ئەندامو شاندو ئیمراڵیی پارتو یەکسانی و دیموکراسیی گەلا (دەم پارتی) و یاگەگیرو سەرۆکو پەرلەمانی سری سورەیا ئۆندەر چا خەسەخانەنە کە چنەشەنە چارەسەر هۊرگێرۍ، کۆچی دماینش کەرد.چڼین کەسۍ سەرشا ۋنەو خەسەخانەو فلۆرەنس نایتینگەیلی دا کە ئۆندەرش ئینا چنە.

خەسەخانە پەڕبیەن جە مېمانا. یاگەگیرو سەرۆک شارەوانی ئیستەنبوڵی نوری ئاسڵان، سەرۆکو پارتو گەلەجەکی ئەحمەد داود ئۆغلو، یاگەگیرو سەرۆک کۆماری جەودەت یەڵماز، پارێزنەرو ئیستەنبوڵی داود گول، هامسەرۆکو دەم پارتی تونجەر باقرخان و پەرلەمانتاراو دەم پارتی و چڼین کەسۍ بەرەو خەسەخانە کۊتۍ ڕا.

پرسەو سەرەوەشی ئۆندەری جە مېیانو کەلتووری نازم حیکمەتی جە شیشلینە ملۊڕاوە. هامسەرۆکو گرڎیی دەم پارتی تونجەر باقرخان، هاموتەواچا هەدەکەی عەلی کەنان ‌ئۆغلو  مەرال دەنیش بەشتاشە، پەرلەمانتارەو دەم پارتی و ئەندامەو شاندو ئیمراڵی پەروین بوڵدانە، چالاکا تەژەئای سەباحەت تونجەلە و ئەنداماو دەم پارتیۆ پێشوازیی جە هاموڵاتیا مکەرا.

تەلارەکۍ پەڕە بیێنە جە مېمانا. وێنەو سری سورەیا ئۆندەری سەرو شاشێوە نیشانە مڎریۆ. مێزەکۍ بە وێنەو ئۆندەری و گوڵۍ ڕازیێنۆ.

سەرۋنەدایەکۍ بەردەوامێنۍ.