پەدەکە کەرکووکنە چەنی بەرەی تورکمانی ڕێک کەوتەن
ئەرەیاونیا کە پەدەکە پەیوەس بە دیاریکەردەی پارێزگاری و سەرۆکوو ئەنجوومەنوو کەرکوکی چەنی بەرەی تورکمانی ڕێک کەوتەن، یەنەکە ئاشکراش کەرد، سازش سەروو کەرکوکی نمەکەرا.
بە قسێ هەواڵێوی ڕۆژنیوزی، سەرۆکوو بەرەی تورکمانیی عێراقی ئەرشەد ساڵەحی بەرنامێوی تەلەفزیۆنینە ئەرەیاونانش، چەنی پەدەکەی سەروو پێکئاردەی ئیدارەی وێمانەو کەرکوکی ڕێکێ کەوتێنێ. ئەرشەد واتش، ئادێ چەمەڕێ هەڵوێستوو لایەنە عەرەبییەکانێ.
پێسە جە ئەرەمەرزنای ئیدارەی وێمانەو کەرکووکینە، یەنەکە پەراوێزموزیۆ.
دەربارەو هەوڵەکاو بەرەی تورکمانی و پەدەکەی، قسەکەروو یەنەکەی سەعدی ئەحمەد پیرە پەی ئاژانسوو ڕۆژنیوزی دوا.
پیرە واتش ئی هەوڵێ سەرکەوتێ نمەبانە، یاسایچ ڕا پی هەوڵا نمەدۆ و ئی هەوڵێ لاو هێزە هەرێمییەکاوە مدریانە.
هەرپاسە پیرە ئەوەخوایش کەردۆ با ئا لایەنێ وێشا نەماننا، ئیدارەو کەرکوک بەبێ یەنەکەی نمەمەرزیۆرە.
یاگێ باسینە ١٨و تشرینوو یوەموو ٢٠٢٣ ورچنیەی پارێزگایەکا کریا، بەڵام تا ئیساتێ پارێزگار و ئیدارەو کەرکوکی دیاریێ نەکریێنێ.
