"ڕاپیماو ئازاڎیی ٢٥ کەسی" بە سەرمەشقایەتی کۆڵەکتیڤوو پەشتیوانی کوردسانی کە جە ١٢ ڕێکوزیایا پێکمۍ، ئەنجامدریا. ئەنداموو کۆڵەکتیڤەکەی، مایکڵ جۆرج ئەرەیاۋناش پێویسا فەرەنسا پۍ ئازاڎیی ڕابەروو گەلوو کوردی عەبدوڵا ئۆجالانی دەور گێڵنۆ.
سەڎان کەسۍ و چنڎین ڕێکوزیۍ شۆڕشگێڵنۍ و کرێکارۍ و سۆسیالیستۍ بەشدارۍ ڕاپیماکەی بێنۍ.
واتەواچەو کۆنسەو کوردی دیموکراتیکی فەرەنسای (جەدەکە-فە)ی بێریڤان فوراتە ئەرەیاۋنێوەش ۋەناوە و زانیاریش بە دەوروبەری ئەرەیاۋنا. سەرنجش وست سەروو کۊشیای گۊرەو کوردا دژوو بەربەریەتی داعشی و دەوڵەتوو تورکی.
بێریڤانە ئەرەیاۋناش ١٢ هەزار گەنجۍ کوردی بە فیکر و فەلسەفەو ڕابەروو گەلوو کوردی عەبدوڵا ئۆجالانی چنڎین ساڵۍ دژوو بەربەریزمی فیڎاکاریشا کەرد و واتش: "ئەگەر شمە چێگە و جە ئەوروپا و گرڎ یاگێوە جەهانینە بە ئاسوودەی مژیودۍ، ئانە جە سایەو ڕابەروو گەلوو کوردی عەبدوڵا ئۆجالانی و گەلوو کوردین".
خەڵکوو شارەکەی بەگەرمی پێشوازیشا جە چالاکییەکەی کەرد و جە تەماموو ڕاپیماکەینە وەڵاوکریۍ بەشۍ کریۍ. تەئکید کریاوە پێویسا گەلوو فەرەنسای بەقوەتتەر بەشداری ڕاپیماکەی کەرا.
نوێنەروو پارتوو چەپی، مایکڵ جۆرج ئەرەیاۋناش پێویسا فەرەنسا جە چارەسەری سیاسینە دەوروو ۋێش گێڵڼۆ، چارەسەری سیاسی پۍ کوردی پێویسا، ئینەیچ پەنەوازش بە ئازاڎیی ڕابەروو گەلوو کوردی عەبدوڵا ئۆجالانین، واتش: "سەروو ئی بناغەیە بانگەواز جە گرڎوو کۆمەڵە و ڕێکوزیا مەڎەنی و پارتە سیاسییەکا کەرمۍ بەشداری کۆڵەکتیڤەکەی کەرا. گەلوو کوردیچ پێسە گەلاو جەهانی مافوو ئازاڎیش هەن. بژیۋۆ گەلوو کوردی! بژیۋۆ عەبدوڵا ئۆجالان! ئازاڎیی پۍ عەبدوڵا ئۆجالانی!".
