ڕاپیمای گۊرەو ئازاڎیی، پۍ ئازاڎیی جەسڎەیی ڕابەروو گەلوو کوردی عەبدوڵا ئۆجالانی و چارەسەرکەردەی کێشەو سیاسی کوردی. جە ڕۆو ١١ەمینە بەردەواما. ڕاپیمایا جە گرڎ مەنتیقێوەنە بە جۆش و خرۆشۆ جە تەرەفوو گەلیوە پێشوازییشا ۋنە کریۆ. پەڕلەمانتارەو دەم پارتی ساڵیحە ئای دەنیزە کە جە قۆڵوو وانوو ڕاپیماکەینە بەشدارەنە، سەروو ڕاپیماکەی قسێش کەردۍ.

ناموونیشانوو چارەسەرکەردەی قۊرتەکا کوردی ئیمراڵیا

ساڵیحە ئاماژەش پانەی کەرد، تەنیا چارەسەری قۊرتەو کوردی، ئازاڎیی جەسڎەیی ڕابەروو گەلوو کوردی عەبدوڵا ئۆجالانا و کەردەیۆ بەرەو ئیمراڵیا و واتش: "جە ئیسەنە جە فرەو مەنتیقەکا جەهانینە، فکر و فەلسەفە، یایدۆلۆژییا و ڕوانگەو بەڕێز ئۆجالانی پۍ ئامای ئاراو ئاشتی بە گرنگ مزانا. پۊکاتی پۍ ئازاڎیی جەستەیی بەڕێز ئۆجالانی چالاکی و ڕاپیمای ئەنجام مڎا. ڕاپیمای گۆرەو ئازاڎیچ ئینا چا چوارچێوەنە. پەشتیوانی ئی ڕاپیمایە جە ئاستوو گەلیچەنە فرە ۋەرفراوانا. جە گرڎوو مەنتیقەکانە بە جۆش و خرۆشۆ جە تەرەفوو گەلیوە پێشوازیما ۋنەکریۆ. ۋەروو ئینەیچ گەل باوەڕیی تەمامشا بە ئازاڎیی جەسڎەی بەڕێز ئۆجالانی هەن، ناموونیشانوو چارەسەرکەردەی قۊرتەکا کوردیچ ئینا ئیمراڵی".

دەسە و دیاری بەخشا تا ئێمە بەرمێشا پۍ ئیمراڵی

ئایدەنیزە جە بەردەوامی قسەکاشەنە واتش: "گەل و ژارۊڵۍ چنڎین دەسەو دیاریێشا دێنۍ بە ئێمە پۍ ئانەی بیاونمێشا بە ئیمراڵی. ۋەروو ئانەی ئی ڕاپیمایە  زووتەر یاوان بە ئامانجەکاش. ڕوانگەو بەڕێز ئۆجالانی تەنیا چارەسەروو کێشە و قەیرانەکان، گرڎ باوەڕشا پاسەن کە یاگەگیروو ئی سیستمە قەیراناوییە، تەنیا ڕوانگەکۍ بەڕێز ئۆجالانینۍ. ۋەرنیشت نمونێوە زینڎەو ئینەین. پۊکاتی چارەسەرو قۊرتەکا و مسۆگەرکەردەی ئازاڎیی جەستەیی بەڕێز ئۆجالانی و چەمپنەکۊتەی چنیش تەنیا چارەسەرا. گەلوو ئێمەیچ باوەڕیش پینەینە. پۊکەی ئی ڕاپیمایە میاوۆ بە ئامانجوو ۋێش و گلێرگەیی بۆوە".