرکەوتەی ئیرادەی ئاپۊیی نیشانە مدەیمۍ و مەبارەکش کەرمێ.
ژەنی و گەل دژوو پیلانگێڵنیی ١٥ شوباتی گرد وەخت دلۍ کۊشیاینە بێنی و ئازاڎیی ڕابەر ئاپۊی کەرا بە بەهانۍ ژیوای و پێسە ئیرادەو وێشا خۊیان پارێزناش. بە فاڕیای هۊشیاری و پراکتیکی چالاکیی شۊڕشگێڵنی بەشداریی هەڵمەتەو ئازاڎیی تاریخیی ڕابەر ئاپۊی با. پارادایموو ڕابەر ئاپۊی و فەلسەفەو ژەنی ژیوای ئازاڎیی وەڵا کەراوە. ئازاڎیی گەلوو کوردی بە چارەنویسوو گەلاو وەرکەوتوو دلیڕاسەی باوە یۊ. دماڕۊو دیموکراتیکوو گەلاو وەرکەوتوو دلێڕاسەی بە وەشکەرڎەی چارەسەروو کوردستانێوە دیموکراتیک-خۊسەری وەش بۊ. کۊشیای ئازاڎیی ژەنێ، پێسە سیستەمێوە جیهانیی تازەی سەروو بنەماو پارادیمی دیموکراتیک، ئیکۊلۊژی و ئازاڎیوازوو ژەنی، دەرفەتوو کۊنفیدراڵیزمی دیموکراتیکی خولقنۊ. داواو سیستمێوە تازەی جڤاکیی ژەنۍ و گەلا، کۊشیای جڤاکی خولقنۊ. هێزوو بەرژەوەندیوازی میاننەتەوەیی، کە ئی وەڵێکەوتەیا موینا، دەوڵەت-نەتەوەو هەرێمی ستاتۊپەرس و داگیرکەر ستراتیژوو جەخت جە پیلانگێڵنی کەراوە. پیلانگێڵنی میاننەتەوەیی، کە ٩ی تشرینوو دووەموو ١٩٩٨یوە دەسش پەنە کەرد و بە گێرتەی ڕابەر ئاپۊی ١٥و شوباتینە ئیمراڵیینە سیستماتیک، بە پلانۍ تازێوە بەرڎەواما.
سیستموو گۊشەگیریی ئیمراڵی ئینا بەروو یاسێوە و سیستموو گێرتەی کە ورگێروو ستاتۊیێوە تایبەتین و نموونەش نییا. پلانێوە فرە خۊفناکا سەروو ڕابەر ئاپۊی. ٣٥ مانگوو ئاخرینە حیچ زانیاریێوە بارەشۊ نییا و چەمپەنەکەوتەیش نیا وبەرگنۊ کە تەندروسیی ڕابەر ئاپۊی ئینا خەتەرنە. سیستموو فاشیستی ئاکەپە-مەهەپەی هەوڵۍ مدا گۊشەگیریی ڕەهاو ئیمراڵی ڕەوا و ئاسایی کەرا. ئینەیچە ئانەیە بەروزۊ، کە پیلانگێڵنی یاوان قۊناغێوە خۊفناک.
پاگێرتەیرە جە سیاسەتی و گۊشەگیریی پیلانگێڵنی، پەی تەمامنای کۊکوشی کوردستاننە، پەی زاڵبییەین سەروو وەرکەوتوو دلێڕاسەی و جیهانیرە پەی بێیاگەئاستەیۊ گەلین، سیستموو سەرمایەدارییشا وستۊ سەروو پایا و بە جەنگوو دابەشبییەی هەژموونوازی دیزاینشا کەرڎۊ. ڕژێمی فاشیستوو ئاکەپەی وێرانکاری و چەوسیایۊ سەروو گەلوو کوردیرە سەپنۊ. دەسەڵاتداریی ئەرڎۊغانی هەوڵۍ مدۊ وەرکەوتوو دلێڕاسەینە و مەنتێقەکەنە سەروو ستراتیژوو سەروازی سەرمایەگوزاری کەرۊ، لای سەریی گردیشاوە عێراقنە، ئێراننە هەوڵۍ مدۊ دەدات دەوڵەتاو هەرێمەکەی بە چالاکانە بەشدارۍ بە پلانەەی وناوییەو وێش کەرۊ و نوێنەرایەتیی هێزەکاو پیلانگێڵنی کەرۊ بە هامکاریی پەدەکەی، ٢٥ەمین ساڵوەگێڵوو پیلانگێڵنیینە جە پلانەو تازەو دلێنەبەرڎەینە هەنۍ و ئامانجشانە بە شێوەی سەروازی تەڤگەروو پەکەکەی و کوردی ئازاڎی بەرۊ دلێنە، بنەماو ئی ستراتیژەیە دلێنەبەرڎەین، سەروو داواو بییەی سیاسی-سەروازیی کوردی ئینا قڕکەرڎەینە و بەبۍ وەربەس سەروەری سەروو وەەرکەوتوو دلێڕاسەیرە بەدەس بارۊ. دەسەڵاتداری ئەرڎۊغانی فاشیستی، چی ماواو دمایینە وەرکەوتوو دلێڕاسەینە و بەتایبەت عێراقنە چەمپەنەکەوتەی سەروازیی زیادش کەرڎەن و ئینەیچە جیددێتیی دۊخەکەی نیشانە مدۊ.
ڕژێمی فاشیستوو تورکی وێش مسپارۊن بە ناتۊی و هێزە ئەورووپییەکا و پێسە پا گێرۊرە سەروو سیاسەتوو جەنگی جەنگی و گۊشەگیری. ئی دیایە تورکیاش بەرەوە فاشیزم بەرڎەن و دیکتاتۊریی ئەرڎۊ‌غانییش وەش کەرڎەن.
ئەگەر ڕێبەر ئاپۊ ئازاڎ بۊ ئی ت پلان و ستراتیژە گڵیاوانۍ بێکاریگەرۍ با. بە ماناو بێکاریگەرکەرڎەی پیلانگێڵنی مێ. سەقامگیری، ئاشتی، ئاسایشوو کوردی و گەلاو وەرکەوتوو دلێڕاسەی، پەی ئایندەو دیموکراسی فرە گرنگنا. تا سیستموو گۊشەگیریی ئیمراڵی نەمەڕیۊ، تورکیا بە عەندازەو نوکەچەنۍ مەفاڕیۊ. ئیساتێنە سیستەموو ٢٥ ساڵەو گۊشگیریینە خاڵێوە ڕاسە کە تورکیاش یاوان پەنە؛ قڕکەرڎەی گلێرگەی و ورشانایوە ئابووریین. گەر سیاسەتێوە ڕزگارکەر نەڕەخسیۊ، گلێرگە زیاتەر گەندەڵیی گێرۊشۊ. گردوو گلێرگەی کە ساعیبۍ هەقەتینۍ سیاسەتینێ، پێویسشا بە دلێنەبەرڎەی وەربەستەکاو فاشیزمین، ڕاو ئی هەرمانێچە بەرزکەرڎەیوە ئاستوو کۊشیای و ڕێکوستەین گردوو بوارەکانە، دژوو پلانەو پیلانگێڵنی گرد مەیدانێوەنە ڕێکوستەی مدرامانی و ئارڎەیوەروو ئازاڎیی جەستەیی ڕابەر ئاپۊین.
ژەنی، بە دروشموو 'ژەن، ژیوای، ئازاڎی' بە شۊڕشوو ژەنا بەشدارۍ پرۊسەکەی با. وەختێو کە هەڵمەتەو ژەنی ژیوای ئازاڎیی بە سەرمەشقایەتیی ژەنا فاڕیا پەی سەرەوردای، گرد جۊرە پلانێوە پیلانگێڵنی بێکاریگەر بۊ. حەرکەسێوە ئی ڕاسییە موینۊ بە بەقوەتی هێز بەشداریی هەڵمەتەو ئازاڎیی ڕابەر ئاپۊی با دەبن و کۊشیای گەورە کەرا. جە بواروو سەروازی، سیاسی، دیبلۊماسی، یاسایی و گردوو ڕەهەندەکاوە بەرڎەوام کۊشیای گنۊ وەڵێ. چالاکییەکۍ کە چی چوارچوەنە کریا یاوێنۍ بە قۊناغێوە تازەی. ئانە کە پلانەو پیلانگێڵنی دلێنە بەرۊ، مدرامان و سەرەوردای گەلین، داوا کەرمۍ وەنەو ژەنا، گەنجا و گرد لاێوە، کە هەرمانەوکاو سەروو شانەیشا بە کاریگەرانە پۊڕنا و بەشداریی ڕاپیمای گەورەو ئازاڎیی ١٧و شوباتوو شاروو کۊڵنی کەرا.
ئەرەمەنەیەکاو ڕابەر ئاپۊی هەرمانەو گردکەسیوەنۍ کە بیاونۊسا گرد لاێوە، پەی ئارڎەی ئازاڎیی گرد یاگێوەنە، ڕێکوستەی دەوروو ویرۊکەکاش، هەنگامنیای بەرەو چالاکییەکا، بەرزکەرڎەیۊ دژەسیستمی سەروو ئاستوو دلێ-هەرێمی-میاندەوڵەتی، پری بنیاتنیای سروشتیتەرین سیستموو کۊشیای پەی ژەنا و گەلا، پەی بنیاتنیای کۊنفیدڕاڵیزمی دیموکراتیکی، ئەنجامنە هێزە پیلانگێڵنەکۍ شکس مارا، سەرکەوتەی پەی ژنا و گەلەکەیما".
