جە فەرماندەکاو هەپەگەی عرفان ئامەد جە قسەکاشەنە کە جە کۆنگرەو ١٢هەمینو پەکەکەینە کەردێش دەسنیشانش کەرڎ کە جە دڵۆ ئینۍ چنی ڕابەر ئاپۆی و سەرو ئامانج و ڕاو ئاڎیی هەنگامە منیا.

عرفان ئامەد ئاماژەش بە گرنگی پرۆسەکەی دا و واتش: "سڵام جە مڎرامانوو ڕابەر ئاپۆی و گرڎو گەشمەرڎا شۆڕشی مکەرو. دڵسۆزیم بە گەشمەرڎا و ڕابەر ئاپۆیۆ واوەی مکەرووە. ماوەو دووۍ ڕووان گفتوگۆ ئینا ئارانە. بە قۆناغێوە سەختەرە موېیەرمۍ. هامکات قۆناغێوە تازێچەنە، ئا پرۆسەیەیی گنمێشەنە، بێگومان ئایندەما دیاری مکەرۆ.

چنی یاوایمۍ بە ئارۊی، هەۋاڵا باسشا چانەیە کەرڎ. بێگومان چڼین هەنگامۍ تاریخیۍ ئینۍ ئارانە. کەمۍ نیەنۍ. بەڵام بەبڕیارێنمۍ کە پەی ئازادی ڕابەر ئاپۆی گرڎ چێوۍ بکەرمۍ، ئا هەنگامۍ ڕابەری نیێنەش هەنگامېوە گۊرێنە."

جە بەردوامیینە عرفان ئامەد ئاماژەش پانەی دا گرڎو هەڤاڵەکاشا بەشدارۍ بڕیارەکا ڕابەر ئاپۆی بانە و واتش: "سەرۆکایەتی پڕنایمێشۆ پەی قۆناغێوە تازۍ. بێگومان ئینایمۍ سەرو ڕا و ئامانجو سەرۆکیماوە. بە دڵ و بەگیان پڕمېوە پەی ئا قۆناغ و پرۆسەیە. پېوەس بە مژارو چەکو پەکەکەیچۆ ئانەی ڕابەر ئاپۆ ماچۊش، پېوەسا بە پرۆسە تازەکەیۆ. ئینەش بە پەنەواز زانان و ڕاش مشۊنە. پەنەواز بە فرە واتەی نمەکەرۊ سەرش."

جە دما دماینە عرفان ئامەد ئاماژەش پانەی دا سەربەرزێنۍ بە پرۆسەکەو ڕابەر ئاپۆی و واتش: "گەلاو جەهانی گرڎ سەرۆکشا قبوڵ کەردەن و گرڎ کەسێ حەیرانا بە سەرۆکایەتیی ئاڎیی مژارە پەنەوازەکەی مکەرۆ. پڕمێوە پەی خاڵێوە. پېسە ۋێم پەیلوایم پی جۊرەنە. بە گرڎ جۆرێ ئینایمۍ چنی پرۆسەکەو سەرۆکی. ڕەنگە چێگەنە بڕۍ بڕیارې هۊرگێرمۍ، بەڵام بێگومان شەرتەیچما هەنە. مشۊم جە مژارو پرسو کوردی و چارەسەریینە دۊڵەت هەنگامە بنیۆ و قەناعەتما پنەبکەرۊ. واچۊ ئیتر منیچ دژمنایەتی نمەکەرو. پەنەوازا هەنگامەی یاساییە بنریۆ. حەقیقەتو ئاڎیی چێشا؟ سەرۆک حەقیقەتا. یەکانگیرییا سەرو ڕاسی و هێڵۊو سەرۆکایەتی. دەرەنجام ئانەنە. من پەی ۋێم، تا دمایی و بە گرڎ جۊرۍ باوەرم بە سەرۆکی هەن. تا ئیساتێچ حیچ دووەدڵیێوەم نەبیەن چانەینە. جە ئیسە بە دمایچۆ ئەر سەرۆک ئاپۆ هەنگامېوە بنیۆ، پەی سەرکۊتەی ئا هەنگامۍ ئانەی کریۆ و بۆنە مکەرمېش. سەرو ئا بنەمایۍ هیواو سەرکۊتەی پەی گرڎو هەڤاڵا موازو."