ئەنجوومەنو جەمەو ژەما زنوبیاو ڕەقەی جە چوارچێوەو زنجیرەچالاکییەکاش بۆنۆ ٨ و ئاداری ڕۆو جەهانی ژەنە کرێکاراوە ڕاپیمێوە جەماوەریش جە ڕەقەنە ئەنجامدا.

ڕاپیماکەی وەردەموو خەسەخانەو سەروازی جە مییانو شارەکەی دەسش پنەکەرد. بەشداربییەکێ وێنەو ڕابەر ئاپۆی و ئاڵاو قەسەدەیشا هورگێرت و درووشمو "بژیوۆ ئیرادەو ژەنێ ئازاد"ا بەرزکەردۆ.

دماو دەقێوە ڕێزگێرتەی واتەواچەو جەمەو ژەنە زنوبیا خود ئەل عیسا بۆنۆ ٨ و ئاداریۆ سڵامش جە ژەنە کرێکارا جەهانی و گرڏو ژەنە تێکۆشەرا کەرد.

هەرپاسە واتش: "ئارۆ تەنیا جەژنێوە نییەنە، یاڏو ئەوەکۆشای دووردرێژی دژو ئا زیهنەیەتەیە خوازیارو ماڕاو ئیرادەی و ئازادیی ژەنان، ئا زیهنیەتەیە کە ژەنی جە بەشداریکەردەی کاریگەر جە بنیاتنانیاو گلێرگەی ئاشتییانە و دادپەروەر و یەکسان دور وسۆوە".

خود ئەل عیسای قەولش دا بە درێژەدای بە ڕاو ژەنا کۆششکارا تا بەدیئاردەو گرڏو مافەکا ژەنا.

گلێرۆبییەکەی بە سروودو شۆڕشگێڵی و هورپڕای دمایش ئاما.