ئەڏایا ئاشتیی پەشگیریشا جە دواکارییەکەو ڕابەر ئاپۆی کەرڎ
ئەنجوومەنو ئەڏایا ئاشتیی سەبارەت بە بانگەوازو 'ئاشتیی و گلێرگەو دیموکراتیک'ی ڕابەر ئاپۆی چڼین شارێنە کۆنگرێوە ڕۆنامەوانیشا ئەنجام دا.
ئەنجوومەنو ئەڏێ ئاشتیی ئامەدی سەبارەت بە داواکاییەکەو 'ئاشتیی و گلێرگەو دیموکراتیک'و ڕابەر ئاپۆی کۆنگرێوە ڕۆنامەوانیشا ئەنجام دا. هاڤا کران ئاماژەش پانەیەدا پڕۆسەو ئاشتیی د،او پەیامەکەو ڕابەر ئاپۆی جە ٢٧و شوباتی دەسش پنەکەرد. بە دەسپنەکەردەو پڕۆسەکەی ئەڏایا ئاشتیی پەشتگیریشا کەرد و ئەرەیاوناشا: "ماچمێنە با ئاشتیی وڵاتەکەمانە بەرقەرار بۆنە. داوا جە گرڏ کەسێ مکەرمێ، مشۆم جەنگ نەک تەنها لێوەنە مرڏۆ، بەڵکووم مشۆم جە هەر دووی لاوە جەنگ مڏرۆنە. جە وەرنیشت تاوەکو پانیشت مشۆم جە گرڏ یاگێن جەنگ مدرۆنە. هەرکەسێ بە وێش ماچۆنە مرۆڤ مشۆم پەی مدرناو ونمتەی هەنگامە بنیۆ و گرڏ کەسێ وەرپرسیارەتی وسۆنە ئەستۆو وێش".
رحا
ئەنجوومەنو ئەڏێا ئاشتیی رحای، سەبارەت بە داواکارییەکەو ڕابەر ئاپۆی "ئاشتیی و گلێرگەو دیموکراتیک" ی وەردەمو بیناو پارتی یەکسانی و دیموکراسی گەلا (دەم پارتی) رحا کۆنگرێوە ڕۆنامەوانیش ئەنجام دا.
ئەڏێ ئاشتیی عەدالەت چای ئەرەیاوناکەینە قسێش کەردێ و واتش: "ئی ٢ ڕووە بەرەو پڕۆسێوە تازەی کریانۆ. داواو ئێمەو گرڏو ئەڏێ ئانەن، دۆڵەت هەنگامە بنیۆنە. جەنگ و ئێربەستەی یەک لایەن نییا. ئیتر گەرەکما نییا ئەڏیا گێرتێنە و جوانێ مرانە. با جەنگ مڏرۆنە. با زینانەکێ کریاوە. با گفتکۆ بۆنە. پەنەوازا هەنگامە نریۆنە. مشۆم فرۆکەی جەنگی و تۆپبوارا مرڏۆنە. پەی مدرناو ونێ هەرچی پەنەواز کەرۆنە مکەرمێش".
ئەڏایا ئاشتیی مەیاسەر کۆرکماز ئاماژەش پانەیەدا بەتەمەنی ئاشتییشا گەرەکا و واتش: "بە پڕۆسێوە نزیک جە ئاشتیی ویەرمێنە. ئێربەست یەک لایەن نییا، مشۆم لایەنی تەریچ ئێربەس ئەرەیاونۆنە. ئیتر مەردەی و ون متەیما گەرەک نییا. ژیواو و ئاشتییما گەرەکا. نا پەی جەنگی، بەڵێ پەی ئاشتیی".
ئەرەیاوناکەی بە چەپڵە و بەرزکەردەیۆ دروشمی "نا پەی جەنگی و ئاشتیی" ئیسە دمایش ئاما.
مێرسین
ئەنجوومەنو ئەڏیا ئاشتیی مێرسینی وەردەمو بیناو ڕێکوزیاو دەم پارتی ناوچەو ئاکدەنیزینە کۆنگرێوە ڕۆنامەوانیشا ئەنجام دا. چنی ئەڏێ ئاشتیی پەرلەمانتارو دەم پارتی پەریهان کۆجاش بەشداری ئەرەیاوناکەی بیی. ئەمین ئەرین ئەرەیاوناش دا و سوپاسو حەرکەسێوەش کەرد کە پەشتگیری ئاشتیی مکەرۆ و هەنگامە منییەیمێ و واتش: "ئاشتییما گەرەکا. با ئەڏێ پۆلیسی، سەروازێ، کورد، کەس نە گیریۆ. ڕەنگو هەڵسەو چەما ئەڏێ پێسەو یۆینە".
تەنزیل بایدەرە ئاماژەش پانەیەدا چی پڕۆسەنە ئاشتینا گەرەکا و مشۆم دۆڵەت پەی ئاشتی هەلومەرجی پەنەواز خوڵقنۆنە.
