قەسەدە گورزش وەنەو بنکەو دەوڵەتوو تورکی شانا
قەسەدە ئەرەیاوناش، کە هێزەکێشا چالاکیێوەشا کەرڎەن دژوو بنکێوە دەوڵەتی ئەرەگیروو تورکی بە نامۍ "مەزرەعە"یۊ جە دەگایەکاو عەین عیساینە.
ناوەندوو ئەرەیاونای هێزەکاو سوریای دیموکراتیک (قەسەدە)ی، بە ئەرەیاوناێوە واتش، ١١و تشرینوو یوەمی دژوو بنکەو مەزرەعەو دەوڵەتی ئەرەگیروو تورکی عەین عیسانە چالاکییشا کەرڎەن.
ئەرەیاونایەکەو قەسەدەی ئینەنە:
"١١ و تشرینوو یوەمینە هێزەکێما دژوو بنکێوە دەوڵەتی ئەرەگیروو تورکینە بە نامۍ "مەزرەعە"ی جە دەگایەکاو عەین عیساینە چالاکییشا کەرڎ، وەلۍ ژمارەو کوشیایا و برینداراو هێزەکاو ئەرەگیرا نەزانییان. وەلۍ هێزەکێما گورزی مسۊگەرشا شانا وەنەو تانک و سەیارە سەروازییاو ئەرەگیرا، ئەرەگیرێشا گێڵنیوە پەی دلۍ بنکەکەیشا. هاموەخت بنکێوە سەروازیی ئەرەگیرا و کامێرێوە چەمداری مەڕیۍ".
