سوزانا جانە سەرۆکە و شارەوانی شار و بوجیبونسو ئیتالیای جە پێگەو وێش جە دیجیتاڵ میدیایی ئێکسینە سەبارەت بە بەخشا و شناسنامەی فەخری بە وریشە مورادیێ زینانو سیاسیی کوردی و سزادیا بە سزاو جەقەنارەدای پەیامێوەش وەڵاکەردۆ.

سوزانا جانا جە پەیامەکەشەنە ئاماژەش بە وریشە مورادیێ جە زینانو ئەوینی سزاو جە قەنارەدایش سەرەرە سەپیان و نیگەرانی وێش بەربڕی و واتش: "بە کۆو دەنگی ئەنجوومەنو شارەوانی ناوچە و بوجیبونسو ئیتالیای ڕەزامەندی وێش بەربڕگ سەر و پنەدای شناسنامەی فەخریش بە وریشە مورادیێ ڕاهێنەرە و وەرزشی، چالاکوانە و مافو ژەنا و زینانەی سیاسیە کوردە، کە پەشگیریش چا ژەنا کەردەن، کە بەمەڵامەتو جەنگو داعشی جە سووریانە زەرەرشا وەرکەوتەن."

سوزانا جانا ئاماژەش پانەیەدا لواشۆنی پەی دۆسییەو وریشە مورادیێ مکەرمێ و واتش: "وریشە مورادە جە زینان  ئەوینی ئەشکەنجە دریێنە و تەرسە و جەقەناردایش ئینا سەر، لواشۆنی پەی دۆخەکەیش مکەرمێ.