گەریلاکاو هەپەگەی رێزان زیلان، کەنداڵ ئازاد و رۆژهات نۆرشین سەبارەت بە پیلانگێڵنیی ٩و تشرینو یووەم و ١٩٩٨ی کە ۋەرا ۋەر بە رابەرو گەلوو کوردی عەبدوڵا ئۆجالانی کریا قسێشا پەی ئاژانسوو هەواڵوو فوراتی کەرڎۍ.

رێزان زیلان: پیلانگێڵنیی مېیاننەتەوەیی جە کەسایەتی رابەرایەتینە دژو گەلوو کوردی، گەلا ۋەرکۆتوو مېیامینی و گرڎو گەلا چێردەسەی کریا. ئامانج جە پیلانگێڵنییەکەی ئەسڕیەیۆ و دلېنەبەردەی جەسەیی رابەر ئاپۆی، لاوازکەردەی جمیەرو ئازادیما بۍ کە پی جۆرە وزاش چېرو هەیمەنەو ۋێشاوە. بەڵام رابەرایەتی ڕاش پانەی نەڎا و پیلانگێڵنییەکەش دلێنەبەرد. پېسە گەریلاکاو ئازادی، پېسە جەنگاوەرا رابەر ئاپۆی، سەرچەمەو ئەرەکۊشایما رابەرایەتیا. مڎرامانۍ کە رابەرایەتی چڼین ساڵێن ئیمراڵینە مکەرۆش، پەی ئێمە نمونەن. هەلومەرج چن دژوار بۆ با بۆ، ئێمە متاومۍ بە ڕا و رێبازو ئەرەکۊشای رابەر ئاپۆی سەرۍ گنمۍ. ئێمە جە رابەرایەتیۆ فێرۍ ئەرەکۊشای بیەیمۍ. جە دمایی ئی ئەرەکۊشاینە هیوا موینیۆ، بەرەو ئا هیواو هومێڎییە هەنگام منیەیمۍ. بە چالاکییەکاما، ۋنەپەرسایۆ جە پیلانگێڵنا مکەرمۍ.

کەنداڵ ئازاد: هەڵای جە ئەڎۍ نەبیەبێنا، ڕابەر ئاپۆ دەسش بە ئەرەکۊشای کەردەبۍ. ئامانجو ئەرەکۊشای رابەرایەتی ڕۆشنگەری جوانا بۍ، بەڵام دۆڵەتە هەژموونگەراکۍ گەرەکشا نەبۍ جوانۍ رۆشن ۋیرۍ با، بەڵکم گەرەکشا بۍ جە تاریکینە مەناوە. هەر پۊکەی پیلانێوە مېیاننەتەوەییشا جە دژوو رابەریما ئەنجامدا. بەڵام نەیاوۍ مەرامەکەیشا. رابەرایەتی پیلانەکێش پوچە کەردۆ. ئانەی گرنگا ئانەنە کە ئازاڎیی جەسەیی ڕابەر ئاپۆی دەسەبەر بکریۆ. مشۆم پەی ئینەی کۆشش بکەرمۍ. جە فرەو وڵاتا پېسە ئەفریقای و هیندستانی سەرکردۍ ئا وڵاتا و گەلەکەیشا بە ئەرەکۊشای ئازاڎۍ کریۍ. ئێمەیچ متاومۍ ڕابەر ئاپۆی جە ڕوو جەسەییوە ئازاد بکەرمۍ.

ڕۆژهات نۆرشین: هێزە پیلانگێڵنەکۍ جە ڕاو گێرتەی ڕابەر ئاپۆیۆ گەرەکشا بۍ دەسکەوتەکا گەلەکەیما دلېنە بەرا. بەڵام نەیاوۍ مەرامەکەیشا. پەکەکە هەڵای ئینا سەرو پەیاوە و ڕۆ دماو ڕۆی قەوەتتەر بۆنە. گەمەو پیلانگێڵنا چنە گۆرۍ با، نە پەکەکە و نە گەلەکەما شکس نمارا. تا ئا کاتەی ئازادیی جەسەیی ڕابەر ئاپۆی مسۆگەر مکریۆ، ئێمە زیاتەر پەرە بە ئەرەکۊشایما مڎەیمۍ و بەردەوامۍ بیمۍ.