پاڕێزنەرا نوسینگەو یاسایی سەڎەی پەی ئانەی بتاوا موەکیلەکەیشا عەبدوڵا ئۆجالانی بوینا، داواکاریشا پێشکەش بە داواکارو گرڎیی کۆماری بورسای و ڕاوەبەری زیڼانو ئیمراڵی کەرد.

داواکارییەکە جەلایەنو پارێزنەرا نوسینگەو یاسایی سەڎەی رازیە ئۆزتورکۍ، رەزان ساریجا، فایەق ئۆزگور ئەرۆڵ و مەزڵوم دینچیوە پێشکەش کریا.

پارێزنەرا بەهەمان شێوە بەمەبەسوو دیڎاری چنی عومەر خەیری کۆنار، حامیلی یەڵدرم و وەیسی ئاکتاشیچ کە ئیمراڵینە زیڼانیێنۍ داواکاریش وست ڕووە.

ماوەو چڼین ساڵان ڕابەر ئاپۆ دیدارو بنەیانە و پارێزنەراش ۋنە قەڎەغە کریان. بەشێوێوە سیستەماتیکانە داوا تۆمارکریاکۍ پارێزنەرا و بنەیانەکا جواب نمەڎریاوە، جە ماوەو ٨ ساڵا دماینە لاوکەمیۆ ١٥ جارۍ قەرارو قەڎەغەو دیدارو پارێزنەرا بە بەهانۍ بێ بنەمای بەرشیێنۍ.

فایەق ئۆزگور کە یۆن جە پارێزنەرا نوسینگەو یاسایی سەدەی، جە چوارچێوەو دما سەردای شاندو ئیمراڵی-دەم پارتیینە جە ٢٧و شوباتینە بەشدار بۍ جە چەمپنەکۊتەیەکاو ئیمراڵینە، وە تاواش موەکیلەکاو ۋێش؛ ڕابەر ئاپۆی، عومەر خەیری کۆنار، حامیلی یڵدرمی و وەیسی ئاکتاشی بوینۆ.