هامسەرۆکا گرڏی دەم پارتی ئاما و جەژنە و قوربانشا جە گرڏ و گەلا موبارەک کەرد و واتشا: " پەنەوازیما بە هێز و ئاشتیوازی جەژنێن و هیواڏارێنمێ جەژنە و قوربانی پەی گرڏیما ئاشتی، ئازادی و یەکسانی بارۆنە ئاراوە."
هامسەرۆکا گرڏی دەم پارتی تولای حاتەم ئۆغوللاریە و تونجەر باقرخان بە پەیامێوە جەژنە و قوربانیشا موبارەکە کەردە.
پەیامەکەو هامسەرۆکا دەم پارتی پی جۆرەن:
"جەژنە پەی هامبەشیکەردەی ئێش و هیوا و بە هێزکەردە و یۆگێرتە و واڵە-برایەتی کاتێوە فرە سەنگین و گرنگا.
وڵاتەکەما بە سەردەمێوە دژوارەنە ویەرۆنە. وەر و ئینەیچ جە گرڏ کاتێ زیاتەر پەنەوازیما بە هێزو ئاشتیخوازی و ژیوایۆ و جەژنێ هەن. ئی ڕووە تایبەتێ ئانەما یاڏوسۆوە کە پێوەرە ژیوای، ئاشتی گلێرگەی و ئایندێوە دیموکراتیک بە دی مێ.
ئێمە خەیاڵو وڵاتێوە مکەرمێ کە شوناس، بڕوا و زوانە جیاوازەکێ بە ئازادی و یەکسانی پێوەرە ژیومێ.
پێسە و کورد، تورک، عەلەوی، سونی، شیعە، ئەرمەنی و ئاشووری... جە ئەوەکۆشایمانە پەی کۆمارێوە فرەڕەنگ و دیموکراتیک بەردەوامێنمێ کە گرڏ و گەلا ئی خاکەی خاوەن مافو یەکسانی بانە و کەس بە مەڵامەتو بڕوا، زوان و شوناسەکەیشۆ زوڵم و فشارش چنە نەکریۆنە.
پی بڕوا و هیوایۆ جەژنە و قوربانی جە ٨٦ میلیۆن هامووڵاتیا وڵاتەکەیما موبارەک مکەرمێ و هیواڏارێنمێ ئی جەژنێ پەی گرڏیما ئاشتی، ئازادی و یەکسانی بارۆنە."
