مییانو ئەرەیاونای هێزەکا قەسەدەی ئامارو جەنگی و هرووژمەکا دۆڵەتو ئەرەگیرو تورکی و چەتەکاش جە ٢٤ سەعاتی ویەردەنە وەڵا کەردۆ و ئەرەیاوناش کە هرووژمەکێ پەی سەرو بەنداو تشرینی و سردەو قەرەقۆزاقی زیاڏشا کەردەن.
مییانو ئەرەیاونای قەسەدەی سەبارەت بە هرووژمەکا دۆڵەتو ئەرەگیرو تورکی و چەتەکاش پەی سەرو بەنداو تشرینی و سردەو قەرەقۆزاقی و دێرحافری ئی زانیاریێشە وەڵا کەردێوە:
"دۆڵەتو ئەرەگیرو تورکی و چەتەکێش هیزی (جومعە) هرووژمە درندانەکێشا پەی سەرو ناوچەکێ سەرنیشتوو و وەرکەوتوو سوریای پەرە پنەدێ، فڕۆکە جەنگییەکێ دۆڵەتو ئەرەگیرو تورکی زنجیرە هرووژمێوەشا جە دەوروبەرو بەنداوەکەی ئەنجامدان. جە هەمان کاتەنە ناوچەو دەوروبەرو بەنداوەکەی، بەتایبەتی یاگێ کرێکارەکا، بە چڕی بۆمبواران کریا. جە ئەنجامەنە زەرەری ماددی گۆرەش ونە کەوتۆ.
هەرپاسە دەگاکا خەسەقی و تینای جە دەوروبەرو سردەو قەرەقۆزاقی جەلایەنو فڕۆکە جەنگییەکا دۆڵەتو ئەرەگیرو تورکیۆ بۆمبوارن کریێ. هەرپاسە دەگاکا تینا، جادا، بیر حسۆ، دیکان، سننا، سێڤێ و قەرەقۆزاقی بە تۆپ شانای، تانک و مووشەک، بۆمبواران کریێ. بۆمبوارانەکە زەرەری ماددی بە یانە و موڵکو خەڵکی مەدەنی ئا یاگا یاونان.
هەرپاسە جە قۆڵو دێر حافری؛ بەدرێژایی ڕۆی فڕۆکەی بێفڕۆکەوان و دۆڵەتو ئەرەگیرو تورکی سەرو ئاسمانو ناوچەکەیرە خولیێوە."
