ڕۊشنۋیرا، هونەرمەنڎا، سیاسەڎمەدارا و کەسایەتی و ئەکادیمیسیەکۍ عەرەبی بە ئەرەیاۋنېوە پەشتیوانی ۋېشا پۍ کەمپینو 'ئازاڎیی پۍ ئۆجالانی و چارەسەری سیاسی پۍ پەرسوو کورڎی' بەربڕی.

جە ئەرەیاۋناکەنە ئامان: "ئێمە جەمۍ رۆشنۋیر، ئەکادیمیسیۍ و سیاسەڎمەدارۍ عەرەبینمۍ، پەشتیوانی ۋېما بەربڕمۍ و بەشڎاری چا هەڵمەتە میان نەتەوەییېنە کەرمۍ کە جە ١٠و تشرینی یۋەمینە جە سەرانسەروو جەهانی پەی ئازاڎیی جەستەیی رابەر عەبدوڵا ئۆجالانی و حەرپاسە پۍ چارەسەری سیاسی پەرسوو کورڎی دەسشپنەکریان.

جە بەشێوە ئەرەیاۋناکەینە ئاماژە بە پیلانگێڵی میان نەتەوەیی ١٩٩٩ی جە دژوو رابەروو گەلوو کورڎی عەبدوڵا ئۆجالانی کریان و چا بارۊ ئامان: "یۊ جە مەڵامەتەکا ئا پیلانگێڵییە میان نەتەوەییەی جە کەسایەتی بەڕێز ئۆجالانینە دژوو گەلوو کورڎی کریا، داواکارییە ڕەواکۍ ئاڎی بېنۍ پۍ ئازاڎیی، داڎپەروەری، پېوەرە ژیۋای گەلا هەرێمەکەی. سەرەڕاو گرڎ پەستان و ستەمێوەیچ ۋېش نەڎا دەسوو وڵاتا ۋەرنیشتی و سەربەخۆیی فکری و رەفتاروو ۋېش پارېزنا. جە کۊشیای و پرۆسەو ژیۋای هامبەش و واڵە و برایانەو گەلا هەڕێمەکەینە دەوری کاریگەرش گېڵنا و دژوو دەسوەرداکای بەری، بەرەو دلېینەیش بەقوەتکەرڎ.

حەر جە درێژەو ئەرەیاۋناکەینە ئانە ۋیر وزیانۊ کە ماوەو ٢٥ ساڵان گۆشەگیریېوە دژوار سەروو رابەروو گەلوو کورڎی عەبدوڵا ئۆجالانیرە سەپیان و نزیکەو یەرۍ ساڵېچا بەحیچ جۆرێوە زانیاریش جەبارۊ بەدەس نمۍ و ڕا بە خانەواڎە و پارێزنەراش مەڎریۊ چامشا پنەش گنۊ.

ئا رۆشنۋیر و کەسایەتیە عەرەبۍ جەختشا چانەی کەرڎەنۊ، کاربەدەسا تورکی و ئانۍ پیلانگێڵیی میان نەتەوەییشا جا بەجۍ کەرڎەن، ئەگەر حەز بە چەسپنای ئاشتی کەرا، پەنەوازەن بەرەکا ئیمراڵی کەراوە، چونکی کرېڵ و چارەسەری، ئاشتی و ئایندە ئینا لاو عەبدوڵا ئۆجالانیۊ.

سەروو ئا ئەساسیە ئا رۆشنۋیر و کەسایەتیە ئەکادیمیە عەرەبۍ پەشتیوانی و بەشڎاری ۋېشا جە هەڵمەتەو میان نەتەوەیینە بە ئامانجوو دەسەبەرکەرڎەی ئازاڎیی جەستەیی رابەروو گەلوو کورڎی عەبدوڵا ئۆجالانی و چارەسەری ئاشتیانە و دیموکرتیکی پەرسوو کورڎی بەربڕیەن، تەئکیدشا کەرڎەنۊ کە بە تنی گۆشەگیری سەروو عەبدوڵا ئۆجالانی و جەنگی هەمە لایەنە و بەرفراوان جە دژوو گەلوو کورڎی شەرمەزار کەرا.

ئیمزاکۍ:

عەلی احمد بەدرخان، سینەماکار / میسر

ئەنڎاموو پەرلەمان و میسری عاتیف مەگاوری

باڵیۆز شەریف ساهین، باڵیۆزی وەڵینوو میسری جە لوبنان و عێراق

عەلی سەید ئیبراهیم، ​​پسپۆڕوو نەتەوە یۊگېرتەکا پۍ ماڵایرەو چەکی (DDR) و/جە سودان

د.محەمەد ڕفعەت ئیمام پرۆفیسۆری تاریخی مۆدێرن و ڕاگری وەڵینوو فاکەڵتی ئادابی/میسر

دکتۆر تەها عەلی احمد، نویسەر و ئەوەکۊلیەری سیاسی / میسر

ئیلهام ئەلمیلێجی، ڕۆنامەنوویس-نوویسەر/میسر

ڕایدە حسێن عەبدوڵڵا ئەلدەبهانی، باڵیۆزوو ئاشتی / یەمەن

وەلید ئەلرەمالی، ڕنامەنوویس/نوویسەر/میسر

یوسف واهیب، نوویسەر و ڕۆنامەنوویس / میسر

د. سەمیر فازل، مامۆساو زانشتگەی/ میسر

عوسمان باراکە، شرۆڤەکاری سیاسی / لیبیا

شەریف عەبدولحەمید، ۋەرپەرسوو ناوەندی کەنداوی پۍ ئەوەکۊڵیاکا ئێرانی/میسری

عەبدۆ مەغریبی، نوویسەر و ڕۆنامەنوویسی میسری / میسر

شوکری سیخانی سەرۆکوو جمیەروو چاکسازی و ئەنڎاموو ئەنجومەنوو سەرۆکایەتی MSD

د. عەلی سێبێت، توێژەر و ئەکادیمی / میسر

د. فەرناز عەتیە، پرۆفیسۆری زانستی و سیاسی / میسر

سەید مستەفا، ڕۆنامەنوویس و میدیاکار / میسر

محەمەد فەتحی شەریف، ۋەرپەرسوو سەنتەروو توێژینەوەی عەرەبی / میسر

موحسین عەودەڵا، نوویسەر و ڕۆنامەنوویس / میسر

محەمەد حەسەن عامێر، ڕۆنامەنوویس و شرۆڤەکاری سیاسی / میسر

د. مەحمود زەید، مامۆستای زانشتگەی / میسر

د. ئەحمەد ڕەجەب، پارێزنەر و ئەنڎاموو سەندیکاو پارێزنەرا عەرەبی/ میسری

فیراس یونس، سیاسەتمەدار و نوویسەر/سوریا

هانی ئەلسیمۆڵ، توێژەرو کاروباری دلېینەی و میان نەتەوەیی / میسر

ڕامی زۆهدی، سیاسەتمەداری سەربەخۆ / میسر

عادل فەخرانی، ڕۆنامەنوویس / میسر

عەلا عەبدولفەتاح سەید، خۊتان دەزگاو چاپی و ۋەڵاکەرڎەیۊ/میسر