ناوەندوو ئەرەیاونای و چاپەمەنیی ھێزەکاو پارێزنایی گەلی (هەپەگە) ئەرەیاوناێوەنە وەڵاش کەرڎۊ، "بە ڕێزۊ جە ساڵیادوو گەشمەرڎەبییەیشنە یادوو فەرماندە گەورەکێما بێریتان (گوڵناز کاراتاش)ۍ کەرمێوە، کە جە کەشەکاو کورڎسانینە، هەڵوێستوو ژیوای ئازاڎوو ژەناو کوردینە، نیشانۍ ڕۊحی گیانبازیی ئاپۊیینە و خەتەو مدرامانی و سوپابییەی ژەنە ئازاڎامانە، هێزەکێما بە کەرڎەی چندین چالاکییا یادوو هامڕا بێریتانێشا بەرز ئرمانا و سڵامشا وەنەو٣٠یەمین ساڵیادوو ئەرەمەرزنای یەژا ستاری کەرد.  

ناوەندوو ئەرەیاونای و چاپەمەنیی هەپەگەی چا بارەوە ئی زانیاریێشە وستۍ ڕووە:

"هەرێموو  گەشمەرڎە دەلیلوو وەرنیشتوو زاپی؛

١٥و تشرینوو یوەمی سەعات١٣:٢١، مەیدانوو مدرامانوو کەشوو ئامێدی-ینە، بە چەکی قورس وەنەو ئەرەگیرا دریا.

١٧و تشرینوو یوەمی سەعات١٤:٠٠، ١٤:٢٠، ١٥:٣٥ و ١٥:٤٠،  مەیدانوو مدرامانوو کەشوو ئامێدی-ینە بە چەکی قورس و نیمچە ئۊتۊماتیک وەنەو ئەرەگیرا دریا.

١٧ی تشرینوو یوەمی سەعات٢١:١٠، مەیدانوو مدرامانوو کەشوو ئامێدی-ینە، بە نیشانەماڕۍ ئەرەگیرۍ کریۍ ئامانج، ٣ ئەرەگیرۍ سزا دریۍ. هەمان وەختنە بە چەکی نیمچەئۊتۊماتیک وەنەو ئەرەگیرا دریا و ئەرەگیرێوە سزا دریا.

١٨و تشرینوو یوەمی سەعات٠٩:٢٠ و ١٥:٤٠، مەیدانوو مدرامانوو کەشوو ئامێدی-ینە، بە چەکی نیمچە ئۊتۊماتیک وەنەو ئەرەگیرا دریا. چالاکییەکە لاو هێزەکاو یەژاستاریما کریا.

١٨و تشرینوو یوەمی سەعات ١٠:١٥ و ١٠:٢٥، مەیدانوو مدرامانوو کەشوو ئامێدی-ینە، بە چەکی قورس وەنەو ئەرەگیرا دریا.

١٨و تشرینوو یوەمی سەعات٢٠:٣٠، مەیدانوو مدرامانوو کەشوو ئامێدی-ینە کەمینێوە پەی سەروو ئەرەگیرا نریارە. بە چەکی سووک ئا ئەرەگیرۍ کەوتۍ دلۍ کەمینێوە کریۍ ئامانج. چا چالاکییەنە کە نزیکۊ کریا ٥ ئەرەگیرۍ سزا دریۍ و ٢ ئەرەگیرێچ  بریندارۍ بیۍ. ھەرپاسە سەعات٢٠:٤٠ بە نیشانەماڕۍ وەنەو ئەرەگیرا دریا و ٢ ئەرەگیرۍ تەرۍ سزا دریۍ. ھاموەخت بە چەکی نیمچە ئۊتۊماتیک جە یاگۍ جیاجیێوە ئەرەگیرۍ کریۍ ئامانج. چاگەیچ ٢ ئەرەگیرۍ سزا دریۍ، ٤ ئەرەگیرێچ بریندارۍ بیۍ.

ھەرێموو مەتیناینە؛

١٧و تشرینوو یوەمی سەعات ١٦:٢٥، مەیدانوو مدرامانوو کەشوو ئۊرتۍ، دژوو ئەرەگیرا بە چەکی سووک و نیمچەئۊتۊماتیک چالاکیێوە کریا و ٥ ئەرەگیرۍ سزا دریۍ. ئی چالاکییە هێزەکاو یەژا ستاریما کەرد.

١٨و تشرینوو یوەمی سەعات١١:٤٠، مەیدانوو مدرامانوو کەشوو ئۊرتۍ بە چەکی قورس ئەرەگیرۍ کریۍ ئامانج.

١٨ی تشرینوو یوەمی سەعات١٤:٤٠، مەیدانوو مدرامانوو کەشوو چارچەلینە، بە چەکی قورس وەنەو ئەرەگیرا دریا و گورز وەنەو کامێرێوە چەمداری و سەنگەرێوە ئەرەگیرا شنیا.

ھەرێموو خواکورکینە؛

١٨و تشرینوو یوەمینە سەعات١٦:٠٠، جە کەشوو گەشمەرڎە کامەرانینە بە چەکی قورس ئەرەگیرۍ کریۍ ئامانج.

هجوومەکاو سوپاو تورکی ئەرەگیری بە گازی کیمیاوی، تەقەمەنیی قەدەغەکریا و فڕۊکەی بێفڕۊکەوانی بۊمبچنکریا؛

 ١٧ و ١٨و تشرینوو یوەمی، سەنگەرەکاو جەنگی مەیدانوو مدرامانوو سیداینە ھەرێموو زاپی 2 جارۍ بە تەقەمەنیی قەدەغەکریا بۊردومان کریۍ.

١٧و تشرینوو یوەمی، سەنگەرەکاو جەنگی مەیدانوو مدرامانوو کەشوو چارچەلینە، ھەرێموو مەتیناینە  ٣ جارۍ بە فڕۊکەی بێفڕۊکەوانی بۊمبچنکریا بۊردومان کریۍ، هەرپاسە سەنگەرەکاو جەنگی مەیدانوو مدرامانوو کەشوو ئۊرتێنە ٢٦ جارۍ بۊردمانۍ کریۍ، کە ٧ جارۍ جە ڕاو تەقەمەنیی قەدەغەکریایۊ بییەن.

١٧ و ١٨و تشرینوو یوەمی، سەنگەرەکاو جەنگی جە مەیدانەکاو کەشوو جودی و ئامێدیینە هەرێموو گەشمەرڎە دەلیلوو وەرنیشتوو زاپینە،  ٢٣ جارۍ بە فڕۊکەی بێفڕۊکەوان و ٢ جارۍ بە تەقەمەنیی قەدەغەکریا بۊردومانۍ کریۍ.

هجوومەکاو سوپاو تورکی ئەرەگیری؛

١٩و تشرینوو یوەمی هەرێموو زاپینە مەیدانەکاو گەشمەرڎە ئیبراهیمی و دۊڵەو باڵنداینە ٥ جارۍ، هەرێموو خواکورکیچ مەیدانوو ئاڤاشینوو لۊلانینە ٣ جارۍ بە گردیوە ٨ جارۍ بە فڕۊکەی جەنگی بۊردومانۍ کریۍ.

١٧ و ١٨و تشرینوو یوەمی زاپنە، هەرێموو گەشمەرڎە دەلیلوو وەرنیشتوو زاپ، مەتینا، خواکورکی و بارزانینە بە هەلیکۊپتەری هجوومبەر بۊردومانۍ کریۍ.

هەرێمەکاو زاپ، گەشمەرڎە دەلیلوو وەرنیشتوو زاپی، مەتینا و خواکورکی تۊپوارانۍ کریۍ.

دلۊڤان ئیشلەک گەشمەرڎەو کۊشیای ئازاڎیمانە

سوپای تورکی ئەرەگیری بەئاشکرا هجووم کەرۊ سەروو گەلوو کوردی مەدەنی، تیرۊر کەرۊ و تاوانێوە گەورەو جەنگی کەرۊ. ١٧و تشرینوو یوەمی دلۊڤان ئیشلەکوو خەڵکوو مەخموری بە فڕۊکەی جەنگیی دەوڵەتوو تورکی گەشمەرڎە کریا، ئانەیچ جەنیش بێنی بریندارۍ بیۍ. دلۊڤان ئیشلەک کە گەنجێوە شکۊمەندوو کورڎسانی بۍ، وڵاتپارێزنێوە شۊڕشگێڵنما بۍ، کە جە کۊشیای شۊڕشینە ڕەنج و یاگەدەسش دیار بۍ، بە گیانبازیی گەورەوە خزمەت بە گەلەکەیش کەرۍ. دلۊڤان ئیشلەک گەشمەرڎێوە کۊشیای ئازاڎی و شۊڕشەکەیما. سەرەوەشیی جە گەریلاکاو ئازاڎیی کورڎسانی، بنەیانەو وەڵاتپارێزنی  گەشمەرڎە دلۊڤان ئیشلەکی و تەماموو خەڵکوو مەخموری کەرمۍ. گەلوو مەخموریما بە قوربانیدای گەورە تا ئارۊ هەڵوێستی وەڵاتپارێزنۍ گەورێش نیشانە دێنۍ. ئێمە ماچمۍ کە ئامانجەکاو خەڵکەکەیما مەخمورنە و گەشمەرڎە دلۊڤان ئیشلەک، کە ڕابەرایەتیی ئازاڎ و کورڎسانی ئازاڎی مارۊ دی و هاگاداری جە یادیش کەرمۍ.  

پەدەکە بەتەمامەتی کەوتەن چێروو دەسەڵاتوو دەوڵەتوو تورکیوە

دەوڵەتوو تورکی ئەرەگیری گەریلای پێسە بەهانۍ هجوومە ئەرەگیرییەکاش نیشانە مدۊ و پێسە  ڕەوایەتی بە ئەرەگیریی وێش مدۊ و هەوڵۍ مدۊ ئامانجە سەرەکییەکاش بشارۊوە. پەدەکە کە هامکاروو دەوڵەتوو تورکین، جە بەرژەوەندیی ئا بەهاناو دەوڵەتوو تورکیوە ئەرەیاوناێوە وەڵا کەرۊوە. ئەگەر یوەم ئامانجوو دەوڵەتوو تورکی ناستەی پەکەکەی و گەریلایچ بۊ، بنەڕەتنە ئامانجەکەش ئەرەگیرکەرڎەی تەماموو باشووروو کورڎسانین. بەڵگەی حاشاورنەگێریچ ئانەن، کە جە ٧وو تشرینوو یوەمیوە سوپاو تورکی ئەرەگیری عاسمان و زەمینۊ هەرێموو بارزانی و کەشوو شێرینی بۊردومان کەرۊ و سەروازاش چاگە بنۍ پەنە وزۊ. چا مەنتێقانە حیچ گەریلاێوەش نیا چەنە، وەلۍ سوپاو تورکی وێش مەنتیقەو بارزانیینە بنۍ وزۊ، ئینەیچ ئەرەگیریین.

پەدەکە چەمێش قووجنێنی ئاستوو گێرتەی گردوو پانیشتوو کورڎسانینە لاو دەوڵەتوو تورکیوە، وەلۍ قبووڵش نەکەرۍ کە گنۊ دلۍ مەنتێقەو بارزانیوە. ئیساتۍ پەدەکە بەتەمامەتی کەوتەن چێروو دەسەڵاتوو دەوڵەتوو تورکیوە و چەمێش ئاستوو ئەرەگیرانە قووجنێنۍ و مەتاوۊ وەراوەرشۊ دەنگ کەرۊ. چی دمایۊ دەوڵەتوو تورکی سەروو خەتەو ئامێدی پەدەکەیۊ بەرپڕنا و سەروازاو وێش چاگە بنێشا وستە. دەوڵەتوو تورکی ئیتر نەک هەر پێسە هامکاری بەڵکوم پێسە جاش و جەرڎەوانەکاش وێش  سەرنیشتوو کورڎسانینە وینۊشا و ڕۊشنا، کە پەدەکەیچ لوان چێروو باریوە".