کۆمیتەو ڕاوەبەریی پەکەکەی ئەرەیاوناش : ئینایمێ ٤٢ـەمین ساڵیادوو مدرامانی گەورەی و ڕۆچێ مەرگوو ١٤ی تەمموزینە، کە بی بایسوو فاڕای چارەنویسوو گەلوو کوردی. پی بۆنەوە سڵام چا قەرارە گەورەیە و مدرامانەیە و کۆشیایە تارێخییە مکەرمێ، کە پەی شکۆ و ئازادیی ٤٢ ساڵا وەڵتەری سەروو ئا بنەمێوە پەرەش سانا و یاوا ٤٣ـەمین ساڵوو مدرامانی. ئێمە بە ڕێز و حورمەتۆ خولقنەراو ئی مدرامانە گەورەیە محەمەد خەیری دورموش، کەماڵ پیر، عاکیف یڵماز و عەلی چیچەکی یاد مکەرمێوە. ئەوەڵ ڕۆو شکۆی نەتەوەیی جە ڕابەر ئاپۆی و گردوو هامڕایاما و گەلی وەڵاتپارێزنی و دۆساو دیموکراسیما مەبارەک مکەرمێ. جە ٤٣ـەمین ساڵەو مدرامانینە، بە ڕۆحوو سەرکەوتەی و مدرامانی فیداییانەو ١٤و تەمووزیوە، درێژە بە هەڵمەتەو جیهانی ئازادی کە ئامانجش ئازادیی جەستەیی ڕابەر ئاپۆیا مدەیمێ و بەدڵنیاییوە سەرێمگنمێ."

ئەرەیاونایەکەو پەکەکەی پێسنەنە: "پیسە مزانیۆ مدرامانوو ڕۆچێ گەورێ مەرگی، کە ١٤و تەموزوو ١٩٨٢  لاو زیندانییە شۆڕشگێڵناوە دژوو ڕژێمی فاشیستی- سەروازی ١٢و ئەیلولینە زیندانەنە  کریا، ٤٢ ساڵێ مویەرۆ. ئا مدرامانە تارێخییە کە بە واتەی، "ئێمە بە پارتیما و ئازادی گەلەکەیماوە لکەدریێنێمێ و مپارێزنمێش" دەسش پەنە کەرد، سەرکەوتەی گەورەش بەدەس ئارد. جە کەسایەتیی ڕژێمی فاشیستی- سەروازیی ١٢و ئەیلوولینە عەقڵیەت و سیاسەتی ئەرەگیرکاری و کۆکوشیی حکومەتوو تورکی هورشنیاوە.  ماوەو ٤٢ ساڵی ویەردەینە کۆشیای ئازادیوازیی کوردستانی بە درێژایی ئا بڕیار و سەرکەوتەیە تارێخییە پەرەش سانان و دەسکەوتێ خاسێش خوڵقنێنێ و ئارۆ بییەن بە هومێدوو ئینسانیەتی. ئی بناغەیە فرەو وەڵێئامایە شۆڕشگێڵنییەکاش، جە شۆڕشوو ژیوایوە تا شۆڕشوو ژەنێ، ژیوای، ئازادی، جە شۆڕشی فکریی گەورەیوە، کە وێش جە پارادایموو شارستانیەتی دیموکراتیکینە موینۆوە تا شۆڕشوو ئازادیی وەرنیشتیشد شۆنەو وێشەرە ئارد. کوردستان بە هەڵمەتەی شۆڕشگێڵنییەو ١٥و تەباخی، گەریلای ئازادی و هێزوو پارێزنای وێشش ئەرەمەرزنا و خەتەو ڕاسی کۆشیایش پەی ڕزگاریی ستەموەنەکریایا ئاشکرا کەردە.

لە ١٤ی تەمووزینە سەروو خەتەو مدرامانی فیداییوە مکۆشیەیمێ و سەرێمگنمێ

ئەرەیاونایەکەو کۆمیتەو ڕاوەبەریی پەکەکەینە جەخت سەروو ئی خاڵا کریانۆ:

"ئیساتێ کە ملمێ ٤٣ـەمین ساڵەو ئی مدرامانە تارێخییەیوە، کاریگەریی فرە ڕۆشن و قەوەتش مەنەنۆ، خەتەو مدرامانوو فیداییاو ١٤ی تەمووزی، کۆشیایمانە پەی بۆ ئازادی و دیموکراسی حەر بوارێوەنە بۆ، ڕاما ڕۆشنە مکەرۆوە. پێسەو هەمیشەی و  گرد یاگێوەنە ‌هێزی گەورەما پەنە مبەخشۆ، پێسەو چراوێ ڕۆشنێ بەردەوام و ڕۆشنای کۆشیایمانە. ئیمرالی خەتەو سەرکەوتەی هەڵمەتەو ئازادیی جیهانیما پەی ئازادیی جەستەیی ڕابەر ئاپۆی و چارەسەروو پەرسەو کوردی دژوو سیستموو ئەشکەنجەی، گۆشەگیری و کۆکوشی دیارییە مکەرۆ، سەرچەمەی سەرەکیی هێز و ڕاسیی ڕۆشنایی کۆشیایمانە دژوو ستەمی فاشیستی زیندانەکانە، مدرامانوو گەلی وەراوەروو قەیومەکانە، هەڵوێستی شۆڕشگێڵنانە دژوو تیرۆری فاشیستی، دەسدرێژی ڕەگەزپەرسی  جادەکانە و مدرامانی ئازادیوازانە دژوو هجوومە داگیرکارییەکا پانیشتنە و وەرنیشتنە. ئێمە پێسەو جمیەری و گەلی  ٤٣ـەمین ساڵەنە بە درێژەدای بە خەتەو مدرامانی فیدایی ١٤و تەموزی مکۆشیەیمێ و سەرێمگنمێ.

ئامانجی سەرەکیما ئازادیی جەستەیی ڕابەر ئاپۆیا

ڕۆشنا، کە لە ٤٣ـەمین ساڵەو مدرامانی گەورەیوە ئێمە جە هەڵمەتەو ئازادیی جیهانیینە ئامانجما ئازادیی جەستەیی ڕابەر ئاپۆیا. هەڵمەتەکێ ٩ مانگێش تەمامنا و خاس کەوتە وەڵێ. مدرامانوو گەریلا قارەمانەکا، ژەنی و گەنجاما بە کۆشیایوە سەرمەشقایەتیی ئی هەڵمەتێ مکەرا. پێسەو جمیەری و گەلی، پلانەی سەرەکییەما پەرەپەنەدای کاریگەر و بەدەسئاردەی سەرکەوتەی هەڵمەتەی ئازادیییەو جیهانینە، کە ئامانجش ئازادی جەستەیی سەرۆک ئاپۆیا. چی پێوەندییەنە خەتەو مدرامانی فیدایی ١٤و تەمووزی ڕاما خاستەر ڕۆشنە مکەرۆوە. ئاشکران جە ٤٣یەمین ساڵەو مدرامانینە درێژە بە هەڵمەتەو ئازادیما مدەیمێ و بەدڵنیاییەوە سەرێمگنمێ.

ئێمە پێسەو جمیەری و گەلی، هەڵمەتەو ئازادیی جیهانی کە ئامانجش ئازادیی جەستەیی ڕابەر ئاپۆیا، جە هەموو بوارەکانە بە چالاکییە دەوڵەمەند و خوڵقنەرانەکاش موزمێنەش وەڵێ. ئیمرالیینە دۆخەکە زیاتەر ئینا گۆشەگیریی ڕەهانە ئینا ئارانە و ٤٠ مانگێن ڕا نەدریێنە هیچ زانیاریێوە جە ڕابەر ئاپۆیوە بزانیۆ. بێگومان نیگەرانیی فرە جیددیمان سەبارەت بە تەندروستی و سڵامەتیی سەرۆک ئاپۆی هەن. تیرۆری فاشیستی، ستەم و چەوسنایوەی گەلی ئینا سەری سەرۆ. دەسەڵاتداریی تەیب ئەردۆغانی گردو سیاسەتوو بەروو وێش سەروو هەوڵدای دژوو پارتیما و گەلەکەیما هەس کەردەنۆ، پی ئامانجەیە چەنی گرد کەسێوە کۆ مبۆوە و گردوو دەرفەتەکاو تورکیای  پەی ئا مەبەستەیە بەکارێ مارۆ. عەفرین گرێ سپی و سەریکانی ئینا چێروو داگیرکاریینە ڕوانە هجوومی سەروازی پەی سەروو ئا یاگا مکەرۆ. جگە چانەیچە بەردەوام هجووم مکەرۆ سەروو گەلوو شەنگالی و گەرەکشەن بەهامبەشی چەنی دەوڵەتوو عێراقی و پەدەکەی ئازادیی شەنگالی دلێنە بەرۆ.  

هجوومی ئەرەگیرکاری دژوو هەرێمەکاو پارێزنای میدیا و پانیشتوو کوردستانینێ

هجوومی هەمەلایەنەو سوپای فاشیستەو ئاکەپە-مەهەپەی ئارۆ ئەمڕۆ ئینا دژوو هەرێمەکاو پارێزنای میدیای و پانیشتوو کوردستانی. هجوومە ئەرەگیرکارییەکێ، کە ١٦و نیسانیوە پەی سەروو هەرێموو مەتینای و وەرنیشتوو زاپی زیادش کەردەن. ٣ی تەمووزیوە یاوان ئاستوو هجووموو ئەرەبڕیای و لکنای بە تورکیایوە. بازنەو ئی هجوومە ئەرەگیرکاری و لکنایەنە، کە بە ڕەزایەتوو حکومەتوو عێراقی و پاڵپەشتیی ڕاستەوخۆو پەدەکەیوە مکریۆ، دەیان هەزار سەروازێ و چەتێ، زیاتەر جە ٣٠٠ تانکا و زرەپۆشا ڕوانەو هەرێمەکاو مەتینا و زاپی کریێنێ. بەپێچەوانەو ئا ڕێبازەیوە کە ویەردەنە پەی گێرتەی کەشە بەرزەکا بێش، ئیساتێ هەوڵێ مدۆنە، شار و شارەکڵەکا بوزۆ بنەو دەسەڵاتیشۆ سەروو ئی بنەمێوە بە ئاشکرا دەسش سەروو بەشێوی فرەو پارێزگاو دهۆکیرە گێرتەن، هەوڵێ مدۆنە ئەرەنیشتاو دەگایەکاو هەرێمەکاو مەتینای و زاپی بە سۆچنای دەگایەکاشا، بگێرۆنە و هەڕەشێ  ئاوارەبییەیشا وەنە بکەرۆ.  

هجوومی ئەرەگیرکاری و لکنای کە لاوهامپەیمانیی ئاکەپە-مەهەپە-پەدەکە-داعشیوە مکریۆ، تەرسێوی گەورێنە

 تا ئی هەرمانا جە ڕای گردینی دلێی و بەری بەنهێنی بشاراوە، هەواڵوو ڕۆنامەکا وەڵا نمەکەرانێوە و بە وەڵاکەرەیوە هەواڵە دروا پێسەو "پەکەکە گردوو یاگێوی عێراقی مسۆچنۆ و ئۆپەراسیۆنێ مکەرۆ"، ڕاسییەکا چەواشە مکەرا. بەداخۆ تورکیا و ڕای گردینوو جیهانیچ کاریگەریی ئا درۆ و چەواشەکارییاشا ئینا سەرۆ و وەراوەروو ئەرەگیرکەردەی و لکنای مەنتێقێوە چند هێندەو غەززەی لاو کۆماری فاشیستی و کۆکوشیی تورکیوە بێدەنگێنێ. حکومەتوو ئیساتێ عێراقی وەراوەروو فشارەکا و بڕێو بەرژەوەندییێ ئابووریێ چۆکێش دێرە و نەتاواش هەڵوێستێوی پێویس و شکۆمەندانە نیشانە بدۆ، جە مردنای ئەرەگیرکاریی حکومەتوو تورکی. دەسەڵاتداراو پەدەکەی کە جە بنەیانەو بارزانیی وەشێ بیێنێ، وەڵات پەی بەرژەوەندیی شەخسی و بنەیانەیی وێشا مورەشا و یاوان لووتەو هامکاری و خیانەتی. گەرەکشانە گردوو حیزب و هۆزەکاو کوردستانی ئانێ چەنی بارزانی نەبانە دلێنە بەرا. سەروو بنەماو ئینەیچە بەشێوی فرەو پانیشتوو کوردستانیشا بە حکومەتی تورکی ورەتەن و تەسەور مکریۆ گردوو ئا مەنتێقا بۆ بە پارێزگایێوی تورکیای.

گەریلاکێ بەبێ ئانەیە یاگەکاشا جیا بازا قارەمانانە مدرامان مکەرا

هجوومی ئەرەگیرکاری و بڕیایرە، کە بە هامپەیمانیی ئاکەپە-مەهەپە-پەدەکە-داعشی، مکریۆ جددی و تەرسناکا. پێسە چەنی جەنگی یوەم و دووەموو جیهاینە، هەوڵێ کۆکوشیی گەلوو کوردی دریا، جەنگی یەرەموو جیهانیچنە پیسە بیاویۆ ئەنجام. ئێمە پێسەو تەڤگەروو ئازادیی کوردستانی حەر جە ئەوەڵۆ هەڵوێستێوی چالاکما وەراوەروو ئی تەرسێنە گێرتە وەر و حەرچەندە تەنیێ بێنمێ، بەڵام جەنگ و کۆشیایما کەرد. گەریلاکاو هەپەگەی و یەژا ستاری بەردەوام مدرامانێوی بەرزوو ئینسانیانەشا نیشانە دان و قارەمانانە بە بەدیلی فرەوە ڕووبەڕووی هجوومە ئەرەگیرکارییەکا بیێنێوە.  وەراوەروو بۆمبی کیمیایی، ئەتۆمی تاکتیکیینە مدرامانشا کەردەن. ئیساتێچ ڕووبەڕوو ئا هجوومە ئەرەگیرکاری و ئەرەبڕیایا مبانێوە، کە ٣ێ تەمووزیوە دەسش پەنە کەردەن، بەبێ ئانەیە هیچ یاگێوەشا جیا بازا پەی ئازادیی کورد و کوردستانی وەرگێرێ دوژمنی مبانێوە. ئی هەرمانێچە تەنیا بە پەشتیبەستەی بە هێزوو وێشا کەردەن. ناوەندوو ئەرەیاونای هەپەگە ڕوانە ئاماروو جەگەکا پێسەو وێش پێشکەش بە ڕای گردینی مکەرۆ. گرد چێوێ بە ڕۆشنی دیارا. گەریلاو ئازادیی کوردستانی بە مدرامانی بێوێنەو وێش بە پێشکەشکەردەی گەشمەردا وەرگێریی جە کوردستانی مکەرۆ و ڕا بە ئەرەگیرکاری و لکنای بە تورکیاوە نمەدۆ.

بەم بۆنەوە سڵام جە مدرامانوو گەریلا قارەمانەکا مکەرمێ و مەبارەکبایی سەرکەوتەیشا وەنە مکەرمێ، جە کەسایەتیی هامڕایا جانفیدا سۆرۆ و جانفیدا عەفرین یادوو گردوو گەشمەردە قارەمانەکاما بە ڕێز و حورمەت و منەتبارییوە مکەرمێوە. بەڵێ گەریلاکاو پەکەکەی مدرامان مکەرا و تا ئاخر وەرگێریی ئەرەگیرکاریی مکەرا. ڕێبازوو مدرامانەیچە ڕێبازوو سەرکەوتەی و مدرامانی فیداییانەو  ١٤ی تەمووزیا. بەڵام نمەبۆ تەنیا بە مدرامانوو گەریلایوە سنووردار بمەنۆ. پێویسا گەل و دۆسێ دیموکراتێما هەر چوار پارچەو کوردستانینە و بەرینە هێز پی مدرامانە بدانێ و مدرامانوو گەلی هامتەریب چەنی مدرامانوو گەریلای بگنۆ وەڵێ. بەتایبەتی گەلەکەما پانیشتوو کوردستانینە، بە دیەی ئا تەرسێ کە ڕووبەڕووش بیێنێوە، پێویسا بە سەرمەشقایەتیی گەنجا، ژەنا و ڕۆشنویرا دژوو ئەرەگیرکاری و لکنایی ئەرەپڕا. هەرپاسە پێویسا گەلاو تورکیای ژەنی، گەنجێ، ڕۆشنویرێ و هونەرمەندێ بوینا کە هجوومی ئەرەگیرکاری ڕاسیینە گەل و ئایندەو تورکیای مکەرۆ ئامانج و دژوو دیکتاتۆری فاشیستی ئاکەپە-مەهەپە زیاتەر بکۆشیانە.

ڕاسیینە ئا هجوومێ کە باسێ کریێ، ماناو ئانەیە نییەنە کە ئەرەگیرکەرێ فرە قەوەتێنێ، بەپێچەوانەوە، هەم فاشیزموو ئاکەپە-مەهەپەی و هەم تاکڕەویی پەدەکەی لاوازتەرین وەختەکاو تارێخوو وێشا ئەزموون مکەرا. بەڵام هەوڵێ مدانە پی هجووما عومرشا درێژ بکەراوە. ماوەو هەشت ساڵان پەی ئەرەگیرکەردەی هەرێمەکاو پارێزنای میدیای هجووم مکەرا، نەتاوانشا هیچ یاگێوی ئەمنییە پەی وێشا وەش بکەرا. پەوکای مکریۆ دژوو ئەرەگیرکاری و لکنای باسکریای بمدرمێوە، ئەرەگیرکاری فاشیستی ئاکەپە-مەهەپەی و تاکڕەویی پەدەکەی چا ونێ کە متێنەشا، مخنیکیانە.

هەر وەروو ئینەیە ئارۆ ڕۆو کۆشیایا، ڕۆو مدرامانی و سەرکەوتەین بە درێژکەردەیەوەی خەتەو مدرامانوو ١٤و تەموزی دژوو هجوومەکاو ئاکەپە-مەهەپە-پەدەکە-داعشی. ڕۆو مردنای ئەرەگیرکاری و خیانەتی فاشیست و کۆکوشییا، ڕۆو پارێزنای و ئازادیی کوردستانیین. ئارۆ ڕۆو بەشداربییەن جە مدرامانوو گەریلاکاو ئازادیی کوردستانی. هەرپاسە پێسەو وەڵاتپارێزنیی کوردی و ڕای گردینی دێموکراتیکی، بەیدێ با گردوو بوارەکانە دەس بە کۆشیای و دژوو هجووم و ئەرەگیرکارییەکا مدرامان بکەرمێ. بەیدێ یەکڕیزیی وەڵاتپارێزناو کوردی، دژوو هامکاری و خیانەتی بنیات بنیانە. بەیدێ با گردوو ڕێکوزیا کوردییەکا دژوو چەوسیایوەی دەسەڵاتدارا، فێوداڵی و مۆنیستی، هامپەیمانیێوی سیاسیی دیموکراتیک وەش بکەرمێ. بەیدێ با بە خاس ئشناسای دوژمنی و دۆسەکاما بزانمێ چەنی، چەنی دۆسەکاما بنیشمێرە و چەنی دژوو دوژمناما شمشێرە بکێشمێ. بەیدێ با ئازادیی کوردستانی و یۆبییەی دیموکراتیکوو تورکیای و وەرکەوتوو دلێراسەی سەروو بنەماو ئازادیی جەستەیی ڕابەر ئاپۆیوە بنیات بنیەیمێ."