ئەندامو شاندس ئیمراڵیی دەم پارتی پەروین بوڵدانە پەشتگیریش جە بانگەوازەکەو سەرۆکو مەهەپەی دۆڵەتو باخچەلی کەرد دەربارەو پێکئاردە و کۆمیسیۆنێوە جە پەرلەمانەنە، واتش: "پەنەوازا دەمودەس ئەرەنیشتەکێ دەربارەو پێکئاردە و کۆمیسیۆنەکەی دەس پنە بکەرۆ".
ئەندامو شاندو ئیمراڵیی دەم پارتی پەروین بوڵدانە تەلەفزیۆنو (T24) هورسەنگنایش کەرد پەی بانگەوازەکەو دۆڵەتو باخچەلی "با کۆمیسیۆنێوە جە پەرلەمانەنە پێکبێنە".
پەروین بوڵدانە ئەرەیاوناش پێشنیارەکە ئەرێنییا و پەشگیریش چنە مکەرمێ،واتش: "ئێمەچ هەمیشە واتەنما، چی بابەتەنە یاگێ سەرەکییە پەی چارەسەری، مشۆم پەرلەمانەنە بۆنە، گرنگا ئی داواکارییە جە پێکئاردە و کۆمیسیۆنێنە بەرجەسە بۆنە".
پەروین بوڵدانە ئەرەیاوناش جە بابەتو پێکئاردە و کۆمیسیۆنەکەینە فرەی پارتە سیاسییەکێ هەمڕا بێنێ و داواش جە ئاکەپەی کەرد بەبێ دما کەوتەی تەماشە و وێش وزۆنە ڕووە.
پەروین بوڵدانە جەختش کەردۆ، مشۆم دەمودەس دانوستانەکێ دەربارەو کۆمیسیۆنەکەی دەس پنە بکەرا و پەرلەمان دەورو گێلنۆنە، واتش: "ئێژا باخچەلی ئاماژەش بە کۆمیسیۆنێوە ١٠٠ کەسی و کۆمیسیۆنێوە لاوەکیی کەرد، بێگومان ژمارە و شێوازەکەش تاویۆنە گفتوگۆش سەر کریۆنە. چنی ئانەیچ ئێمە بە تەمامەتی پەشتگیری چا بیرۆکەیە مکەرمێ کە پەنەوازا هەر لایەنێوە سیاسی ئەندامێوە پەی کۆمسیۆنەکەی دابین کریۆنە،
پەروین بوڵدانە جەختش کەردۆ، فاڕییای یاسایی پەنەواز پەی دیموکراتیکبییەی، مشۆم جە ڕاو کۆمیسیۆنێوە بۆنە.
