کوردسانیا ئەرەنیشتۍ شارە جیاجیاکا سویدی، جە ستۆکهۆڵمی پایتەختەنە کوۍ بیێوە و ٢٥ ەمین ساڵیاڎوو پیلانگێڵنیی میان نەتەوەیشا بە ڕاپیمایۍ شەرمەزار کەرد. ڕاپیماکەی جە تەرەفوو ناوەنڎوو گلێرگەو دیموکراتیکی کوردی (نەجەدەکە)ی و مەجلیسوو ژەنا ئامارای ستۆکهۆڵمیوە ڕێکوزیا. جە ڕاپیماکەینە ۋێنۍ ڕابەروو گەلوو کوردی عەبدوڵا ئۆجالانی و لافیتۍ "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" بەرزۍ کریێوە.

جە ڕاپیماکەینە وەڵاکریێکۍ بە ناموونیشانوو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" بەشۍ کریۍ.

جە ڕاپیماکەینە ئاماژە پانەی کریا  کەگۆشەگیری سەروو ڕابەروو گەلوو کوردی عەبدوڵا ئۆجالانی گرڎوو یاسا مرۆڤایەتیەکا پاشێل کەرۆ، داواشا جە حکومەتوو سویدی و کۆمیتەو ڕاگێرتەی جە ئەشکەنجەی (سی پی تی) و ڕێکوزیا میان نەتەوەییەکا تەری کەرد ۋەرپرسیاری ۋێشا هۊرگێرا.

ڕاپیماکەی بە درووشمەکا "بژیۋۆ سەرۆک ئاپۆ" و "بێ سەرۆکی ژیۋای مەبۆ" دمایش پنە ئاما.