ئەرەیاۋناو کۊمېتەو پەیۋەنڎیەکاو بەرو پەکەکەی چا بارۊ:

چن ڕوۋێۋەن بەعزۍ جە دەسەڵاڎ داراو سویدی، پارتو جمیەرو ئێمەشا بە چن چێۋێۋە نا دروس تۊمەڎبار کەرڎەن ھەتا جمیەرو ئازاڎیی کورڎسانی بە تاوانکار نیشانە بڎا.

پەکەکە پارتێۋی سیاسېا، کە پۍ ڕزگاری و ئازاڎیی کورڎسانی ئەرەکۊشۊ و پۍ ئانەیچ قوربانیۍ فرە قورسێش دێنۍ. پارتەکەما، جمیەرێۋەن، کە بە بەھا ئەخلاقی و ۋیژدانی و دیموکراسیەکاۋە پەیۋەسا. پارتەکەما جە ڕۊو ئەرەمەرزیایشۊ(١٩٧٨) تا ئېسە، کە ماۋەو ٤٥ ساڵان، پا بەھا ئەخلاقیاۋە سېاسەت مکەرۊ. پارتەکەما حېچ پەیۋەنڎیێش بە کەس و لایەنە تاۋانکاریەکاۋە نیا و دژو ئا تەرەفایچنە.

حەرچنە ڕاسیەکە ئانەن، بەڵام دۊڵەتو ترکی و ھەمکارەکێش، پۍ ئانەی حېزبەکەیما تاوانبار کەرانۍ پەنا بەرانۍ ۋەرو گرڎ فێڵ و چەواشە کاری و درۋێۋە. ماۋێۋەن باڵیۊز ئۊسکار سترێنسترۊم سەرۊکو شانڎێۋەن و بە نامۍ سویدیۊ گفتوگۊ چنی تورکیای مکەرۊ. لوۋان بەشڎاریش چا تاوانبارکەرڎە نا ڕاسانە کەرڎەن. سترێنسترۊم، جە چەمپنە کەوتەیێنە چنی ڕادوێن و سویدی ۋاتش؛ بەعزۍ تاوانبارۍ جە سویدەنە تاۋانەو زەوتکەرڎەی و چەکی و ماڎەی ھۊشبەری ئەنجام مرڎانە گوایە ئانۍ ھەمکاری دارایی پارتەکەیما کەرا باسش جە نامێۋە بەنامۍ "ڕواسەی کورڎی"ۋە کەرڎ.

ئا واچەو سترێنسترۊمیە ڕاس نېا، حېچ چێۋۍ پاسە نېا ئا تاوانبارکەرڎەیشە جە ۋێشۊ پۍ ڕازیکەرڎەو دڵ ۋەشکەرڎەی تورکەکا ۋاتەن، کە چەمپنەکۊتەیشا چنی ئەنجام مرڎۊنە. ئێمە مەزانمۍ "ڕواسەو کورڎی" کێنە، مەشناسمێش و حېچ پەیۋەنڎیێما پۊشۊ نیا. جە تورکېانە ۋاچەو قسەکەرڎەی پۍ پەشتېۋانی جە پەکەکەی تاوانەنە و خەڵکش سەر زینڎانی مکریۊ. فرەو کەسی ھەن، کە بە مەڵامەتو قسەکەرڎەی سەرو پەکەکەی، یان نان دایۍ بە پەکەکەییەکا، تاوانبار کریێنۍ و ۋەرو ئانەی جە تورکېاوە ئامێنۍ و داواو پەنا ھەنڎەیشا جە دەسەڵاڎ داراو سویدی کەرڎەن، بە ۋاچەو سترێنسترۊمی "ڕواسەو کورڎی" ۋەرو ئانەی تاوانەش کەرڎێنەو سویدەنە شۊنېشەرە گێڵا و جە سویدەنە یاردەی پەکەکەیش دان، بەڵام بڕەمان پەی تورکېای و جە تورکېانە بە ئازاڎیی سوڕیۊۋە!. ئېنە ۋاچێۋە بۍ ئەرزشەو نا ڕۊشنەنە.

ئی جۊرە ۋاچۍ تەنھا جە لایەنو سترێنسترۊمیۊ مەڎریا. چی دماییەنە، جە چۋارچێۋەو گفتوگۊکاوئەنڎامیەتی سویدی جە ناتۊنە، پۍ ڕازیکەرڎەو تورکیای و ئەردۊغانی، ۋەرپەرسا حکومەتو سویدی، پێسە تۊبیاس بېلېسترۊم ۋەزیرو بەرو سویدی واچۍ چا شکڵەیشە دێبێنۍ. ئێمە تەمامو ئا تۊمەتا ڕەڎ کەرمۍ. ڕەنگە حکومەتو سویدی پەرە بە پەیۋەنڎیەکاش چنی تورکیەی بڎۊنە، بەڵام با سەوڎاو مامەڵە سەرو ئێمەو گەلەکەیمارە نەکەرۊ، نەبا بە پەشتېۋانو ئەردۊغانی دەس ۋناۋی، کە جە ۋڵاتو ئێمەنە تاۋانەو جەنگی دژ بە مرۊڤایەتی ئەنجام مڎۊنە.

دۊسایەتی بەینو کورڎی و گەلو سویدی ۋەڵېنگێۋە قەڎیمش ھەن. ئی دۊسایەتیە پۍ ئێمە زەروراو ئێمە گرنگېش مرڎەیمۍ پنە و گەرەکمانە عالتەر بلۊ ۋەڵێۋە. گەلو سویدی خۊتان ۋیژدانێنۍ و مزانانۍ و موینا، کە ئا ۋاچۍ و تۊمەتۍ چی مڎریانە پاڵما. ئێمە جەختکەرمێۋە جە پارێزناو بەھا مرۊیی و ئەخلاقی و دیموکراسیەکا. ئێمە بە لوۋای و ڕاکەرڎەی پا ڕێرە، کە ئێمە قەناعەتما بە ڕاستی و ڕەوابیەیش ھەن،ۋڵاتەکەیما جە ئەرەگېری نەجاڎ مڎەیمۍ و گەلەکەیما ئازاڎ مکەرمۍ.

ھ.ش