پەدەکە لۊزانیچنە یەکڕیزی و یۊبییەی تێک مڎۊ

پەی سەد ساڵەو پەیمانەو لۊزانی ماوێوە کەم مەنەن، کورد وێش حازر کەرۊ چێروو چەترەو کەنەکەینە بە هامکاریێوە وەرفراوان. کورد خۊی ئامادە دەکات لە ژێر چەتری کەنەکەدا بە هاوکارییەکی بەرفراوان چالاکییەکاو لۊزان بەرۊ ڕاوە، ...

پەی سەد ساڵەو پەیمانەو لۊزانی ماوێوە کەم مەنەن، کورد وێش حازر کەرۊ چێروو چەترەو کەنەکەینە بە هامکاریێوە وەرفراوان. کورد خۊی ئامادە دەکات لە ژێر چەتری کەنەکەدا بە هاوکارییەکی بەرفراوان چالاکییەکاو لۊزان بەرۊ ڕاوە، وەلۍ پەدەکە جارێوە تەر بانگەوازوو یەکڕیزی و یۊگێرتەییش ڕەت کەرڎۊ.

بەتایبەتی کورد و هەرپاسە ئا گەلۍ بۊنەو پەیمانەو لۊزانیوە زەرەرشا وەر کەوتەن، وێشاپەی چالاکیی وەرفراوانی ئامادە کەرا.   

بە سەرمەشقایەتیی کۊنگرەو نەتەوەیی کوردسان (کەنەکە)ی و کۊنگرەو گلێرگەی دیموکراتیکوو کوردسانییا جە ئەورووپانە (کەجەدەکە-ئە) ٥٢ ڕێکوزیۍ کورڎیۍ جە حەر چوار پارچەو کوردسانینە و دیاسپۊڕانە، پێسە یۊبییەۍ دژوو پەیمانەو لۊزانی ماوەو یەرۍ ساڵان هەرمانە کەرا.

کۊمیتەکە جە کۊشکەو رومینەینە ساڵەی ویەرڎۍ کۊنفرانسێوەش ساز کەرد، یانۍ هەمان ئا کۊشکۍ کە پایمانەکێش چەنە ئیمزۍ کریێبۍ، کۊمیتەکە ئەرەیاونابێچش کە تا ٢٤وو تەمووزی بەرڎەوامۍ با سەروو کەرڎەی چالاکی.  

پەدەکە جوابوو بانگەوازوو کۊمیتەکەیش نەداوە و چەنی کەسە نزیکا جە وێش جە ٢٧-٢٨وو ئایارینە ئوتێلەو رۊیال ساڤۊینە لۊزاننە کۊنفڕانسێوەش گێرت.

نامۍ سیاسەتمەداراو کورڎی خەتیب دیجلە، پرۊفیسۊر بیلگین ئایاتا، پرۊفیسۊر عەباس وەلی و پرۊفیسۊر پشکۊ حەمەتاهیر کۊنفراسەکەنە ئاما. دیجلە ناڕەزایەتییش وێش وەراوەروو ئانەیە نیشانە دا و واتش کە هاگەدارۍ ئا کۊنفرانسەیە نییەنۍ.

کۊمیتەو دژوو لۊزانی بە ئەرەیاونایوە ئاماژەش پانەیە کەرد، کە ئانە ئەخلاقی نییا، ئەوانۍ دژوو لۊزانینۍ مەتاوا کوۍ باوە، مایۍ خەمینە کە پێسە مامەڵە کەرا.

خەتیب دیجلە: هاگادارۍ ئا کۊنفڕانسەیە نییەنمۍ       

سیاسەتمەداروو کورڎی خەتیب دیجلە باسوو ئانەیشە کەرد، کە هاگاشا چا کۊنفرانسەیە نییەنە و واتش: "هیزی کۊشکەو رومینەینە بەشداریم پانێلێوەنە کەرد، هاگام جە کۊنفرانسی چانەیە نییا".

دیجلە واتیچش، "ئاواتەواز بێنا جە سەدساڵەو پەیمانەو لۊزانینە جەموو ڕێکوزیایە کورڎییەکا پێوەرە کوۍ باوە و هەڵوێستی هامبەش بەروزا. وەلۍ ئا مامەڵەکەرڎەیە نمۍ چێروو باروو یۊبییەی و یەکڕیزیوە".

کاراموس: ئەگەر ڕاسواچۍ با ئێمە ئامادێنمۍ پەی دیداری  

ڕاوەبەریی پەدەکەی جوابوو بانگەوازوو کەنەکەی مەدۊوە، چەنی دەزگا و کەسایەتییەکاو نزیکوو وێش کۊنفرانس گێرۊ. مەسعود بارزانییچ پەیامێوەش کیانان، ئەرەیاونانش"بێگومان ئانە هەرمانێوە مەبارەکەنە و مسۊگەرکەرڎەی ئا هەرمانۍ بە برایەتی و یۊبییەی شمە کریۊ، مشۊم پەی سەروستەیش دەسبەردارۍ، مسڵەحەتی گولانەی بیمۍ و مسڵەحەتوو کوردسانو وەرەچەم گێرمێ".

هامسەرۊکوو کەنەکەی ئەحمەد کاراموس باسوو ئانەیش کەرد، کە ئادۍ دەنگشا وزا پاڵوو دلینەو پەیامەکەو بەرزانی، وەلۍ بەکرڎەوە وەرپەرساو پەدەکەی جوابوو هامکاری و یەکڕیزییشا نەدانۊ.   

کاراموس  واتش کە ساڵەو ٢٠١٤بەدماوە پەی یۊبییەیهەرمانە کەرا و واتش، نە مەسعود بارزانی، نە نێچیرڤان بارزانی و نە مەسرور بارزانی جوابوو حەوڵەکاشا نەدانۊ. کاراموس واتش، "چەمەڕێنۍ کە ڕاسواچۍ با".

کاراموس واتش، وەڵی گرد چێوێنە ئێمە پەیامەکەو مەسعود بارزانی پەی ئی کۊنفڕانسەیە جە ڕووەو یۊبییەی کورداوە، بە ماندار منیەیمێرە، وەروو ئانەی چندین ساڵێن پەی یۊبییەی نەتەوەیی کوردا دادمانە و داوا کەرمۍ. کەم تا فرە چەترێوە نەتەوەییەما هەنە. جە چوارپارچەی کوردسانیوە فرە پارتۍ و ڕێکوزیۍ سیاسیۍ چێروو ئا چەترێنە جووڵیاوە. چند جارۍ داوام جە پەدەکەی کەرڎە، تا ئیساتۍ بە بیەی و نەبییەی جوابشا نەدانۊ".

بارزانی کە یۊبییەی نەتەوەیی ڕەت کەرۊوە، ئاخۊ قسەکۍ و ئەرەیاونایەکێش متمانێشا هەنە؟

کاراموس واتیچش، "ئاخۊ قسەکێش چندە دڵۊ مەیا و ڕاس ماچۊ؟ خەڵک تا چندە سێقەش هەن؟ چا یۊبییەی نەتەوەییەو کوردسانینە کە باسش کەرۊ مشۊم ئینسان چێشش جەنە حاڵی بۊ؟ ئا داواکاری و بانگەوازە پەی کێن؟ ٥٦ پارتۍ و ڕێکوزیۍ سیاسیۍ زیادتەر جە ١٠ ڕێکوزیایە مەدەنییا و بە سەدان کەسایەتیۍ چێروو چەترەو کەنەکەینه کوۍ بیێنێوە، ئەگەر ئا ڕێکوزیا و کەسایەتییا پێسە کورڎی وەڵاتپارێزنی، ئادیشا بە نەتەوەیی مەوینا کەواتە ئا داواکارییە پەی کێن؟".

کاراموس ئانەش دەسنیسان کەرد کە مشۊم، کورد دژوو پەیمانەو لۊزانی یەدەنگۍ با، پەی ئانەیچە ماوێوە فرەن هەرمانەو یۊبییەی نەتەوەیی بەرا ڕاوە.

کاراموس واتش، "وەروو ئانەی دژوو پەیماننامەو لۊزانی یەکدەنگۍ با ئێمە کۊشیەیمۍ. ئیساتۍ لۊزاننە کۊنفرانسێوە گێرا، با جە وێشا پەرسا ئانە چندە کوردسانین. ئا ئەرەیاونیایە کە بەروزیان هەمان وەختەنە داواکارییی ئێمەیچا. ٢٤ ساڵێن حەوڵی مدەیمۍ ئا هەرمانە مەبارەکۍ پۊڕنمۍ، خەتەی سوورەو ئێمە ئینا وەرەچەماوە و دیارەنە، ئەگەر دەسش بو ونەو کورڎی سوورە نەبیێبۊ، یۊ جە بەشەکاو کوردسانینە هامکاریی دوژمناو کورڎیش نەکەرڎێبۊ، ئێمە ئامادێنمۍ چەنیش هەرمانە کەرمۍ، حەرگیز نەکەرڎەنما بە مڵکوو حیزبێوە، ئەگەر بەڕێز مەسعوود بارزانی دڵشۊ مۍ، با کەرۊش، ئامادێنمیپەی یۊبییەی نەتەوەیی کورڎی کۊشیەیمێ".

س.ز